Timbá libro ndrígóo Crónicas 25:1-31
-
Bi̱ mudi̱i̱ ga̱jma̱a̱ bi̱ muni̱ ajmúú náa goʼwóo Dios (1-31)
25 Ma̱ngaa, David gajmíi̱n bi̱ kuya̱ edxu̱u̱ náa grupo bi̱ nuni̱ ñajunʼ, nini̱ wájíinʼ tikuiin e̱ji̱i̱n Asaf, Hemán ga̱jma̱a̱ Jedutún mu mutariya̱ʼ ga̱jma̱a̱ arpa, ajua̱nʼ dí gíʼdoo cuérdóo ga̱jma̱a̱ címbalo. Rígi̱ nindxu̱u̱ i̱yi̱i̱ʼ náa na̱ʼkha̱ mbiʼñún xa̱bekha bi̱ nitri̱gi̱i̱n mu muni̱ ñajunʼ rígi̱.
2 Bi̱ naguwáʼ náa Asaf nindxu̱u̱: Zacur, José, Netanías ga̱jma̱a̱ Asarelá, bi̱ naguwáʼ náa Asaf bi̱ naxnún ikha Asaf, bi̱ naʼtáriya̱ʼ xó má ikha dí naxnúu rey.
3 Bi̱ naguwáʼ náa Jedutún, bigi̱ nindxu̱ún mbá majuiin e̱ji̱i̱n Jedutún: Guedalías, Zerí, Jesayá, Simeí, Hasabías ga̱jma̱a̱ Matitías, bi̱ naxnún ikha anu̱ún Jedutún, bi̱ naʼtáriya̱ʼ ga̱jma̱a̱ arpa, naxnáa̱ núma̱aʼ ga̱jma̱a̱ naʼni mba̱a̱ Jeobá.
4 Bi̱ naguwáʼ náa Hemán, bigi̱ nindxu̱ún e̱ji̱i̱n Hemán: Buquías, Matanías, Uziel, Sebuel, Jerimot, Hananías, Hananí, Eliatá, Guidaltí, Romamti-Ézer, Josbecasa, Malotí, Hotir ga̱jma̱a̱ Mahaziot.
5 Mbá xúgíinʼ buʼko̱ ninindxu̱ún e̱ji̱i̱n Hemán, mbáa xa̱bu̱ bi̱ nawasngájmáá* rí ndaʼyoo ga̱jma̱a̱ numuu rey, bi̱ naʼthí ga̱jma̱a̱ numuu Dios bi̱ gajkhun mu maʼni mba̱a̱.* Ikha jngóo Dios bi̱ gajkhun nixniúu Hemán mbá 14 jiámá ga̱jma̱a̱ mbá ajtsíin wa̱ʼxa̱ʼ.*
6 Xúgíinʼ ikhiin nuni̱ ajmúú náa goʼwóo Jeobá, xó má ikha dí naxnún anu̱ún, nuni̱ ajmúú ga̱jma̱a̱ címbalo, ajua̱nʼ dí gíʼdoo cuérdóo ga̱jma̱a̱ arpa, mu muni̱ ñajunʼ náa goʼwóo Dios bi̱ gajkhun.
Asaf, Jedutún ga̱jma̱a̱ Hemán naxnún ikha rey.
7 Ikhiin gajmiún a̱ngiu̱ún, mbá 288 dí mbá xúgíinʼ, nijuiʼsngúún xóo muni̱ ajmúú náa Jeobá ga̱jma̱a̱ mbá xúgíinʼ ikhiin najmañún.
8 Ikhú niri̱ya̱ʼ suerte* mu mbuyáá xú káʼnii ñajunʼ gáʼni mámbáa. Tséʼniuu á mu chíʼgíiʼ* o nikhi̱i̱, najmañuu o ndiʼkhúunʼ eʼnigajma̱a̱.
9 Índo̱ niri̱ya̱ʼ suerte, timbá, nigájnuu dí maʼni José, a̱ʼdióo Asaf. Dí maʼni raga̱jma̱, Guedalías, ikhaa gajmíi̱n a̱ngui̱i̱n ga̱jma̱a̱ e̱ji̱i̱n, mbá 12 dí xúgíinʼ.
10 Dí maʼni ragajtsú Zacur, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
11 dí maʼni a̱jkhu̱ Izrí, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
12 dí maʼni witsu Netanías, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
13 dí maʼni majun Buquías, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
14 dí maʼni juwan Jesarela, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
15 dí maʼni migiñuʼ Jesayá, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
16 dí maʼni mijna gu̱wa̱ʼ Matanías, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
17 dí maʼni gu̱wa̱ʼ Simeí, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
18 dí maʼni 11 Azarel, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
19 dí maʼni 12 Hasabías, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
20 dí maʼni 13 Subael, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
21 dí maʼni 14 Matitías, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
22 dí maʼni 15 Jeremot, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
23 dí maʼni 16 Hananías, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
24 dí maʼni 17 Josbecasa, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
25 dí maʼni 18 Hananí, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
26 dí maʼni 19 Malotí, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
27 dí maʼni 20 Eliatá, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
28 dí maʼni 21 Hotir, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
29 dí maʼni 22 Guidaltí, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
30 dí maʼni 23 Mahaziot, e̱ji̱i̱n gajmíi̱n a̱ngui̱i̱n, mbá 12 dí xúgíinʼ,
31 ga̱jma̱a̱ dí maʼni 24 Romamti-Ézer, e̱ji̱i̱n gajmíi̱n a̱ngui̱i̱n, mbá 12 dí xúgíinʼ.
Mbaʼa nota
^ O “visión”.
^ Náa ajngáa hebreo naʼthí, “mu makujxi̱ chi̱jyu̱u̱ʼ”.
^ O “i̱jín go̱ʼo̱”.
^ O “lajuíin”.
