¡GAKUWÁÁNʼLÚ MÁ XÚʼKO̱ XAWII!
Naguámá iyaʼ | Ndiéjuunʼ eʼthí náa Biblia rá.
“Ra̱ʼkhá tháán mijkha eʼni náa China, tsiguʼ rígi̱ maʼni ajtsú nuthu dí na̱nguá exnúu ruʼwa” (The Guardian, 7 ñajunʼ gu̱nʼ septiembre tsiguʼ 2022).
“Náa xuajen Cuerno de África nuthi dí mbu̱júu̱ xarigá iyaʼ” (Noticias ONU, 26 ñajunʼ gu̱nʼ agosto tsiguʼ 2022).
Itháán dí mbá ta̱pha̱ Europa na̱jkha̱ raguámbá iyaʼ, nimbá miʼtsu tárígá rígi̱ itháán dí 500 tsiguʼ (BBC News, 23 ñajunʼ gu̱nʼ agosto tsiguʼ 2022).
Mbaʼin xa̱bu̱ bi̱ nduyáaʼ najmañún nuthi dí iyaʼ maʼga ratumuu má xúʼko̱. Lá ma̱ndoo muguaʼthi̱i̱n dí makuwáanʼ itháán májánʼ nda̱wa̱á rá. Ndiéjuunʼ eʼthí náa Biblia rá.
Xóo embánuu profecía ga̱jma̱a̱ numuu dí naguámá iyaʼ
Rígi̱ dí nijuiʼtáriyaʼ náa Biblia marígá mbiʼi xúgi̱:
‹Marigá ewiʼ asndu náá› (Lucas 21:11).
Dí nda̱a̱ iyaʼ naʼni marígá ewiʼ. Profecía dí na̱ʼkha̱ náa Biblia naʼthí dí mumíniiʼ ga̱jma̱a̱ makhañúlú gáʼni ewiʼ (Apocalipsis 6:6, 8).
Ndíjkha dí na̱jkha̱ raguámá itháán iyaʼ rá.
Náa Biblia naʼthí náá numuu:
‹Xa̱bu̱ numbaaʼ rakáʼyoo maʼthí xú káʼnii gaxtáa› (Jeremías 10:23).
Rígi̱ eyoo gaʼthí dí xa̱bu̱ numbaaʼ xákúwi̱i̱n májánʼ á mu ikhiin ethi̱ xú káʼnii makuwi̱i̱n ga̱jma̱a̱ nutañajumijná. Dí nuraʼwíí muni̱ naʼni dí maʼga raguámú iyaʼ ga̱jma̱a̱ maʼni itháán mijxooʼ.
Mbaʼin científico nuthi dí ñajunʼ dí nu̱ni̱ xa̱bu̱ naʼni dí magigoo numbaaʼ. Rúʼko̱ naʼni dí maʼni itháán mijxooʼ.
Náá numuu dí gamíi matumuu iyaʼ rá. Numuu dí xa̱bu̱ i̱ndó nanigu̱u̱nʼ maguaʼdáá ikhiin, ikha jngóo nuthu wéñuuʼ ixi̱, nuni̱ gachíi numbaaʼ ga̱jma̱a̱ mbaʼ najmún dí rígá ikhí.
Biblia naʼthí dí kuáʼti̱i̱n mbóoʼ dí májánʼ.
Lá maʼga̱nú mbóoʼ mbiʼi dí xumíniiʼ ga̱jma̱a̱ numuu iyaʼ ráʼ.
Náa Biblia naʼthí dí Dios maʼni dí nimbáa ní xáminuuʼ gáʼni iyaʼ, xkáʼnii gáʼni xá.
1. Dios maʼni “gámbíin bi̱ kúwá runigámbáa ku̱ba̱ʼ” (Apocalipsis 11:18). Maʼni gámbíin bi̱ phú nu̱ni̱ matumuu iyaʼ, xóo: Xa̱bu̱ bi̱ ra̱míjíinʼ, bi̱ i̱ndó ikhiin nandún maguaʼdáá ikha jngóo nu̱ni̱ gachíi numbaaʼ (2 Timoteo 3:1, 2).
2. ‹Mbóoʼ ku̱ba̱ʼ mijxooʼ maʼni̱i̱ mbóo ku̱ba̱ʼ náa marigá iyaʼ ga̱jma̱a̱ majmaa diin› (Isaías 35:1, 6, 7). Dios maʼni májáanʼ ku̱ba̱ʼ náa niʼni gachúu dí nda̱a̱ iyaʼ. Maʼni̱i̱ mitsaanʼ mbáa xúgííʼ ku̱ba̱ʼ ga̱jma̱a̱ marígá mba̱ji̱nʼ iyaʼ.
3. ‹Ikháán natie̱wa̱a̱n ku̱ba̱ʼ ga̱jma̱a̱ natani̱ dí ra̱ʼkhá tháán gájma̱a̱› (Salmo 65:9). Numuu dí Dios maʼni tsajkurámuuʼ Ku̱ba̱ʼ ikha jngóo marígá wéñuʼ ganitsu miʼtsí ga̱jma̱a̱ xúgíinʼ gaguaʼdáá iyaʼ kaʼwu.
Puede que también le interese
¡GAKUWÁÁNʼLÚ MÁ XÚʼKO̱ XAWII!
Náa xúgíʼ numbaaʼ nanújngoo eʼni mijkha | Ndiéjuunʼ eʼthí náa Biblia rá.
Lá nánguá makuwíin xa̱bu̱ náa ku̱ba̱ʼ ráʼ.
ESSENTIAL BIBLE TEACHINGS
Náá numuu rí Dios ni’ni ku̱ba̱ʼ rá.
Ku̱ba̱ʼ náa kuwáanʼlu nindxu̱u̱ mitsaanʼ. Na̱nguá má gíʼ mitsínguánʼ wéñuuʼ ni má mijngii náa a̱jkha̱ʼ, awa̱án ngutuáʼán náa gíʼ a̱jkha̱ʼ ga̱jma̱a̱ na̱nguá gíʼ jmbu. Náá numuu rí Dios niʼniratoo májánʼ wéñuuʼ Ku̱ba̱ʼ rá.
¡GAKUWÁÁNʼLÚ MÁ XÚʼKO̱ XAWII!
Rígá gamíi mambáa ku̱ba̱ʼ | Ndiéjunʼ eʼthí náa Biblia rá.
Atayáá rí naʼthí náa mbá versículo ndrígóo Biblia mbá ajtsú eni̱ rí maʼni mambáa ku̱ba̱ʼ.
GA̱JMA̱A̱ NUMUXUʼ
Atanda̱ʼa̱ rí magún gúyaaʼ
Atayáá xóo extiʼña̱a̱ graxe̱ náa Biblia o atayáá itháan ga̱jma̱a̱ numún Testigos de Jeobá.
