Timbá libro ndrígóo Crónicas 3:1-24
3 Bugi̱ ninindxu̱ún e̱ji̱i̱n David bi̱ nigiʼdiin náa Hebrón: A̱ʼdióo bi̱ giʼnii nigumbiʼyuu Amnón, ru̱dúu̱* ikhaa nigumbiʼyuu Ahinoam a̱ʼgú Jezreel, bi̱ maʼni raga̱jmi̱i̱n nigumbiʼyuu Daniel, ru̱dúu̱ ikhaa nigumbiʼyuu Abigaíl a̱ʼgú carmelita,
2 bi̱ maʼni ragajtsíin nigumbiʼyuu Absalón, a̱ʼdióo Maacá, wáxióo* Talmái, rey ndrígóo Guesur, bi̱ maʼni ragajkui̱i̱n nigumbiʼyuu Adonías, a̱ʼdióo Haguit,
3 bi̱ maʼni witsiin nigumbiʼyuu Sefatías, ru̱dúu̱ nigumbiʼyuu Abital, bi̱ maʼni majuiin e̱ji̱i̱n David nigumbiʼyuu Itream, ru̱dúu̱ ikhaa nigumbiʼyuu Eglá.
4 Mbá majuiin e̱ji̱i̱n bugi̱ nigiʼdiin náa Hebrón, niʼtáñajunʼ mbá juwan tsiguʼ tikhu ga̱jma̱a̱ náa Jerusalén niʼtáñajunʼ mbá 33 tsiguʼ.
5 E̱ji̱i̱n bi̱ nigiʼdiin náa Jerusalén ninindxu̱ún bugi̱: Simeá, Sobab, Natán ga̱jma̱a̱ Salomón. A̱jkhui̱i̱n dí ikhiin ninindxu̱ún e̱ji̱i̱n Bat-Seba wáxióo Amiel.
6 Ga̱jma̱a̱ bi̱ mbá mijna gu̱wi̱i̱nʼ e̱ji̱i̱n ninindxu̱u̱, Ibhar, Elisamá, Elifélet,
7 Noga, Néfeg, Jafía,
8 Elisamá, Eliadá ga̱jma̱a̱ Elifélet.
9 Xúgíinʼ ikhiin, mú tségixnii e̱ji̱i̱n David bi̱ nigiʼdiin gajmíi̱n gu̱ʼú ñawiin.* Ma̱ngaa David nigiʼdaa mbáa wáxióo bi̱ mbiʼyuu Tamar.
10 A̱ʼdióo Salomón ninindxu̱u̱ Rehoboam, ikhaa nigiʼdaa Abías, Abías nigiʼdaa Asá, Asá nigiʼdaa Jehosafat,
11 Jehosafat nigiʼdaa Jehoram, Jehoram nigiʼdaa Ocozías, Ocozías nigiʼdaa Jehoás,
12 Jehoás nigiʼdaa Amasías, Amasías nigiʼdaa Azarías, Azarías nigiʼdaa Jotán,
13 Jotán nigiʼdaa Acaz, Acaz nigiʼdaa Ezequías, Ezequías nigiʼdaa Manasés,
14 Manasés nigiʼdaa Amón, Amón nigiʼdaa Josías.
15 Bugi̱ nindxu̱ún e̱ji̱i̱n Josías, bi̱ timbáa nigumbiʼyuu Johanán, raga̱jmi̱i̱n Jehoiaquim, ragajtsíin Sedequías, ragajkui̱i̱n Salum.
16 Jehoiaquim nigiʼdiin a̱jmi̱i̱n e̱ji̱i̱n, ikhaa ninindxu̱u̱ Jeconías ga̱jma̱a̱ Sedequías.
17 E̱ji̱i̱n Jeconías bi̱ nigún guʼwá ejua̱a̱nʼ nindxu̱ún bugi̱: Sealtiel,
18 Malkiram, Pedaya, Senazar, Jecamías, Hosamá ga̱jma̱a̱ Nedabías.
19 E̱ji̱i̱n Pedaya ninindxu̱u̱ Zorobabel ga̱jma̱a̱ Simeí, e̱ji̱i̱n Zorobabel ninindxu̱u̱ Mesulam ga̱jma̱a̱ Hananías (ma̱ngaa nigiʼdaa mbáa wáxióo bi̱ nigumbiʼyuu Selomit),
20 bi̱ i̱mbá witsiin e̱ji̱i̱n ninindxu̱u̱, Hasubá, Ohel, Berekías, Hasadías ga̱jma̱a̱ Jusab-Hésed.
21 E̱ji̱i̱n Hananías ninindxu̱u̱ Pelatías ga̱jma̱a̱ Jesayá, a̱ʼdióo* Jesayá ninindxu̱u̱ Refayá, a̱ʼdióo* Refayá ninindxu̱u̱ Arnán, a̱ʼdióo* Arnán ninindxu̱u̱ Abdías, a̱ʼdióo* Abdías ninindxu̱u̱ Secanías,
22 e̱ji̱i̱n Secanías ninindxu̱u̱ Semaya ga̱jma̱a̱ e̱ji̱i̱n Semaya ninindxu̱ún bugi̱: Hatús, Igal, Barías, Nearías ga̱jma̱a̱ Safat, mbá majuiin dí xúgíinʼ.
23 Nearías nigiʼdiin mbá ajtsíin e̱ji̱i̱n, ikhiin nindxu̱ún bugi̱: Elioenái, Hizquías ga̱jma̱a̱ Azricam.
24 Elioenái nigiʼdiin mbá juwiin e̱ji̱i̱n bugi̱: Hodavías, Eliasib, Pelayá, Acub, Johanán, Delayá ga̱jma̱a̱ Ananí.
Mbaʼa nota
^ O “nánée”.
^ O “a̱ʼdée dxáʼgú”.
^ Náa ajngáa hebreo naʼthí, “e̱ji̱i̱n”.
^ Náa ajngáa hebreo naʼthí, “e̱ji̱i̱n”.
^ Náa ajngáa hebreo naʼthí, “e̱ji̱i̱n”.
^ Náa ajngáa hebreo naʼthí, “e̱ji̱i̱n”.
