Phú mbaʼiin me̱ndaʼkho xa̱bo̱ ná xúgíí numbaa gakhe̱ igíʼníi mudaa̱ mbúkha̱a̱ ma̱ju̱wée̱ʼ jamí mbámbá mbiʼi rí na̱ka̱ ranújngoo phú i̱wa̱á gakhe̱ igíʼníi.

•   Táʼne máʼ mba̱yo̱ʼ xa̱bo̱ tsí nu̱ña̱wáán ná xúgíí numba rí ma̱xágu̱ma ngíníi xa̱bo̱ ná nuñajuii̱n, a nithan rí mbúkha̱a̱ rí nudaa xa̱bo̱ nánguá i̱ʼngo̱o̱ mutsi̱i̱ ja̱ʼñúu, ikhaa jngó xí nimbáa tsíʼne nimbá, phú i̱wa̱á gakhe̱ gágíʼníí xa̱bo̱. Xa̱bo̱ tsí guáʼdáá máʼ me̱ndaʼkho mbúkha̱a̱ phú i̱wa̱á mba̱a̱ mbúkha̱a̱ gúguáʼdáa, xómáʼ xa̱bo̱ tsí ngíníi máʼ, i̱wa̱á ngíníi gáʼne.

 Á ma̱ʼngúún xa̱bo̱ ñajon tsí júwa̱ʼ xúge̱ʼ muni̱i̱ rí ná xúmíni̱í xa̱bo̱ numuu mbúkha̱a̱ rá.

 Ajngóo Ana’ló’ naʼthán rí xtáa mbáa xa̱bo̱ ñajon tsí ma̱ʼngo̱o̱ ma̱ʼne rí ná xúmíni̱í xa̱bo̱ numuu mbúkha̱a̱ jamí rí nimbáa xa̱bo̱ ná xágumaa nikhuáa numuu rí ngínáa. Naʼthánlóʼ rí “Táta̱ Mikhuíí maʼgíi mbáa xa̱bo̱ ñajon”, mbáwíi xa̱bo̱ ñajon tsíge̱ʼ maʼthán ñájon xúgíí inuu numbaa (Daniel 2:44). Ído̱ xa̱bo̱ ñajon tsíge̱ʼ gáʼthán ñájon ma̱xámbumuu̱ jaʼyoo nimbáa xa̱bo̱ ni máʼ ma̱xáʼñuu nikhuáa nimbáa (Salmo 9:18). Xa̱bo̱ ñajon tsí niʼgíi Ana̱ʼlóʼ maxnúú xúgíin xa̱bo̱ rí ndaʼñúú ma̱ju̱wée̱ʼ gagi. Xúgíin xa̱bo̱ mudaa numúu̱ ga̱jma̱á numuu ñajon rí gúni̱i̱ (Isaías 65:21, 22).