•   “Phú mbaʼiin xa̱bo̱ buanuu ná Estados Unidos na̱ju̱múu̱ rí júwe̱e̱ʼ ndakhúu̱n. Xa̱bo̱ tikhu jiáma tsí phú na̱ju̱múu̱ rúʼkhue̱n” (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Ajngúún xa̱bo̱ tsí nune̱ gajma̱a̱ xáne eʼne a̱kui̱ín xa̱bo̱ tsí nune̱ janíí mijná inúú iʼwíin jamí na̱ju̱mu̱ú rí júwe̱e̱ʼ ndakhúu̱n ná Estados Unidos], tsigu 2023).

•   “Xa̱bo̱ ede̱ [OMS] ni̱ru̱wiin xa̱bo̱ ede̱ tsí mune̱ gajma̱a̱ jamí mbuyáá náá numuu jngó phú mbaʼiin xa̱bo̱ na̱ju̱mu̱ú rí júwe̱e̱ʼ ndakhúu̱n, numuu rí phú ngamí mbañúú nandi xa̱bo̱ tsí xkuaʼnii ju̱mu̱ú. Xa̱bo̱ tsíge̱ʼ mune̱ gajma̱a̱ xáne gúni̱i̱ rí xa̱bo̱ ma̱mba̱xu̱ún jamí mangaa xáne gágu̱ma ná mbámbá xuajen mi̱thambáñúú xa̱bo̱ ma̱xáju̱múu̱ rí júwe̱e̱ʼ ndakhúu̱n, ríge̱ʼ mangaa ma̱gu̱ma asndo ná xuajen rí phú ngíná” (Ajngúún xa̱bo̱ ede̱ tsí nuthúún Organización Mundial de la Salud, mbiʼi 15 i̱ka̱ ñajun go̱nʼ noviembre tsigu 2023).

 Ajngóo Ana̱ʼlóʼ naʼthán ajngáa rí phú máján ma̱goo mambáñúú xa̱bo̱ mambáxu̱ún mújúún gajmíí iʼwíin.

 Ma̱xátha̱ne̱ me̱ndaʼkho ñajon rí mariña̱á janíí inúú i’wíin. Xa̱bo̱ tsí phú najmúú me̱ndaʼkho red social nune̱ janíí mijná inúú iʼwíin. Ikhaa jngó, athane̱ ñajon rí mambáyáaꞌ mambáxa̱a̱ʼ gajmiáaʼ iʼwíin xa̱bo̱.

•   Kíxnuu rí mambáyáaʼ: “Xa̱bo̱ tsí gakon iya nga̱jia̱aʼ ñajuu̱n jámba̱ miʼtsú nandoo̱ jaʼyaaʼ jamí asndo xó mbáa dxíya̱a̱ʼ tsí mambáyáaʼ awúun gaʼkho̱ jaʼnii̱” (Proverbios 17:17).

 Ata’yá xáne gáta̱mbáñúú xa̱bo̱. Phú máján e’ne a̱kia̱n’ló’ ído̱ rí nu̱ꞌñúúlóꞌ rí máján iꞌwíin, naʼne rí ma̱juwalóʼ gagi jamí mangaa rí ma̱mbáxa̱ʼ májánlóʼ gajmiálóʼ xa̱bo̱.

•   Kíxnuu rí mambáyáaʼ: “I̱tha̱án máʼ gagi xtáa tsí naxná xó rí tsí na̱grui̱gú” (Hechos 20:35).

 Xí nandaaʼ ma̱thiya̱á xí ríga̱ʼ iʼwá ajngáa tsixprígú rí mambáyáaʼ ma̱raʼdiin iya nga̱jia̱aʼ, a̱ta̱ʼa̱a̱ʼ ná iná internet dríga̱ʼxo̱ʼ.