Timbá libro ndrígóo Crónicas 9:1-44
9 Xúgíinʼ israelitas nigumarámáʼ mbiʼñún xó má niguwáʼ rágúu̱nʼ rakúwá, ga̱jma̱a̱ kiʼnirámáʼ mbiʼñún náa libro dí naʼthí ga̱jma̱a̱ numún reyes bi̱ nikúwá náa Israel. Ga̱jma̱a̱ xa̱bu̱ Judá ni̱jkha̱ kiʼdiin náa Babilonia numuu dí táguájun jmbu.
2 Timbíin xa̱bu̱ bi̱ nitangiín náa mbañúúnʼ náa xuajñún, ninindxu̱ún tikhuun israelitas, ndxajkun, levitas ga̱jma̱a̱ bi̱ nuñajunʼ* náa guʼwá rí nduyamajkuíí Dios.
3 Ga̱jma̱a̱ tikhuun bi̱ naguwáʼ náa Judá, náa Benjamín, náa Efraín ga̱jma̱a̱ náa Manasés, nikúwá náa Jerusalén.
4 Utái a̱ʼdióo Amihud, a̱ʼdióo Omrí, a̱ʼdióo Imrí, a̱ʼdióo Baní, bi̱ naguwáʼ náa Pérez a̱ʼdióo Judá.
5 Bi̱ naguwáʼ náa silonita, Asaya a̱ʼdá giʼnii ga̱jma̱a̱ e̱ji̱i̱n Asaya.
6 E̱ji̱i̱n Zérah, Jeuel ga̱jma̱a̱ mbá 690 a̱ngiu̱ún.
7 Bi̱ naguwáʼ náa Benjamín, Salú a̱ʼdióo Mesulam, a̱ʼdióo Hodavías, a̱ʼdióo Hasenuá,
8 Ibneyá a̱ʼdióo Jeroham, Elá a̱ʼdióo Uzí, a̱ʼdióo Micrí, ga̱jma̱a̱ Mesulam a̱ʼdióo Sefatías, a̱ʼdióo Reuel, a̱ʼdióo Ibniya.
9 Ga̱jma̱a̱ a̱ngiu̱ún bi̱ naguwáʼ náa ikhiin ninindxu̱ún mbá 956. Mbá xúgíinʼ xa̱bekha buʼko̱ nindxu̱ún bi̱ kuya̱ edxu̱u̱ náa guʼwún anu̱ún.
10 Ga̱jma̱a̱ ndxajkun nindxu̱u̱ Jedayá, Jehoiarib, Jakín,
11 Azarías a̱ʼdióo Hilquías, a̱ʼdióo Mesulam, a̱ʼdióo Sadoc, a̱ʼdióo Merayot, a̱ʼdióo Ahitub, mbáa bi̱ kayá edxu̱u̱ náa goʼwóo Dios bi̱ gajkhun,
12 Adaya a̱ʼdióo Jeroham, a̱ʼdióo Pasjur, a̱ʼdióo Malkiya, Maasái a̱ʼdióo Adiel, a̱ʼdióo Jahzerá, a̱ʼdióo Mesulam, a̱ʼdióo Mesilemit, a̱ʼdióo Imer,
13 ga̱jma̱a̱ a̱ngiu̱ún ikhiin, bi̱ kuya̱ edxu̱u̱ náa guʼwún anu̱ún, ninindxu̱ún mbá 1,760 xa̱bu̱ xkujiinʼ, kijmaratiin ga̱jma̱a̱ kúwá xawii mu muñajunʼ náa goʼwóo Dios bi̱ gajkhun.
14 Bi̱ nindxu̱ún levitas nindxu̱u̱ Semaya, a̱ʼdióo Hasub, a̱ʼdióo Azricam, a̱ʼdióo Hasabías, bi̱ naguwáʼ náa Merarí,
15 ga̱jma̱a̱ Bacbacar, Héresh, Galal, Matanías a̱ʼdióo Micá, a̱ʼdióo Zicrí, a̱ʼdióo Asaf,
16 Abdías a̱ʼdióo Semaya, a̱ʼdióo Galal, a̱ʼdióo Jedutún, ga̱jma̱a̱ Berekías, a̱ʼdióo Asá, a̱ʼdióo Elcaná, bi̱ nixtáa náa xuajin dí nikúwá netofatitas.
17 Bi̱ wíji̱ náa xkrugua nindxu̱u̱ Salum, Acub, Talmón, Ahimán ga̱jma̱a̱ ndxájúún Salum bi̱ kayá edxu̱u̱,
18 ga̱jma̱a̱ asndu nákhá ikhú, ikhaa niwi̱ji̱ náa xkrugoo rey, xígií náa nagájnuu a̱jkha̱ʼ,* buʼko̱ ninindxu̱ún bi̱ niguájun náa xkrugua náa nigriguíin levitas.
19 Ga̱jma̱a̱ Salum a̱ʼdióo Coré, a̱ʼdióo Ebiasaf, a̱ʼdióo Coré ga̱jma̱a̱ a̱ngui̱i̱n bi̱ kúwá náa guʼwún anu̱ún, coreítas* ninindxu̱ún bi̱ kajkuáa ñawúúnʼ bi̱ nduyáá ñajunʼ dí nuni̱ bi̱ wájun náa xkrugoo guʼwá xtíin. Ga̱jma̱a̱ anu̱ún nijkuáa ñawúúnʼ dí muñewa̱a̱n náa riejuun guʼwá xtíin ndrígóo Jeobá.
20 Nákhá ginii, Finehás a̱ʼdióo Eleazar ninindxu̱u̱ bi̱ kayá edxu̱u̱, Jeobá nixtáa ga̱jma̱a̱ ikhaa.
21 Zacarías a̱ʼdióo Meselemías ninindxu̱u̱ bi̱ wíji̱ náa xkrugoo guʼwá xtíin dí nagimbíi̱n.
22 Dí mbá xúgíinʼ bi̱ nixtaʼwíin mu muguajún náa xkrugua ninindxu̱ún mbá 212. Nikúwá náa xuajñún ga̱jma̱a̱ xó má náa kiʼnirámáʼ mbiʼñún. David ga̱jma̱a̱ vidente* Samuel nindrigi̱i̱n mu muni̱ ñajunʼ rígi̱ numuu dí nikumu̱ún kuñún.
23 Ikhiin gajmiún e̱jñu̱ún kajkuáa ñawúúnʼ dí muyejngoo náa xkrugoo goʼwóo Jeobá náa guʼwá xtíin.
24 Bi̱ wájun náa xkrugua, wájun náa mbá nájkhu̱ níjniúu, xígií náa nagájnuu a̱jkha̱ʼ, náa narámaaʼ a̱jkha̱ʼ,* náa norte ga̱jma̱a̱ náa sur.
25 Mámbá nguáthá mba̱yu̱u̱ʼ, a̱ngiu̱ún ndayóoʼ dí maguwáʼ mbá juwan mbiʼi asndu náa xuajñún mu dí muñajunʼ gajmiún.
26 Nikúwá mbá a̱jkhui̱i̱n bi̱ ndiya̱ edxu̱u̱* náa bi̱ nuguájun náa xkrugua bi̱ nakumu̱ún kuñún. Ninindxu̱ún levitas ga̱jma̱a̱ kajkuáa ñawúúnʼ dí muñewa̱a̱n cuarto* ga̱jma̱a̱ cuartos náa kajti rí gíʼdoo numuu náa goʼwóo Dios bi̱ gajkhun.
27 Naguájun kañiiʼ mbruʼun náa mbájndi goʼwóo Dios bi̱ gajkhun, numuu dí ikhiin kajkuáa ñawúúnʼ dí muyejngoo, kuda llave ga̱jma̱a̱ mámbá miʼcha̱ numbaʼtáá guʼwá.
28 Tikhuun dí ikhiin kajkuáa ñawúúnʼ dí muñewa̱a̱n rí najmaa, nuraxnuu mámbá dí nurawíi ga̱jma̱a̱ mámbá dí naguwáanʼ kudúún.
29 Tikhuun dí ikhiin nindrigi̱i̱n mu dí muñewa̱a̱n dí najmaa, mbá xúgíʼ dí najmaa rí kaʼwu, harina dí itháan májánʼ, vino, aceite, olíbano ga̱jma̱a̱ aceite rí ndataun.
30 Tikhuun e̱jñu̱ún ndxajkun nuni̱ májáánʼ aceite rí ndataun.
31 Ga̱jma̱a̱ Matitías, mbáa levita, bi̱ nindxu̱u̱ a̱ʼdá giʼniuu Salum xa̱bu̱ coreíta, kajkuáa ñawúunʼ mbaʼyoo xúgíʼ dí nagu̱ʼ ga̱jma̱a̱ sartén, numuu rí nakumu̱ún kuyáá.
32 Tikhuun a̱ngui̱i̱n, bi̱ nindxu̱ún cohatitas kajkuáa ñawúúnʼ dí muni̱ májáánʼ pan dí karngujxi̱,* xúgíʼ sábado.
33 Bugi̱ ninindxu̱ún bi̱ nini̱ ajmúú, bi̱ kuya̱ edxu̱u̱ náa guʼwún anu̱ún bi̱ naguwáʼ náa levitas bi̱ kúwá náa cuarto, bi̱ na̱nguá kajkuáa ñawúúnʼ i̱ʼwáʼ ñajunʼ, numuu dí ikhiin kajkuáa ñawúúnʼ dí muñejunʼ mbiʼíí mbruʼun.
34 Bugi̱ ninindxu̱ún bi̱ ndiya̱ edxu̱u̱ náa guʼwún anu̱ún bi̱ naguwáʼ náa levita, ninindxu̱ún bi̱ kuya̱ edxu̱u̱ ga̱jma̱a̱ nikúwíin náa Jerusalén.
35 Anu̱u̱* Gabaón nigumbiʼyuu Jeiel, nixtáa náa Gabaón. A̱ʼgiu̱u̱ nigumbiʼyuu Maacá.
36 Timbáa a̱ʼdióo nigumbiʼyuu Abdón, nda̱wa̱á nigiʼdaa Zur, Quis, Baal, Ner, Nadab,
37 Guedor, Ahió, Zacarías ga̱jma̱a̱ Miclot.
38 Miclot ninindxu̱u̱ anu̱u̱ Simeam. Xúgíinʼ ikhiin nikúwá mijngii náa kúwá a̱ngiu̱ún náa Jerusalén, ma̱ngaa nikúwá gajmiún eʼwíinʼ a̱ngiu̱ún.
39 Ner ninindxu̱u̱ anu̱u̱ Quis, Quis ninindxu̱u̱ anu̱u̱ Saúl, Saúl ninindxu̱u̱ anu̱u̱ Jonatán, Malki-Súa, Abinadab ga̱jma̱a̱ Esbaal.
40 A̱ʼdióo Jonatán ninindxu̱u̱ Merib-Baal. Merib-Baal ninindxu̱u̱ anu̱u̱ Miqueas.
41 E̱ji̱i̱n Miqueas ninindxu̱u̱ Pitón, Mélec, Tahrea ga̱jma̱a̱ Acaz.
42 Acaz ninindxu̱u̱ anu̱u̱ Jará, Jará ninindxu̱u̱ anu̱u̱ Alémet, Azmávet ga̱jma̱a̱ Zimrí. Zimrí ninindxu̱u̱ anu̱u̱ Mozá.
43 Mozá ninindxu̱u̱ anu̱u̱ Bineá, Bineá ninindxu̱u̱ anu̱u̱ Refayá, Refayá ninindxu̱u̱ anu̱u̱ Eleasá ga̱jma̱a̱ Eleasá ninindxu̱u̱ anu̱u̱ Azel.
44 Azel nigiʼdiin majuiin e̱ji̱i̱n, xígi̱ mbiʼñún: Azricam, Bocrú, Ismael, Searías, Abdías ga̱jma̱a̱ Hanán. Xúgíinʼ bugi̱ ninindxu̱ún e̱ji̱i̱n Azel.
Mbaʼa nota
^ Náa ajngáa hebreo naʼthí, “bi̱ nixnajxi̱mijna̱”.
^ O “este”.
^ Bi̱ naguwáʼ náa raga̱jmi̱i̱n Coré bi̱ na̱ʼkha̱ náa versículo rígi̱.
^ O “oeste”.
^ Náa ajngáa hebreo naʼthí, “guáʼdáá tsiaki̱i̱”.
^ O “náa nuphiʼtsu”.
^ Xóo muʼthá, pan dí najuixnájxi̱.
^ O “tátée”.
