Timbá libro ndrígóo Crónicas 5:1-26
5 Bugi̱ ninindxu̱ún e̱ji̱i̱n Rubén, a̱ʼdá giʼniuu Israel. Ikhaa nindxu̱u̱ a̱ʼdá giʼnii, mú numuu rí niʼni gachúu xia̱wuu anu̱u̱,* rí kaʼyoo magruigúu xóo a̱ʼdá giʼnii ikhaa nindrigúu e̱ji̱i̱n José a̱ʼdióo Israel. Náa dí kiʼniraʼmáʼ mbiʼñún na̱nguá nigrigu mbiʼyuu ikhaa xóo a̱ʼdá giʼnii.
2 Maski ajndu Judá nigruigú itháán ñajunʼ ki xóo a̱ngui̱i̱n, numuu rí náa ikhaa ni̱ʼkha̱ bi̱ ndiya edxu̱u̱, mú dí kaʼyoo magruigú a̱ʼdá giʼnii nigruigúu José.
3 E̱ji̱i̱n Rubén a̱ʼdá giʼniuu Israel, ninindxu̱u̱ Hanok, Palú, Hezrón ga̱jma̱a̱ Carmí.
4 Bi̱ naguwáʼ* náa Joel ninindxu̱u̱: Semaya, Gog, Simeí,
5 Miqueas, Reayá, Baal
6 ga̱jma̱a̱ Beerá, Tilgat-Pilnéser bi̱ nindxu̱u̱ rey náa Asiria ni̱jkha̱ kayáa ikhí, ikhaa nindxu̱u̱ bi̱ kayá edxu̱u̱ náa rubenitas.
7 A̱ngui̱i̱n, xó má kiʼniraʼmáʼ mbiʼñún bi̱ naguwáʼ náa goʼwóo, ninindxu̱u̱ Jeiel, bi̱ kayá edxu̱u̱, Zacarías
8 ga̱jma̱a̱ Bela a̱ʼdióo Azaz, a̱ʼdióo Sema, a̱ʼdióo Joel. Bi̱ naguwáʼ náa Bela nikúwá náa mbaaʼ rí na̱jkha̱ xígií náa Aroer asndu náa Nebo ga̱jma̱a̱ Baal-Meón.
9 Nixtáa náa ku̱ba̱ʼ rí naguanúu xígií náa nagájnuu a̱jkha̱ʼ* rí nagi̱ʼdu̱u̱ náa ku̱ba̱ʼ mijxooʼ* asndu náa mijngii mañu Éufrates, numuu rí xujkiúu ra̱ʼkhá tháán niʼni mbaʼin náa ku̱ba̱ʼ Galaad.
10 Nákha mbiʼi rí niʼtáñajunʼ Saúl, ikhiin nixmijná gajmiún xa̱bu̱ hagritas, bi̱ niʼngu̱u̱n nini̱ gajmiún, ga̱jma̱a̱ nikúwá náa guʼwá xtíin ndrígu̱ún náa xúgíʼ mbaaʼ rí naguanúu xígií náa nagájnuu a̱jkha̱ʼ náa Galaad.
11 Bi̱ niguwáʼ náa Gad nikúwá náa i̱mba̱ ridoo náa kúwá ikhiin náa ku̱ba̱ʼ Basán asndu náa Salecá.
12 Joel nindxu̱u̱ bi̱ kayá edxu̱u̱, Safam nindxu̱u̱ bi̱ maʼni raga̱jmi̱i̱n bi̱ naʼtáñajúúnʼ ga̱jma̱a̱ ikhí xtáa Janái ma̱ngaa Safat náa Basán.
13 A̱ngiu̱ún bi̱ kúwá náa guʼwún anu̱ún ninindxu̱u̱ Miguel, Mesulam, Seba, Jorái, Jacán, Zía ga̱jma̱a̱ Éber, mbá juwiin rí xúgíinʼ.
14 Bugi̱ ninindxu̱ún e̱ji̱i̱n Abihail, a̱ʼdióo Hurí, a̱ʼdióo Jaróah, a̱ʼdióo Galaad, a̱ʼdióo Miguel, a̱ʼdióo Jesisái, a̱ʼdióo Jahdó, a̱ʼdióo Buz.
15 Bi̱ kayá edxu̱u̱ náa goʼwóo anu̱ún ninindxu̱u̱ Ahí, a̱ʼdióo Abdiel, a̱ʼdióo Guní.
16 Ikhiin kúwá náa Galaad, náa Basán ga̱jma̱a̱ xuajin dí rígá mijngii, ga̱jma̱a̱ náa xúgíʼ mbaaʼ náa rígá rajxa̱ dí rígá náa Sarón asndu náa na̱jkha̱nú mbaaʼ rúʼko̱.
17 Xúgíinʼ ikhiin nigumaraʼmáʼ mbiʼñún nákha mbiʼi rí niʼtáñajunʼ Jotán rey ndrígóo Judá ga̱jma̱a̱ mbiʼi rí niʼtáñajunʼ Jeroboán* rey ndrígóo Israel.
18 Rubenitas, gaditas ga̱jma̱a̱ mbá ta̱pha̱ xuajin chíʼgíiʼ* ndrígóo Manasés kuáʼdíin mbá 44,760 soldado mixkujiinʼ bi̱ kuda kudú,* espada ga̱jma̱a̱ bi̱ kuda xkamídá,* kúwá xawii mu muxmijná.
19 Nixmijná gajmiún xa̱bu̱ hagritas, Jetur, Nafís ga̱jma̱a̱ Nodab.
20 Ninda̱ʼa̱a̱ Dios rí mambáñún náa nuxmijná ga̱jma̱a̱ ikhaa niriʼña̱a̱ rí nitajkháan numuu rí nikumu̱ún kuyáá. Ikha jngóo nixtambáñún náa nixmijná, xa̱bu̱ hagritas ga̱jma̱a̱ mbá xúgíinʼ bi̱ kúwá ruxmijná gajmiún najuixnájxi̱i̱n náa ñawúúnʼ.
21 Nigún kudiin xujkiún: Mbá 50,000 camellos, mbá 250,000 mugu̱ ga̱jma̱a̱ mbá 2,000 búrru, xúʼko̱ má mbá 100,000 xa̱bu̱.
22 Ra̱ʼkhá tháán mbaʼin xa̱bu̱ nikháñún, numuu rí Dios bi̱ gajkhun nindxu̱u̱ bi̱ nixmínaʼ mbiʼi rúʼko̱. Ga̱jma̱a̱ nikúwá náa ku̱bu̱únʼ xa̱bu̱ buʼko̱ asndu mbiʼi rí ni̱jkha̱ kiʼdiin.
23 Mbá ta̱phi̱i̱n bi̱ naguwáʼ náa xuajin chíʼgíiʼ* ndrígóo Manasés, nikúwá náa mbaaʼ rí na̱jkha̱ xígií náa Basán asndu náa Baal-Hermón, náa Senir ga̱jma̱a̱ náa mbaaʼ Hermón. Ra̱ʼkhá tháán mbaʼin.
24 Bugi̱ ninindxu̱ún bi̱ ndiya̱ edxu̱u̱ náa guʼwún anu̱ún: Éfer, Isí, Eliel, Azriel, Jeremías, Hodavías ga̱jma̱a̱ Jahdiel, ninindxu̱ún soldado mixkujiinʼ, xa̱bekha bi̱ najmaʼniún ga̱jma̱a̱ bi̱ kuya̱ edxu̱u̱ náa guʼwún anu̱ún.
25 Mú, na̱nguá niguájun jmbu náa Dios ndrígu̱ún wajin xiʼñúúnʼ, ga̱jma̱a̱ ndiyamajkhún dioses bi̱ kúwá náa xuajin dí rígá náa mbaaʼ rúʼko̱, bi̱ Dios niʼni gámbíin náa inún.
26 Ikha jngóo Dios ndrígóo Israel nixkajxi̱i̱ a̱jkiu̱u̱n Pul rey ndrígóo Asiria (xóo muʼthá Tilgat-Pilnéser rey ndrígóo Asiria) rí maguwíin rubenitas, gaditas ga̱jma̱a̱ mbá ta̱pha̱ xuajin chíʼgíiʼ ndrígóo Manasés, mu maʼga̱a̱ kagui̱i̱n náa Halá, Habor, Hará ga̱jma̱a̱ náa mañu Gozán ga̱jma̱a̱ ikhí kúwíin asndu rí mbiʼi xúgi̱.
Mbaʼa nota
^ O “tátée”.
^ Náa ajngáa hebreo naʼthí, “e̱ji̱i̱n”.
^ O “este”.
^ O “desierto”.
^ Xóo muʼthá, Jeroboán ll.
^ O “tribu”.
^ O “lanza”.
^ Náa ajngáa hebreo naʼthí, “nujngapri̱gu̱u̱n xkamídá”.
^ O “lajuíin”.
