Náa mbá informe dí nigájnuu nákhá gu̱nʼ junio tsiguʼ 2022 presidente ndrígóo Banco mundial niʼthí rí “mbujúuʼ gamíi mambá mbújkha̱a̱”. “Mbiʼi xúgi̱, xúgíʼ dí mara̱tsi̱ nagijxi numuu ga̱jma̱a̱ xa̱bu̱ na̱nguá guáʼdáá mbújkha̱a̱”.

 Fondos Monetario Internacional niʼthí: “Nacha̱ kayuuʼ nigi̱jxi̱ numuu ganitsu ga̱jma̱a̱ xúgíʼ rí najmaa, rígi̱ naʼniún itháán mingíjyúuʼ xa̱bu̱ bi̱ raguáʼdáá mbújkha̱a̱”.

 Biblia nambáyulú mbuʼyáá náá numuu dí narígá xígi̱ kaʼnii náa numbaaʼ, ndiéjuunʼ gándoo muʼni mu muraʼníí rígi̱ rá. Lá maʼga̱nú mbóʼ mbiʼi rí mandáti̱ga̱a̱ rígi̱ ráʼ.

•   Náa Biblia naʼthí rí kuwáanʼ “iwáá mbiʼi” (2 Timoteo 3:1).

•   Jesús niʼthí rí “xa̱bu̱ mamiñún ga̱jma̱a̱ xúgíʼ dí gárígá”, índo̱ gárígá rígi̱ masngájma dí kuwáánʼ náa iwáá mbiʼi (Lucas 21:11). Rí nagi̱jxi̱ numuu xúgíʼ dí maratsi̱ naʼni dí xa̱bu̱ mamiñún ga̱jma̱a̱ naxmiéjúnʼ xóo gákúwá nda̱wa̱á, na̱nguá eyáá á mu maʼngu̱u̱n muxnún rí nda̱ñúunʼ bi̱ kúwá náa guʼwún.

•   Náa libro ndrígóo Apocalipsis niʼthí rí náa iwáá mbiʼi matujxu̱u̱ numuu ganitsu. Apocalipsis 6:6 naʼthí: “Nidxawun mbá aʼwá rí naʼthí: ‹Mbá litro trigo maʼni numuu mbá denario ga̱jma̱a̱ a̱jtsúʼ litro cebada maʼni numuu mbá denario›”.

 Mu ma̱ta̱ya̱a̱ itháan ga̱jma̱a̱ numuu dí gárígá náa “iwáá mbiʼi” ma̱ngaa mu makrua̱ʼa̱a̱ʼ dí naʼthí náa libro ndrígóo Apocalipsis, atayáá video Asndu nákha tsiguʼ 1914 nixtiʼkhuu mbá kayuuʼ numbaaʼ ga̱jma̱a̱ atraxnuu artículo rígi̱, “¿Qué representan los jinetes del Apocalipsis?”.

•   “Mu̱ni̱ guʼwá ga̱jma̱a̱ makuwáanʼ ikhí; mudula ixi̱ uva ga̱jma̱a̱ muphula xndúu. Xúni̱ guʼwá mu eʼwíinʼ majmúún, xúdu mu eʼwíinʼ muphu̱” (Isaías 65:21, 22).

•   “Maʼga̱nú marigá wéñuʼ ganitsu náa tsu̱du̱u̱ ku̱ba̱ʼ; ra̱ʼkhá tháán garigá ganitsu náa inu kúbá” (Salmo 72:16).

•   “‹Ga̱jma̱a̱ numuu rí naguma gíníi xa̱bu̱ bi̱ numíníiʼ, numuu rí natsíná a̱jkiu̱ún xa̱bu̱ mingíníi, matujxu̱ʼ ga̱jma̱a̱ manimbánuu numún›, eʼthí Jeobá” (Salmo 12:5). a

 Dios nakudaminaʼ rí maʼni gámbóo xúgíʼ tsingíná náa xúgíʼ numbaaʼ raʼkháa náa mbóó xuajen. Mu ma̱ta̱ya̱a̱ xóo gáʼni atraxnuu artículo rígi̱ “¿Es realista esperar un sistema económico justo?”.

 Biblia ma̱ndoo mambáyáaʼ mbiʼi xúgi̱ dí xtáa ragi̱jxi̱ numuu xúgíʼ dí maratsi̱. Kagu̱ consejo náa mambáyáaʼ ma̱ta̱ya̱a̱ xóo gájmaaʼ mbújkha̱a̱ʼ (Proverbios 23:4, 5; Eclesiastés 7:12). Á mu nandaaʼ ma̱ta̱ya̱a̱ itháan ga̱jma̱a̱ numuu rígi̱, atraxnuu artículo “Atie̱wa̱a̱n mbújkha̱a̱ʼ” ga̱jma̱a̱ “Cómo vivir con menos”.