“Numbaa ná juwalóʼ na̱ka̱ raʼchúu ne̱, ikhaa jngó xa̱bo̱ ná xuajen numíni̱í, xúʼkhue̱n máʼ júba̱ jamí xu̱kú tsí júwa̱ʼ ikhín numíni̱í mangiin. Ríge̱ʼ mangaa naʼne rí ná xúgíí numbaa phú xkawe̱ʼ ixnúu ruʼwa gíñá, naʼne gámba̱a̱ guʼwúún xa̱bo̱ jamí xúgíí ja̱ʼñúu. Iya a̱pha̱ mangaa nagigoo ne̱, ikhaa jngó phú ngamí rí ma̱ja̱ñúú mbaʼiin me̱ndaʼkho xu̱kú tsí júwa̱ʼ ikhín” (Ajngóo nána̱ Inger Andersen, mbo̱ secretaria general adjunta de las Naciones Unidas ñajuu̱n jamí directora ejecutiva ná prográma̱ rí mbiʼyuu Programa de las Naciones Unidas para el medio ambiente, nákhí mbiʼi 25 i̱ka̱ ñajuun go̱nʼ julio tsigu 2023).

 Á ma̱jmii xa̱bo̱ ñajon mbóó gúñajuii̱n mune̱ mbáníi xúgíí ríge̱ʼ rá. Á ma̱jmaa rí gúni̱i̱ ma̱ʼne rí ná xáʼchúu numbaa rá.

 Ajngáa Rawuun Ana̱ʼlóʼ naʼthánlóʼ rí xtáa mbáa xa̱bo̱ ñajon tsí ma̱jmaa ma̱ʼne ríge̱ʼ jamí ma̱ʼne gámba̱a̱ xúgíí rí naʼne maʼchúu numbaa. Nathánlóʼ rí “Táta̱ Mikhuíí maʼgíi mbáa xa̱bo̱ ñajon”, mbáa xa̱bo̱ ñajon tsí ma̱ña̱wu̱u̱n numbaa ná xáʼchúu ne̱ (Daniel 2:44). Ído̱ xa̱bo̱ ñajon tsíge̱ gáʼthán ñájuun, xa̱bo̱ “ná xúne̱ gámba̱a̱” numbaa ni máʼ ná xúne̱ ngíná mijnée (Isaías 11:9).