Nákha 19 ñajunʼ gu̱nʼ mayo tsiguʼ 2022, bi̱ Nuxna ikha xóo mañewunlúʼ dí rígá náa Naciones Unidas nidxawíín dí nithi mbá 75 xa̱bu̱ ñajunʼ bi̱ guaʼdáá numún dí “ga̱jma̱a̱ numuu nandii COVID-19 ga̱jma̱a̱ dí naxtiʼkhuu clima, ma̱ngaa numuu guerra dí rígá náa Ucrania naʼni dí marigá itháan ewiʼ náa xúgíʼ numbaaʼ”. Nda̱wa̱á náa mbá periódico dí mbiʼyuu The Economist niʼthí “dí narígá guerra naʼni dí náa numbaaʼ marigá ewiʼ”. Náa Biblia niʼtáriyaʼ dí xúʼko̱ garigá ewiʼ náa mbiʼi dí kuwáánʼ, mú ma̱ngaa nambáyulúʼ mbuʼyáá xóo gándoo muraʼníí índo̱ narígá xúʼko̱.

•    Jesús niʼtáriyaʼ dí “xuajen mba̱ʼu̱ magi̱ʼdu̱u̱n gajmiún i̱ʼwáʼ xuajen mba̱ʼu̱, xa̱bu̱ ñajunʼ magi̱ʼdu̱u̱n gajmiún eʼwíinʼ xa̱bu̱ ñajunʼ, marigá ewiʼ” (Mateo 24:7).

•    Náa libro ndrígóo Apocalipsis na̱ʼkha̱ raʼthí ga̱jma̱a̱ numún a̱jkhui̱i̱n bi̱ katrámiún wáyú bi̱ nindxu̱ún mbá xkri̱da dí marigá. Mbáa dí ikhaa nandoo gáʼthúu̱n guerra. Bi̱ na̱ʼkha̱ tsu̱du̱u̱ nandoo gáʼthúu̱n ewiʼ, mbá mbiʼi dí nánguá eʼngo̱o̱ ganitsu ga̱jma̱a̱ naxtagujua minumuu wéñuʼ. “Ikhú ndi̱yo̱o̱ mbáa wáyú skuniiʼ. Ga̱jma̱a̱ bi̱ kríguíi kayá mbá balanza... Nidxawuun mbá aʼwá rí niʼthí: ‹Mbá litro trigo maʼni numuu mbá denario, ga̱jma̱a̱ ajtsú litro cebada maʼni numuu mbá denario›” (Apocalipsis 6:5, 6).

 Rí niʼtáriyaʼ rígi̱ ga̱jma̱a̱ numuu ewiʼ xtáa rambánuu dí Biblia niʼthí dí kuwáánʼ náa “iwáá mbiʼi” (2 Timoteo 3:1). Mu majmañaaʼ itháan ga̱jma̱a̱ numuu “iwáá mbiʼi” ma̱ngaa ga̱jma̱a̱ numún a̱jkhui̱i̱n wáyú bi̱ na̱ʼkha̱ raʼthí náa Apocalipsis, atayáá video rí mbiʼyuu Asndu nákha tsiguʼ 1914 nixtiʼkhuu mbá kayuuʼ numbaaʼ ma̱ngaa atraxnuu artículo “¿Qué representan los jinetes del Apocalipsis?”.

•    Náa Biblia na̱ʼkha̱ consejo dí nayambáá rí ma̱ndoo mambáyulúʼ muraʼní xkujndu dí gakhii xóo rí naʼni minumuu wéñuʼ ganitsu o rí narígá ewiʼ. Atayáá tikhu xkri̱da dí na̱ʼkha̱ náa artículo “Cómo vivir con menos”.

•    Biblia ma̱ngaa nambáyulúʼ muguaʼthi̱i̱n dí májánʼ nda̱wa̱á. Naʼthí dí mbá mbiʼi “maʼga̱nú marigá wéñuʼ ganitsu náa tsu̱du̱u̱ ku̱ba̱ʼ” (Salmo 72:16). Mu majmañaaʼ itháan ndiéjunʼ e̱ʼkha̱ raʼthí náa Biblia ga̱jma̱a̱ numuu dí marigá nda̱wa̱á ma̱ngaa ndíjkha dí ma̱ndoo munimbulú dí na̱ʼkha̱ raʼthí ikhí, atraxnuu artículo “La esperanza real de un mañana mejor”.