¡GAKUWÁÁNʼLÚ MÁ XÚʼKO̱ XAWII!
Rígá gamíi mambáa ku̱ba̱ʼ | Ndiéjunʼ eʼthí náa Biblia rá.
Náa discurso ndrígóo António Guterres, bi̱ nindxu̱u̱ secretario general náa Naciones Unidas, rí nithi índo̱ nigimbíin gobiernos bi̱ naguwáʼ náa xúgíʼ numbaaʼ bi̱ najmañún ga̱jma̱a̱ numuu rí naxtiʼkhu̱u̱ clima, nákha 4 ñajunʼ gu̱nʼ abril tsiguʼ 2022 niʼthí: Xa̱bu̱ numbaaʼ kúwá runi dí maʼni: Mijkha wéñuʼ, mato̱ʼo̱o̱ iyáʼ náa xuajen mba̱ʼu̱, maxnúu giñán mbiʼ. Rí nánguá marigá iyaʼ. Rí mambíin mbaʼin wéñuʼ xujkhúʼ ga̱jma̱a̱ plantas. Gajkhun rí natha, raʼkháa nandoʼ mani miñala. Xúʼko̱ ethi científico, á mu xa̱bu̱ ñajunʼ tsériʼkhu̱u̱ xóo najmún aguʼ.
“Científicos nuthi rí náa tsiguʼ dí ma̱ʼkha̱ marigá gamiéjunʼ ga̱jma̱a̱ numuu rí maxtiʼkhu̱u̱ clima rígi̱ makujmaa itháán náa mbá 423 parques ndrígóo [Estados unidos] numuu rí tséʼngo̱o̱ índo̱ naʼni mijkha wéñuʼ. Gamiéjunʼ dí marigá rígi̱ nindxu̱u̱ má rí náa Biblia niʼthí dí marigá: Rí mikha̱a̱ xáná ga̱jma̱a̱ rí mato̱ʼo̱o̱ iyáʼ náa xuajen, rí na̱jkha̱ rajuiya̱a̱ʼ hielo, rí naʼni itháán mba̱a̱ mar ga̱jma̱a̱ rí naʼni mijkha wéñuʼ”. (“Flooding Chaos in Yellowstone, a Sign of Crises to Come” [Rí nito̱ʼo̱o̱ iyáʼ náa Yellowstone, nindxu̱u̱ mbá rí náa nisngajma gamiéjunʼ dí ma̱ʼkha̱], The New York Times, 15 ñajunʼ gu̱nʼ junio tsiguʼ 2022).
Lá maguma gámbáa rí naʼni gachúu ku̱ba̱ʼ ráʼ. Á mu xúʼko̱, tsáá gaʼngo̱o̱ gáʼni rá. Atayáá rí naʼthí náa Biblia.
Náa Biblia niʼthí rí maʼchúu ku̱ba̱ʼ
Náa Biblia naʼthí rí Dios maʼni “gámbíin bi̱ kúwá runigámbáa ku̱ba̱ʼ” (Apocalipsis 11:18). Rígá mbá ajtsú eni̱ rí najmañulú náa versículo rígi̱:
1. Xa̱bu̱ numbaaʼ muni gachíi ku̱ba̱ʼ.
2. Rí naʼni gachúu ku̱ba̱ʼ maguma gámbáa.
3. Bi̱ maʼngo̱o̱ maʼni májáanʼ ku̱ba̱ʼ nindxu̱u̱ Dios raʼkháa xa̱bu̱ numbaaʼ.
Maʼni̱i̱ májáanʼ ku̱ba̱ʼ nda̱wa̱á
Náa Biblia naʼthulú rí “ku̱ba̱ʼ nbajyúuʼ kámuu mbiʼi” (Eclesiastés 1:4). Makuwíin má xúʼko̱ xa̱bu̱.
“Xa̱bu̱ bi̱ nuni rí májánʼ mundrigúu ku̱ba̱ʼ ga̱jma̱a̱ makuwá kámuu mbiʼi ikhí” (Salmo 37:29).
Ku̱ba̱ʼ maʼni̱i̱ májánʼ ga̱jma̱a̱ maʼni̱i̱ mitsaanʼ.
“Náa ku̱ba̱ʼ mixooʼ ga̱jma̱a̱ náa mbaaʼ rí nijndooʼ marigá rí gagi, ga̱jma̱a̱ náa xkua̱ rí nijndooʼ marigá rí tsímáá ga̱jma̱a̱ majmi̱di̱ wéñuʼ ri̱ʼi̱ azafrán” (Isaías 35:1).
Puede que también le interese
ESSENTIAL BIBLE TEACHINGS
Náá numuu rí Dios ni’ni ku̱ba̱ʼ rá.
Ku̱ba̱ʼ náa kuwáanʼlu nindxu̱u̱ mitsaanʼ. Na̱nguá má gíʼ mitsínguánʼ wéñuuʼ ni má mijngii náa a̱jkha̱ʼ, awa̱án ngutuáʼán náa gíʼ a̱jkha̱ʼ ga̱jma̱a̱ na̱nguá gíʼ jmbu. Náá numuu rí Dios niʼniratoo májánʼ wéñuuʼ Ku̱ba̱ʼ rá.
BI̱ NAYEJNGOO
Rí gáʼni Reino ndrígóo Dios
Jesús ndiʼyoo rí i̱ndó Reino ndrígóo Dios nindxu̱u̱ mbáa Xa̱bu̱ Ñajunʼ bi̱ maʼngo̱o̱ maʼnimbánuu xkujndu. Ndiéjunʼ niʼni má mu makumulúʼ kuʼyáá xá.
GA̱JMA̱A̱ NUMUXUʼ
Ayuʼ náa reunión
Atayáá itháan xú káʼnii nindxu̱u̱ reunión ndrígúxu̱ ga̱jma̱a̱ náa mina̱a̱ʼ egimbáanʼxu.
