Timbá libro ndrígóo Crónicas 7:1-40
7 Isacar nigiʼdiin mbá a̱jkhui̱i̱n e̱ji̱i̱n: Tolá, Pua, Jasub ga̱jma̱a̱ Simrón.
2 E̱ji̱i̱n Tolá ninindxu̱u̱ Uzí, Refayá, Jeriel, Jahmái, Ibsam ga̱jma̱a̱ Semuel, bi̱ ndiya̱ edxu̱u̱ náa guʼwún anu̱ún. Bi̱ naguwáʼ náa Tolá ninindxu̱ún soldado xkujiinʼ, nákha mbiʼi dí nixtáa David niguánú ninindxu̱ún 22,600.
3 Bi̱ naguwáʼ* náa Uzí ninindxu̱u̱ Izrahías, e̱ji̱i̱n Izrahías nindxu̱u̱: Miguel, Abdías, Joel ga̱jma̱a̱ Isías. Mbá witsiin ndiya̱ edxu̱u̱.
4 Mbá xúgíinʼ bi̱ naguwáʼ náa ikhiin ga̱jma̱a̱ bi̱ naguwáʼ náa guʼwún anu̱ún ninindxu̱ún 36,000 soldado bi̱ kijmaratiin mu muxmijná, ra̱ʼkhá tháán mbaʼin gu̱ʼu̱ nidiin ga̱jma̱a̱ niguáʼdiin mbaʼin e̱jñu̱ún.
5 A̱ngiu̱ún bi̱ kúwá náa mbá xúgíʼ guʼwún bi̱ naguwáʼ náa Isacar, nindxu̱ún soldado xkujiinʼ. Dí mbá xúgíinʼ ninindxu̱ún 87,000, xó má ni̱ʼkha̱ ragumarámáʼ mbiʼñún.
6 Benjamín nigiʼdiin mbá ajtsíin e̱ji̱i̱n: Bela, Béker ga̱jma̱a̱ Jediael.
7 Bela nigiʼdiin mbá witsiin e̱ji̱i̱n: Ezbón, Uzí, Uziel, Jerimot ga̱jma̱a̱ Irí. Ikhiin ndiya̱ edxu̱u̱ náa guʼwún anu̱ún, nindxu̱ún soldado xkujiinʼ, dí mbá xúgíinʼ ninindxu̱ún 22,034 xó má ni̱ʼkha̱ ragumarámáʼ mbiʼñún.
8 E̱ji̱i̱n Béker ninindxu̱u̱, Zemirá, Joás, Eliezer, Elioenái, Omrí, Jeremot, Abías, Anatot ga̱jma̱a̱ Alémet. Xúgíinʼ buʼko̱ ninindxu̱ún e̱ji̱i̱n Béker.
9 Xó má ni̱ʼkha̱ ragumarámáʼ mbiʼñún bi̱ naguwáʼ náa ikhaa, bi̱ ndiya̱ edxu̱u̱ náa guʼwún anu̱ún, ninindxu̱ún 20,200 soldado xkujiinʼ.
10 E̱ji̱i̱n Jediael ninindxu̱u̱ Bilhán ga̱jma̱a̱ e̱ji̱i̱n Bilhán ninindxu̱u̱: Jeús, Benjamín, Ehúd, Kenaaná, Zetán, Tarsis ga̱jma̱a̱ Ahisáhar.
11 Xúgíinʼ buʼko̱ ninindxu̱ún e̱ji̱i̱n Jediael, xó má bi̱ ndiya̱ edxu̱u̱ náa wajin xiʼñúúnʼ, mbá 17,200 soldado xkujiinʼ bi̱ kúwá xawii muruwamíjna̱ gajmiún soldado muxmijná.
12 Bi̱ naguwáʼ náa supim ga̱jma̱a̱ hupim ninindxu̱ún e̱ji̱i̱n Ir, bi̱ husim ninindxu̱ún e̱ji̱i̱n Aher.
13 E̱ji̱i̱n Neftalí ninindxu̱u̱ Jahziel, Guní, Jézer ga̱jma̱a̱ Salum, bi̱ naguwáʼ* náa Bilhá.
14 E̱ji̱i̱n Manasés ninindxu̱u̱: Asriel, bi̱ nigiʼdaa ga̱jma̱a̱ a̱ʼgú ñawuun* bi̱ na̱ʼkha̱ náa Siria. (Ikhaa nigiʼdaa Makir, anu̱u̱* Galaad.
15 Makir ndiyáaʼ mbáa a̱ʼgu̱ mu mbayáa Hupim ga̱jma̱a̱ i̱mba̱a̱ mu mbayáa Supim, giʼtio̱o̱ dxáʼgú nigumbiʼyuu Maacá). Bi̱ maʼni raga̱jmi̱i̱n nigumbiʼyuu Zelofehad, mú Zelofehad nigiʼdiin i̱ndó wa̱ʼxa̱ʼ.*
16 Maacá a̱ʼgiu̱u̱ Makir, nigiʼdaa mbáa dxámá bi̱ nixná mbiʼyuu Peres, giʼtio̱o̱ nigumbiʼyuu Seres, e̱ji̱i̱n ninindxu̱u̱ Ulam ga̱jma̱a̱ Réquem.
17 A̱ʼdióo* Ulam ninindxu̱u̱ Bedán. Buʼko̱ ninindxu̱ún e̱ji̱i̱n Galaad, a̱ʼdióo Makir, a̱ʼdióo Manasés.
18 Wáxióo* Makir nigumbiʼyuu Hamoléket. Ikhaa nigiʼdaa Isod, Abí-Ézer ga̱jma̱a̱ Mahlá.
19 E̱ji̱i̱n Semidá ninindxu̱u̱ Ahián, Siquem, Liquí ga̱jma̱a̱ Aniam.
20 Bi̱ naguwáʼ* náa Efraín ninindxu̱ún: Sutélah, Bered a̱ʼdióo Sutélah, Táhat a̱ʼdióo Bered, Eleadá a̱ʼdióo Táhat, Táhat a̱ʼdióo Eleadá,
21 Zabad a̱ʼdióo Táhat, Sutélah a̱ʼdióo Zabad, Ézer ga̱jma̱a̱ Elead ninindxu̱ún e̱ji̱i̱n Efraín. Xa̱bu̱ Gat bi̱ nigumiin náa xuajin rúʼko̱ niradíin, numuu dí niguájtaan gúda káñún xediu̱ún.
22 Anu̱ún bi̱ mbiʼyuu Efraín nixtáa ngíná mba̱yu̱u̱ʼ mbiʼi, ga̱jma̱a̱ a̱ngui̱i̱n niguwáʼ gúni̱ maʼni̱i̱ a̱jkiu̱u̱n.
23 Nda̱wa̱á nibóoʼ ga̱jma̱a̱ a̱ʼgiu̱u̱, a̱ʼgiu̱u̱ niguewáan ada̱* ga̱jma̱a̱ nigiʼdaa mbáa dxámá. Nixná mbiʼyuu Berías* numuu dí mbiʼi rí nigiʼdaa kúwá ruraʼníí gamiéjunʼ náa goʼwóo.
24 Wáxióo nigumbiʼyuu Seerá, bi̱ niʼni xuajin Bet-Horón Baja, Bet-Horón Alta ga̱jma̱a̱ Uzén-Seerá.
25 Ma̱ngaa xtáa a̱ʼdióo bi̱ mbiʼyuu Réfah, Résef, Télah a̱ʼdióo Résef, Tahán a̱ʼdióo Télah,
26 Ladán a̱ʼdióo Tahán, Amihud a̱ʼdióo Ladán, Elisamá a̱ʼdióo Amihud,
27 Nun a̱ʼdióo Elisamá ga̱jma̱a̱ Josué* a̱ʼdióo Nun.
28 Ku̱bu̱únʼ ga̱jma̱a̱ xuajñún ninindxu̱u̱ Betel ga̱jma̱a̱ xuajin dí rígá mijngii, xígií náa nagájnuu a̱jkha̱ʼ* náa Naarán, ga̱jma̱a̱ xígií náa narámaaʼ a̱jkha̱ʼ* náa Guézer ga̱jma̱a̱ xuajin dí rígá mijngii, ma̱ngaa náa Siquem ga̱jma̱a̱ xuajin dí rígá mijngii, asndu náa Ayyá* ga̱jma̱a̱ xuajin dí rígá mijngii,
29 ga̱jma̱a̱ náa níjniúu nikúwá bi̱ naguwáʼ náa Manasés, náa Bet-Seán ga̱jma̱a̱ xuajin dí rígá mijngii, Taanac ga̱jma̱a̱ xuajin dí rígá mijngii, Meguidó ga̱jma̱a̱ xuajin dí rígá mijngii, Dor ga̱jma̱a̱ xuajin dí rígá mijngii. Náa xuajin rígi̱ nikúwá bi̱ naguwáʼ náa José a̱ʼdióo Israel.
30 E̱ji̱i̱n Aser ninindxu̱u̱ Imná, Isvá, Isví ga̱jma̱a̱ Berías, ma̱ngaa nigiʼdaa mbáa wáxióo bi̱ nigumbiʼyuu Sérah.
31 E̱ji̱i̱n Berías ninindxu̱u̱ Héber ga̱jma̱a̱ Malkiel, bi̱ ninindxu̱u̱ anu̱u̱ Birzayit.
32 Héber ninindxu̱u̱ anu̱u̱ Jaflet, Somer ga̱jma̱a̱ Hotam, ma̱ngaa nigiʼdaa mbáa wáxióo bi̱ nigumbiʼyuu Súa.
33 E̱ji̱i̱n Jaflet ninindxu̱u̱ Pasac, Bimhal ga̱jma̱a̱ Asvat. Buʼko̱ ninindxu̱ún e̱ji̱i̱n Jaflet.
34 E̱ji̱i̱n Sémer* ninindxu̱u̱ Ahí, Rohgá, Jehubá ga̱jma̱a̱ Aram.
35 E̱ji̱i̱n ndxájuu Hélem* ninindxu̱u̱ Zofá, Imná, Seles ga̱jma̱a̱ Amal.
36 E̱ji̱i̱n Zofá ninindxu̱u̱ Súaj, Harnéfer, Sual, Berí, Imrá,
37 Bézer, Hod, Samá, Silsá, Itrán ga̱jma̱a̱ Beerá.
38 E̱ji̱i̱n Jéter ninindxu̱u̱ Jefuné, Pispá ga̱jma̱a̱ Ará.
39 E̱ji̱i̱n Ulá ninindxu̱u̱ Ará, Haniel ga̱jma̱a̱ Rizía.
40 Xúgíinʼ buʼko̱ ninindxu̱ún e̱ji̱i̱n Aser, bi̱ ndiya̱ edxu̱u̱ náa guʼwún anu̱ún, soldado xkujiinʼ bi̱ nixtaʼwíin, bi̱ ndiya̱ edxu̱u̱ náa bi̱ nutañajúúnʼ soldado, xó má ni̱ʼkha̱ ragumarámáʼ mbiʼñún, ninindxu̱ún mbá 26,000 soldado bi̱ kijmaratiin muxmijná.
Mbaʼa nota
^ Náa ajngáa hebreo naʼthí, “e̱ji̱i̱n”.
^ Náa ajngáa hebreo naʼthí, “e̱ji̱i̱n”.
^ O “tátée”.
^ O “i̱jín go̱ʼo̱”.
^ Náa ajngáa hebreo naʼthí, “e̱ji̱i̱n”.
^ O “a̱ʼdée dxáʼgú”.
^ Náa ajngáa hebreo naʼthí, “e̱ji̱i̱n”.
^ O “niʼni endi̱i̱”.
^ Rí nandoo gáʼthúu̱n, ‹ga̱jma̱a̱ gamiéjunʼ›.
^ O “Jehosúa”, rí nandoo gáʼthúu̱n ‹Jeobá bi̱ naʼni káwíin xa̱bu̱›.
^ O “este”.
^ O “oeste”.
^ O mbáa “Gaza”, mú raʼkháa Gaza náa nikúwá filisteos.
^ Ma̱ngaa mbiʼyuu Somer náa versículo 32.
^ Mbáa ikháá má nindxu̱u̱ Hotam bi̱ naʼthí náa versículo 32.
