Raga̱jma̱ libro ndrígóo Crónicas 27:1-9
-
Jotán, rey ndrígóo Judá (1-9)
27 Jotán gíʼdoo 25 tsiguuʼ índo̱ ni̱jkha̱nú ninindxu̱u̱ rey, ga̱jma̱a̱ niʼtáñajunʼ mbá 16 tsiguʼ náa Jerusalén. Ru̱dúu̱* nigumbiʼyuu Jerusá, wáxióo* Sadoc.
2 Ikhaa niʼni dí májánʼ náa iduu Jeobá xó má niʼni anu̱u̱* Uzías, mú mixtiʼkhu niʼni ikhaa, numuu rí táto̱ʼo̱o̱ náa guʼwá rí nduyamajkuíí Jeobá, mú xa̱bu̱ xuajin nuni̱ má xúʼko̱ dí ra̱májánʼ.
3 Jotán niʼni xkrugua dí rijma̱a̱ náa goʼwóo Jeobá, ga̱jma̱a̱ niʼni mbaʼa ñajunʼ náa xtájtsí ndrígóo xuajin Ofel.
4 Ma̱ngaa niʼni xuajin náa kúbá Judá, ga̱jma̱a̱ xuajin rí kúgumaʼá ma̱ngaa niʼni torres náa xaxi̱.
5 Nixmínaʼ ga̱jma̱a̱ rey ndrígu̱ún ammonitas, niʼngo̱o̱ niʼni ga̱jma̱a̱, ikha jngóo xa̱bu̱ ammonitas nixnáá tsiguʼ rúʼko̱ mbá 3,420 kilo* plata, mbá 2 millón 200 mil litro* trigo ga̱jma̱a̱ mbá 2 millón 200 mil litro cebada. Dí maʼni raga̱jma̱ ga̱jma̱a̱ dí maʼni ragajtsú tsiguʼ, xúʼko̱ má nini̱ numáá ammonitas.
6 Ikha jngóo Jotán ni̱jkha̱ ragiʼdoo itháan tsiaki̱i̱, numuu dí niraʼwíí majngrui̱go̱o̱ náa kambo̱o̱ Jeobá Dios ndrígóo.
7 Dí naʼthí xóó itháan ga̱jma̱a̱ numuu Jotán, xóo nixmínaʼ ga̱jma̱a̱ dí niʼni, kiʼniraʼmáʼ náa Libro dí naʼthí ga̱jma̱a̱ numún Reyes bi̱ nikúwá náa Israel ga̱jma̱a̱ bi̱ nikúwá náa Judá.
8 Gíʼdoo 25 tsiguuʼ índo̱ ni̱jkha̱nú ninindxu̱u̱ rey, ga̱jma̱a̱ niʼtáñajunʼ mbá 16 tsiguʼ náa Jerusalén.
9 Ikhú Jotán ndiyáa jxu̱u̱ʼ gajmíi̱n wajin xiʼñúuʼ, nidi̱i̱ náa Xuajñuu David, ga̱jma̱a̱ a̱ʼdióo bi̱ mbiʼyuu Acaz ni̱jkha̱nú ninindxu̱u̱ nuxi̱i̱ʼ rey.
