Timbá i̱yi̱i̱ʼ rí na̱jkha̱ inún Corintios 5:1-13

  • Mbáa xa̱bu̱ nabóoʼ xkawiʼ kayuuʼ ga̱jma̱a̱ i̱mba̱a̱ (1-5)

  • “Mbá chíʼgíiʼ levadura naʼni makajxíi xúgíʼ xúwáʼ” (6-8)

  • “Guríya̱a̱ʼ xa̱bu̱ buʼko̱ bi̱ naʼni rí tséjmaa náa ikháanʼla” (9-13)

5  Nijuiʼtúnʼ dí mbáa rí ikháanʼla nabóoʼ xkawiʼ kayuuʼ,* rí nindxu̱u̱ xkawiʼ wéñuuʼ rí asndu bi̱ tséninuwiinʼ Dios tséni: Rí mbáa dí ikháanʼ xtáa* ga̱jma̱a̱ a̱ʼgiu̱u̱ anu̱u̱. 2  Lá nadxa̱la ga̱jma̱a̱ numuu rígi̱ ráʼ. Lá tséyóoʼ rí makuwáanʼla gíná ráʼ. Lá raʼkháa ndayóoʼ muxkríyáaʼ xa̱bu̱ bi̱ niʼni rúʼko̱ ráʼ. 3  Maski ajndu ikhúúnʼ ndawu̱u̱n ikhí, mú nandxa̱ʼwa̱mínáʼ* má xúʼko̱ ga̱jma̱a̱ numala, nda̱yo̱o̱ má dí gíʼdoo aʼkhúun xa̱bu̱ buʼko̱, na̱tala rígi̱ asndu xóo xtáá ikhí. 4  Índo̱ gágimbáanʼ ga̱jma̱a̱ mbiʼyuu Tátá Jesús, ga̱jma̱a̱ gu̱ya̱a̱ rí ikhúúnʼ nandxa̱ʼwa̱mínáʼ* ga̱jma̱á numala ma̱ngaa tsiakii ndrígóo Tátá Jesús rígá náa ikháanʼla, 5  gíʼmaa rí muxnaxíi xa̱bu̱ bugi̱ náa Gixa̱a̱* mu mandáti̱ga̱a̱ aʼkhá rí niʼni náa guʼwá nagimbáanʼ ga̱jma̱a̱ bi̱ kúwá ikhí maguánú mbuyáá dí aʼkhá nindxu̱u̱ mbiiʼ wéñuuʼ ga̱jma̱a̱ xúʼko̱ makáwíin mbiʼi rí gáʼkha̱a̱ Tátá. 6  Raʼkhí rí munimbaʼumíjna̱. Lá tséya̱a̱ rí mbá chíʼgíiʼ levadura naʼni makajxíi xúgíʼ xúwáʼ ráʼ. 7  Guríyáaʼ levadura rí wayuu mu mani̱ndxa̱la i̱mba̱ xúwáʼ nuxi̱ʼ, rí xóó tsikájxíi,* xó má rí nindxa̱la xúgi̱. Numuu rí Cristo nixnáximinaʼ makhañúu xóo mbáa mugu̱ bi̱ najmaa náa Pascua. 8  Ikha jngóo xúʼniriya̱a̱ʼ ndxa̱a̱ ga̱jma̱a̱ levadura dí wayuu, levadura dí xkawiʼ, dí ra̱májánʼ, gíʼmaa majmaa pan dí ragíʼdoo levadura dí nindxu̱u̱ májánʼ ga̱jma̱a̱ gajkhun. 9  Náa mbá i̱yi̱i̱ʼ niniraʼmáʼ rí muniʼñááʼ rambáxala gajmiála xa̱bu̱ bi̱ nubúúnʼ xkawiʼ kayuuʼ gajmiún eʼwíinʼ.* 10  Raʼkháa rúʼko̱ nindoʼ gáthá rí muniwájimijná mbá kayuuʼ náa xa̱bu̱ bi̱ kúwá numbaaʼ rígi̱, bi̱ nubúúnʼ xkawiʼ kayuuʼ gajmiún eʼwíinʼ,* bi̱ nagua̱ʼa̱ maguaʼdáá wéñuuʼ, bi̱ nuni̱ kuʼwáʼ, bi̱ nduyamajkhún xándú. Á mu xúʼko̱, ikháanʼ mbaʼyóoʼ magajnála náa numbaaʼ rígi̱. 11  Mú rí xúgi̱ na̱tala rí muniʼñááʼ rambáxala gajmiála asndu tsáa bi̱ naʼthí rí nindxu̱u̱ ndxájulú, bi̱ nabóoʼ xkawiʼ kayuuʼ gajmíi̱n eʼwíinʼ,* bi̱ nagua̱ʼa̱ rí magiʼdoo, bi̱ ndaʼyamajkhún xándú, bi̱ naʼthá wéñúúnʼ eʼwíinʼ, bi̱ najnga̱a̱ o bi̱ naʼni kúwáʼ. Ní xupiʼtsula gajmiála xa̱bu̱ buʼko̱. 12  Náá numuu rí ikhúúnʼ kaʼyoʼ ma̱ta̱ rí mugíʼníí bi̱ kúwá rexa̱a̱ rá. Lá raʼkháa ikháanʼ kaʼyala mu̱ta̱ rí mugíʼníí bi̱ kúwá awúu̱n ráʼ. 13  Lá raʼkháa Dios kaʼyoo mandi̱ʼíín cuenta bi̱ kúwá rexa̱a̱ ráʼ. “Guríya̱a̱ʼ xa̱bu̱ buʼko̱ bi̱ naʼni rí tséjmaa náa ikháanʼla”.

Mbaʼa nota

^ Atayáá glosario, nubúúnʼ xkawiʼ kayuuʼ.
^ Náa ajngáa griego naʼthí, “gíʼdaa”.
^ Náa ajngáa griego naʼthí, “xi̱ʼ”.
^ Náa ajngáa griego naʼthí, “xi̱ʼ”.
^ Náa ajngáa griego naʼthí, “Satanás”. Atayáá glosario, Satanás.
^ Náa ajngáa griego naʼthí, “dí ragíʼdoo levadura”.
^ Atayáá glosario, nubúúnʼ xkawiʼ kayuuʼ.
^ Atayáá glosario, nubúúnʼ xkawiʼ kayuuʼ.
^ Atayáá glosario, nubúúnʼ xkawiʼ kayuuʼ.
TRADUCCIÓN DEL NUEVO MUNDO DE LAS SANTAS ESCRITURAS
1 Corintios 5
me̱ʼpha̱a̱
Araxnuu Biblia náa Internet
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt