Timbá i̱yi̱i̱ʼ rí na̱jkha̱ inún Tesalonicenses 4:1-18
4 Rí iwáá kayuuʼ a̱ngui̱nʼ, nisngála xú káʼnii gíʼmaa makuwáanʼla* xó má nanigu̱u̱ʼ Dios ga̱jma̱a̱ xúʼko̱ má kuwáanʼla ru̱ni̱. Mú rí xúgi̱, nundaʼala ma̱ngaa nutakháñala ga̱jma̱a̱ numuu Tátá Jesús dí mu̱nila má xúʼko̱ asndu xó má eʼngalaʼ.
2 Ikháanʼ má nuniʼnúuʼ májánʼ ikha dí nijuixnála rí na̱ʼkha̱ náa Tátá Jesús.
3 Rígi̱ dí nandoo Dios: Dí mani̱ndxa̱la kaʼwáanʼ ma̱ngaa dí xáʼndala mubala xkawiʼ kayuuʼ gajmiála eʼwíinʼ.*
4 Mámbáa dí ikháanʼ gíʼmaa majmañuu maxprígúu xuyuuʼ* mu mani̱ndxu̱u̱ kaʼwu ga̱jma̱a̱ gamajkhu,
5 raʼkháa dí xáʼngala gúrikháá dí nagua̱ʼa̱ wéñuuʼ mubala gajmiála mbáa ga̱jma̱a̱ rí xágíʼmala xóo eni̱ xa̱bu̱ bi̱ tséniʼniiʼ Dios.
6 Nimbáa xáʼga itháan ñuʼún náa dí rakáʼyoo ga̱jma̱a̱ maʼni gínáa ndxájuu ga̱jma̱a̱ numuu rígi̱, numuu dí xó má nijuiʼtála, Jeobá* maʼni dí mumíniiʼ ga̱jma̱a̱ xúgíʼ rígi̱.
7 Numuu dí Dios na̱nguá nindxaʼwúlú mu manindxu̱lú mitsagánʼ, nindxaʼwúlú mu manindxu̱lú kaʼwáánʼ.
8 Bi̱ naʼni gaʼduunʼ rígi̱, tséʼni gaʼduunʼ náa xa̱bu̱ú, naʼni gaʼduunʼ náa Dios, bi̱ naxná espíritu santo.*
9 Nánguá má eyóoʼ muniraʼmáʼ náa inala ga̱jma̱a̱ numuu dí maʼndala kuyamíjna̱, numuu rí Dios xtáa má raʼsngála dí maʼndala kuyamíjna̱.
10 Kúwáanʼ má rusngajmá ngajua rígi̱ náa a̱ngiu̱lú bi̱ kúwá náa Macedonia. Mú a̱ngui̱nʼ, ikháanʼxu nundaʼala rí musngajmá xóó itháan ngajua rígi̱.
11 Gunimíjna rí makuwáanʼla tsímáá, mámbáa gáxmiéjuunʼ ga̱jma̱a̱ xkujndu ndrígóo, guñejunʼ ga̱jma̱a̱ ñawánlaʼ, xó má ikha dí nijuixnála,
12 mu xúʼko̱ bi̱ kúwá rexa̱a̱* mbuyáá rí ikháanʼla kuwáanʼla* májánʼ ga̱jma̱a̱ dí ikháanʼla nda̱a̱ dí gáʼyala.
13 Ma̱ngaa a̱ngui̱nʼ, nanduxu dí mikrua̱ʼa̱la ndiéjunʼ gugiʼníí bi̱ nikháñún* mu ikháanʼ xákuwáanʼla ngíná xóo xa̱bu̱ bi̱ nda̱a̱ dí guáʼthi̱i̱n nimbá.
14 Numuu rí á mu kuaʼdáá fe rí Jesús nikháñuu ga̱jma̱a̱ dí nigabi̱i̱, xúʼko̱ má kuaʼdáá fe rí Dios ma̱ngaa maʼga̱a̱ kagui̱i̱n náa ikhaa bi̱ nikháñún* ga̱jma̱a̱ numuu Jesús.
15 Najmuxu ajngá rawuunʼ Jeobá* mu muthaxu rígi̱: Ikháanʼlu bi̱ nduʼya ga̱jma̱a̱ bi̱ makáwáanʼlu asndu índo̱ gáʼkha̱a̱* Tátá, xánindxulú gináanʼ náa bi̱ nikháñún;
16 numuu dí Tátá ndrígúlú maʼka̱a̱ mekhuíí, maʼthí gakhi̱i̱ xóo aʼwá ndrígóo mbáa arcángel ga̱jma̱a̱ trompeta ndrígóo Dios, ikhú xa̱bi̱i̱ Cristo bi̱ nikháñún magabi̱ín* ginii.
17 Nda̱wa̱á, ikháanʼlu bi̱ nduʼya ga̱jma̱a̱ bi̱ maguma káwáanʼ maʼga kiʼdáánʼ gajmiúlú ikhiin náa inuu du̱u̱n mu muxkamamijnáaʼlú gajmiúlú Tátá náa inuu giñánʼ, ga̱jma̱a̱ makuwáánʼ má xúʼko̱ gajmiúlú Tátá.
18 Ikha jngóo guxnamíjnála má xúʼko̱ tsiakii mámbáa dí ikháanʼla ga̱jma̱a̱ ajngáa rúʼko̱.
Mbaʼa nota
^ Náa ajngáa griego naʼthí, “majngruigala”.
^ Náa ajngáa griego naʼthí, “vaso”.
^ O “bi̱ na̱nguá nindxu̱ún xa̱bi̱i̱ Jesús”.
^ Náa ajngáa griego naʼthí, “jngruigala”.
^ Náa ajngáa griego naʼthí, “bi̱ nduya̱a̱ xu̱ún náa nikháñún”.
^ Náa ajngáa griego naʼthí, “bi̱ nduya̱a̱ xu̱ún náa nikháñún”.
^ Náa ajngáa griego naʼthí, “matujxi̱ín”.
