Timbá i̱yi̱i̱ʼ rí na̱jkha̱ inuu timoteo 2:1-15

  • Guʼtájkáan ga̱jma̱a̱ numún xúgíinʼ enii xa̱bu̱ (1-7)

    • Mbáwíí Dios ga̱jma̱a̱ mbáwíí bi̱ nayambáá náa rí nambánún (5)

    • Mbáwíí bi̱ nixnáximinaʼ mu maʼtsiwíin xúgíinʼ (6)

  • Ikha rí na̱jkha̱ inún xa̱bekha ga̱jma̱a̱ gu̱ʼu̱ (8-15)

    • Muʼgíʼ mbá xtíin rí nakruiyo̱o̱ʼ májánʼ (9, 10)

2  Ginii kayuuʼ na̱tala rí munda̱ʼa̱ ga̱jma̱a̱ dí mutajkháan* numún xúgíinʼ xa̱bu̱, gunda̱ʼa̱a̱ Dios rí mambáñún, ma̱ngaa gu̱xna̱a̱ núma̱aʼ Dios ga̱jma̱a̱ numún, 2  gu̱tajkháan ga̱jma̱a̱ numún reyes ga̱jma̱a̱ xúgíinʼ bi̱ guáʼdáá mbá ñajunʼ mba̱ʼu̱, mu xúʼko̱ ikháanʼ ma̱ndoo makuwáanʼlú tsímáá, ga̱jma̱a̱ rí nimbá xáʼni maxmiéjunlú, ma̱ngaa rí muguajún jmbu náa Dios ga̱jma̱a̱ rí muʼgíʼ mu̱ʼni̱ xó má kaʼyoo. 3  Rígi̱ nindxu̱u̱ májánʼ ga̱jma̱a̱ mitsaanʼ eʼyoo Dios ndrígúlú bi̱ naʼni káwáánʼlú, 4  ikhaa nandoo rí xúgíinʼ enii xa̱bu̱ makáwíin, ga̱jma̱a̱ rí maguánú muguaʼdáá mbá ku̱ma̱ kájxi̱ dí gajkhun. 5  Numuu rí mbáwíí Dios xtáa ga̱jma̱a̱ mbáwíí bi̱ nayambáá náa rí nambánún* náa Dios ga̱jma̱a̱ náa xa̱bu̱, mbáa xa̱biya̱, ikhaa nindxu̱u̱ Cristo Jesús, 6  bi̱ nixnájximínáʼ mu maʼtsiwíin xúgíinʼ enii xa̱bu̱, rígi̱ majmaʼnuuʼ mbiʼi rí kaʼyoo. 7  Mu ma̱ndoo marigá rígi̱, ikhúúnʼ nixtaʼwún mu mataráʼa ga̱jma̱a̱ mu manindxu̱ʼ apóstol, na̱tha̱ rí gajkhun, tsénindúwaʼ, ni̱ndxu̱ʼ bi̱ naʼsngúún xa̱bu̱ bi̱ raʼkhíin judíos ga̱jma̱a̱ numuu fe ma̱ngaa rí gajkhun. 8  Ikha jngóo nandoʼ rí xúgíinʼ xa̱bu̱ bi̱ kúwá asndu náá, gutajkháan má xúʼko̱, gíʼmaa manindxu̱ún jmbiin índo̱ gúxujxi̱ ñawúúnʼ, ni xákiʼniin ga̱jma̱a̱ ni xágiʼdu̱u̱n. 9  Xúʼko̱ má gu̱ʼu̱, gíʼmaa musngajma gamajkhu ga̱jma̱a̱ xtíin dí nugíʼ ma̱ngaa rí nundxaʼwa̱a̱ májánʼ edxu̱ún, mu makujmiin mitsiʼñiin tséyóoʼ má rí maxmiéjúúnʼ rí xóo muxtigúu edxu̱ún, rí majmún oro, perla o rí mugíʼ xtíin rí minumuu wéñuuʼ, ndayóoʼ rí mugíʼ mbá xtíin rí nakruiyo̱o̱ʼ májánʼ, 10  gíʼmaa muni̱ ñajunʼ májánʼ xó má gu̱ʼu̱ bi̱ nixnajxi̱mijna̱ náa Dios. 11  Rí a̱ʼgu̱ wíí gági̱ʼi̱ majmañuu ga̱jma̱a̱ gaʼnimbo̱o̱ índo̱ xtáa rajuiʼsngáá. 12  Tséniʼñúuʼ rí a̱ʼgu̱ maʼsngáa ni má ragíʼmaa maʼtáñajuunʼ xa̱biya̱, rí gíʼmaa maʼni, gíʼmaa magi̱ʼi̱ wíí. 13  Numuu rí Adán nigumaa ginii, nda̱wa̱á Eva. 14  Ma̱ngaa Adán na̱nguá niguma nduwaaʼ, a̱ʼgu̱ nindxu̱u̱ bi̱ phú niguma nduwaaʼ ga̱jma̱a̱ nijkha̱nú nikudaminaʼ aʼkhá. 15  Ikhaa maguma kríya̱a̱ʼ ga̱jma̱a̱ numuu rí magiʼdiin e̱ji̱i̱n ga̱jma̱a̱ á mu ikhaa nagiʼdoo má xúʼko̱ fe, ngajua ga̱jma̱a̱ rí mani̱ndxu̱u̱ kaʼwii ma̱ngaa rí mandxaʼwáminaʼ májánʼ.

Mbaʼa nota

^ O “mu̱ni̱ tsajkuun”.
^ O “mediador”. Náa ajngáa griego nandoo gáʼthúu̱n mbáa xa̱bu̱ bi̱ nambáñún a̱jmi̱i̱n xa̱bu̱ mu mambanún.
TRADUCCIÓN DEL NUEVO MUNDO DE LAS SANTAS ESCRITURAS
1 Timoteo 2
me̱ʼpha̱a̱
Araxnuu Biblia náa Internet
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt