¡GAKUWÁÁNʼLÚ MÁ XÚʼKO̱ XAWII!
Náa xúgíʼ numbaaʼ nanújngoo eʼni mijkha | Ndiéjuunʼ eʼthí náa Biblia rá.
Índo̱ niʼni gu̱nʼ julio tsiguʼ 2022, náa mbá xúgíʼ numbaaʼ niʼni itháán mijkha:
“Rígi̱ maʼni a̱jma̱ nuthu dí gu̱nʼ rígi̱, xa̱bu̱ ñajunʼ bi̱ xtáa náa china naʼthí dí maʼni itháán mijkha náa mbá 70 xuajin” (25 ñajunʼ gu̱nʼ julio tsiguʼ 2022, servicio de noticias de la CNN).
Ga̱jma̱a̱ numuu rí niʼni mijkha wéñuʼ náa Europa, rúʼko̱ niʼni dí mikha̱a̱ xaná ga̱jma̱a̱ niʼni itháán mijkha (17 ñajunʼ gu̱nʼ julio tsiguʼ 2022, The Guardian).
Nákha domingo tikhu xuajin dí rígá náa Estados Unidos niʼni itháán mijkha ga̱jma̱a̱ numuu rí niʼni mijkha wéñuʼ xígií náa rawuunʼ lamáa náa nagájnuu a̱jkha̱ʼ ga̱jma̱a̱ náa sur ma̱ngaa náa xígií narámaaʼ a̱jkha̱ʼ” (24 ñajunʼ gu̱nʼ julio tsiguʼ 2022, The New York Times).
Lá rígi̱ nandoo gáʼthí dí nda̱wa̱á ni xándoo makuwá xa̱bu̱ náa ku̱ba̱ʼ ráʼ. Lá naʼthí náa Biblia ga̱jma̱a̱ numuu rígi̱ ráʼ.
Lá niʼtáriyaʼ náa Biblia dí maʼni mijkha ráʼ.
Xúʼko̱, numuu dí náa Biblia má niʼthí dí xúʼko̱ má gárígá índo̱ gáʼni iwáá mbiʼi. Mbá xkri̱da, Jesús niʼthí dí ‹xa̱bu̱ mamiñún ga̱jma̱a̱ numuu dí gamíi wéñuʼ› (Lucas 21:11; La Biblia, de Serafín de Ausejo). Mbaʼin xa̱bu̱ namíñúún índo̱ na̱jkha̱ raʼni itháán mijkha ga̱jma̱a̱ namíñúún rí xa̱bu̱ muni̱ gámbáa ku̱ba̱ʼ.
Lá nánguá makuwíin xa̱bu̱ náa ku̱ba̱ʼ ráʼ.
Na̱nguá, Dios niʼni ku̱ba̱ʼ mu xúʼko̱ xa̱bu̱ ma̱ndoo makuwá kámuu mbiʼi (Salmo 115:16; Eclesiastés 1:4). Ikhaa xániñuuʼ dí xa̱bu̱ numbaaʼ muni̱ gámbáa ku̱ba̱ʼ. Ikhaa nikudaminaʼ rí “maʼni gámbíin bi̱ kúwá runigámbáa ku̱ba̱ʼ” (Apocalipsis 11:18).
Guʼyáá mbá a̱jma̱ enii rí Dios niʼthí maʼni ga̱jma̱a̱ numuu ku̱ba̱ʼ:
“Náa ku̱ba̱ʼ mixooʼ ga̱jma̱a̱ náa mbaaʼ rí nijndooʼ marigá rí gagi, ga̱jma̱a̱ náa xkua̱ rí nijndooʼ marigá rí tsímáá ga̱jma̱a̱ majmi̱di̱ wéñuʼ ri̱ʼi̱ azafrán” (Isaías 35:1). Dios xániñuuʼ dí Ku̱ba̱ʼ maʼni̱i̱ mijxooʼ ga̱jma̱a̱ rí xákuwíin xa̱bu̱, ikhaa maʼni májáanʼ dí niguma gachíí.
“Ikháán natiewa̱a̱n ku̱ba̱ʼ ga̱jma̱a̱ natani̱ rí ma̱jma̱a̱” (Salmo 65:9). Dios maʼni rí ku̱ba̱ʼ mani̱ndxu̱u̱ mitsaanʼ.
Mu ma̱ta̱ya̱a̱ itháán xóo embánuu rí kiʼtáriyaʼ náa Biblia ga̱jma̱a̱ numuu xóo extiʼkhu̱u̱ mbiʼi rí kuwáanʼ, atraxnuu artículo “¿Qué dice la Biblia sobre el cambio climático y nuestro futuro?”.
Mu ma̱ta̱ya̱a̱ itháán rí naʼthí náa Biblia ga̱jma̱a̱ numuu xóo gaguma májáanʼ ku̱ba̱ʼ, atraxnuu artículo “¿Quién salvará el planeta?”.
Puede que también le interese
ESSENTIAL BIBLE TEACHINGS
Náá numuu rí Dios ni’ni ku̱ba̱ʼ rá.
Ku̱ba̱ʼ náa kuwáanʼlu nindxu̱u̱ mitsaanʼ. Na̱nguá má gíʼ mitsínguánʼ wéñuuʼ ni má mijngii náa a̱jkha̱ʼ, awa̱án ngutuáʼán náa gíʼ a̱jkha̱ʼ ga̱jma̱a̱ na̱nguá gíʼ jmbu. Náá numuu rí Dios niʼniratoo májánʼ wéñuuʼ Ku̱ba̱ʼ rá.
