Índo̱ majtsi mbiʼi 24 ñajunʼ gu̱nʼ febrero tsiguʼ 2022, Rusia nigíʼdu̱u̱ niʼni gámbíin soldados bi̱ kúwá náa Ucrania, maski ajndu xa̱bu̱ ñajunʼ bi̱ kúwá náa numbaaʼ nuni̱ mbá tsiakii mu xárígá guerra. Ndiéjunʼ gárígá náa xúgíʼ numbaaʼ ga̱jma̱a̱ numuu rígi̱ ráʼ. António Guterres, secretario general de las Naciones Unidas, niʼthí dí mumíniiʼ xa̱bu̱, dí maguma gámbáa ga̱jma̱a̱ dí mamínuuʼ xóo naxtie̱wa̱a̱n Europa ma̱ngaa náa xúgíʼ numbaaʼ “magajnúu mitsídánʼ wéñuuʼ”.

•   Jesucristo niʼthí dí xúʼko̱ má gárígá dí mbiʼi xúgi̱ “xuajen mba̱ʼu̱ magi̱ʼdu̱u̱n gajmiún i̱ʼwáʼ xuajen mba̱ʼu̱, xa̱bu̱ ñajunʼ magi̱ʼdu̱u̱n gajmiún eʼwíinʼ xa̱bu̱ ñajunʼ” (Mateo 24:7). Atraxnuu artículo “¿Cuál es la señal de ‘los últimos días’ o de ‘los tiempos finales’?” mu ma̱ta̱ya̱a̱ dí guerra dí narígá xúgi̱ nindxu̱u̱ dí niʼtáriyaʼ Jesús náa Biblia marigá.

•   Náa Apocalipsis naʼni mbríguii guerra ga̱jma̱a̱ mbáa bi̱ kríguii wáyú “maña̱a̱ʼ xóo aguʼ” ga̱jma̱a̱ ikhaa “marígúu rí tsímáá náa tsu̱du̱u̱ ku̱ba̱ʼ” (Apocalipsis 6:4). Mu ma̱ta̱ya̱a̱ itháan, atraxnuu artículo “¿Qué representan los jinetes del Apocalipsis?” ikhí gáta̱ya̱a̱ dí guerra dí rígá mbiʼi xúgi̱ nambánii ga̱jma̱a̱ kiʼtáriyaʼ rígi̱.

•   Náa libro ndrígóo Daniel niʼthí dí “rey ndrígóo norte” ga̱jma̱a̱ “rey ndrígóo sur” xáʼndúún gúyamijná (Daniel 11:25-45). Atayáá video Nambánuu dí ki’táriya’ náa Daniel 11 mu ma̱ta̱ya̱a̱ náá numuu dí Rusia gajmíi̱n bi̱ numbayíí nakujmaa dí nindxu̱u̱ rey ndrígóo norte. a

•   Náa Apocalipsis naʼthí ga̱jma̱a̱ numuu “guerra dí marigá náa mbiʼi mba̱a̱ ndrígóo Dios bi̱ gíʼdoo xúgíʼ tsiakii” (Apocalipsis 16:14, 16). Guerra rígi̱ na̱nguá nindxu̱u̱ dí nuni̱ xa̱bu̱ numbaaʼ xóo dí narígá mbiʼi xúgi̱. Atraxnuu artículo “¿Qué es el Armagedón?” mu ma̱ta̱ya̱a̱ ga̱jma̱a̱ numuu guerra dí ndiʼkhú marigá.

•   Náa Biblia naʼthí dí Dios maʼni gámbóo “guerra dí rígá náa xúgíʼ tsu̱du̱u̱ ku̱ba̱ʼ” (Salmo 46:9). Atraxnuu artículo “La esperanza real de un mañana mejor” mu ma̱ta̱ya̱a̱ i̱ʼwáʼ dí nakudaminaʼ maʼni.

•   Jesús niʼsngúún xa̱bi̱i̱ dí munda̱ʼa̱ ma̱ʼkha̱ Xa̱bu̱ ñajunʼ ndrígóo Dios (Mateo 6:9, 10). Xa̱bu̱ ñajunʼ buʼko̱ xtáa mekhuíí ikhaa maʼni rí náa Ku̱ba̱ʼ marigá dí tsímáá xó má eyoo Dios. Atayáá video Ndiéjunʼ nindxu̱u̱ Reino ndrígóo Dios rá. Mu ma̱ta̱ya̱a̱ dí gáʼni Xa̱bu̱ ñajunʼ buʼko̱ ga̱jma̱a̱ numaaʼ.

 Náa Ucrania kúwá itháan dí 129.000 testigos de Jeobá. Mbá xúgíinʼ Testigos bi̱ kúwá náa xúgíʼ numbaaʼ nduyaridáá xkridoo Jesús, naguájun má xúʼko̱ jmbu. Tséxudami̱jna̱ náa política ni má tségún náa guerra (Juan 18:36). Náa mbá xúgíʼ numbaaʼ, testigos de Jeobá nutaráʼa má xúʼko̱ “ajngáa rí májánʼ ga̱jma̱a̱ numuu Xa̱bu̱ Ñajunʼ ndrígóo Dios”, nuthi dí Xa̱bu̱ ñajunʼ bugi̱ maʼnimbáti̱ga̱a̱ xkujndu dí nuraʼníí xa̱bu̱ numbaaʼ, xóo guerra (Mateo 24:14). Nuta̱a̱nxu̱ dí maratamíjná ga̱jma̱á ni̱ndxu̱xu̱ʼ mu ma̱ta̱ya̱a̱ itháán ga̱jma̱a̱ numuu rí kua̱ʼthi̱i̱n nda̱wa̱á dí naʼthí náa Biblia.