“Gakon máʼ rí nandi COVID-19 ni̱ka̱ rawi̱ji̱i̱ mbá lájuíin ná xúgíí numbaa, rúʼkhue̱n tsíyoo gáʼthán rí nánguá ngamí mbañúú xa̱bo̱ nandi ríge̱ʼ. […] Ído̱ gákujma mbu̱jú i̱mba̱ nandi noxe̱ʼ phú gíʼdoo me̱ndaʼkho numuu ma̱juwalóʼ xawi mbu̱ʼyáálóʼ dí gúʼne̱lóʼ” (Ajngóo táta̱ Tedros Adhanom Ghebreyesus, mbo̱ director general de la Organización Mundial de la Salud ñajuu̱n, nákhí mbiʼi 22 i̱ka̱ ñajuun go̱nʼ mayo tsigu 2023).

 Mbaʼiin me̱ndaʼkho xa̱bo̱ nánguá júwe̱e̱ʼ mújúun jamí phú nathájuíin a̱kuíi̱n eʼne nandi COVID-19. Á ni̱ma̱ñúú máʼ xa̱bo̱ ñajon jamí xa̱bo̱ tsí nune̱ thana xáne gúni̱i̱ ído̱ gákujma i̱mba̱ nandi noxe̱ʼ rá. O, á ma̱jmii̱ mune̱ gámba̱a̱ nandi rí ríga̱ xúge̱ʼ naʼne ngínáaʼlóʼ rá.

 Ajngáa Rawuun Ana̱ʼlóʼ naʼthán rí “Táta̱ Mikhuíí maʼgíi mbáa xa̱bo̱ ñajon”, jamí xa̱bo̱ ñajon tsíge̱ʼ phú máján gáña̱wa̱nʼlóʼ rí ná xáʼñalóʼ nandi (Daniel 2:44). Ná xúgíí numbaa nimbáa xa̱bo̱ ma̱xáʼthán: “Najáñu̱ʼlo̱ʼ” (Isaías 33:24). Xúgíin xa̱bo̱ ná xáʼne ngíníi nandi jamí ma̱ʼne gúkúun xó máʼ gúkúun jiáma (Job 33:25).