Génesis 36:1-43
36 Rígi̱ nindxu̱u̱ historia ndrígóo Esaú, xóo muʼthá, Edom.
2 Esaú nigui̱i̱n gu̱ʼu̱ bi̱ kúwá náa Canaán. Ndiyáa Adá wáxióo Elón xa̱bu̱ hitita ga̱jma̱a̱ Oholibamá wáxióo Aná bi̱ nindxu̱u̱ a̱ʼdá xíñiiʼ Zibeón xa̱bu̱ heveo.
3 Ma̱ngaa ndiyáa Basemat, wáxióo Ismael, giʼtio̱o̱ Nebayot.
4 Esaú nigiʼdaa ga̱jma̱a̱ Adá mbáa ada̱ bi̱ nagumbiʼyuu Elifaz, mú Basemat nigiʼdaa ga̱jma̱a̱ ada̱ bi̱ nagumbiʼyuu Reuel.
5 Ga̱jma̱a̱ Oholibamá nigiʼdaa ga̱jma̱a̱ ada̱ bi̱ mbiʼyuu Jeús, Jalam ga̱jma̱a̱ Coré.
Bugi̱ nindxu̱ún e̱ji̱i̱n Esaú, bi̱ nigiʼdiin náa ku̱ba̱ʼ ndrígóo Canaán.
6 Nda̱wa̱á, Esaú ni̱jkha̱ gáxtáa i̱mba̱ ríʼkhá, mitsínguánʼ náa Jacob bi̱ nindxu̱u̱ giʼtio̱o̱, ga̱jma̱a̱ ni̱jkha̱ gajmíi̱nʼ gu̱ʼwi̱i̱, e̱ji̱i̱n ga̱jma̱a̱ xúgíinʼ bi̱ kúwá náa goʼwóo, ni̱jkha̱ gajmíi̱n xediu̱u̱ ga̱jma̱a̱ eʼwíinʼ xujkhuiíʼ ma̱ngaa xúgíʼ rí nigujxi̱i̱ náa ku̱ba̱ʼ ndrígóo Canaán.
7 Numuu rí nájmi̱i̱n kuáʼdáá wéñuuʼ, nánguá xóo makuwá mbóó. Niguáʼdiin wéñuuʼ xujkhúʼ rí asndu nánguá eʼngo̱o̱ ku̱ba̱ʼ náa mbuñún.
8 Esaú ni̱jkha̱ gáxtáa náa kúbá Seír. Esaú nindxu̱u̱ Edom.
9 Rígi̱ nindxu̱u̱ historia ndrígóo Esaú, anu̱ún edomitas, bi̱ nikúwi̱i̱n náa kúbá Seír.
10 Xígi̱ mbiʼñún e̱ji̱i̱n Esaú, bi̱ nigiʼdiin ga̱jma̱a̱ Adá ikhaa nindxu̱u̱ Elifaz, bi̱ nigiʼdaa Basemat mbiʼyuu Reuel, imba̱a̱ a̱ʼgiu̱u̱ Esaú.
11 E̱ji̱i̱n Elifaz nindxu̱ún Temán, Omar, Zefó, Gatam ga̱jma̱a̱ Quenaz.
12 Elifaz, a̱ʼdióo Esaú, nigiʼdaa mbáa a̱ʼgú ñawuun* bi̱ mbiʼyuu Timná. Ga̱jma̱a̱ nda̱wa̱á niguáʼdaa mbáa ada̱ bi̱ mbiʼyuu Amalec. Bugi̱ nindxu̱ún e̱jín xíñiiʼ Adá, a̱ʼgiu̱u̱ Esaú.
13 E̱ji̱i̱n Reuel ninindxu̱ún Náhat, Zérah, Samá ga̱jma̱a̱ Mizá. Bugi̱ ninindxu̱ún e̱jín xíñiiʼ Basemat, a̱ʼgiu̱u̱ Esaú.
14 Xígi̱ mbiʼñún e̱ji̱i̱n bi̱ nigiʼdiin gajmíi̱nʼ Oholibamá Esaú: Jeús, Jalam ga̱jma̱a̱ Coré. Oholibamá ninindxu̱u̱ a̱ʼgiu̱u̱ Esaú wáxióo Aná, a̱ʼdá xíñiiʼ Zibeón.
15 Bi̱ ndi̱ya̱ edxu̱u̱ bi̱ niguwáʼ náa e̱ji̱i̱n Esaú nindxu̱ún bugi̱. Náa Elifaz timbáa a̱ʼdióo Esaú, ndi̱ya̱ edxu̱u̱ Temán, Omar, Zefó ga̱jma̱a̱ Quenaz,
16 Coré, Gatam, Amalec. Bugi̱ nindxu̱ún bi̱ ndiyá edxu̱u̱ bi̱ niguwáʼ náa goʼwóo Elifaz náa ku̱ba̱ʼ ndrígóo Edom. Bugi̱ nindxu̱ún e̱jín xíñiiʼ Adá.
17 Náa Reuel, a̱ʼdióo Esaú ndiyá edxu̱u̱ Náhat, Zérah, Samá, Mizá. Bugi̱ nindxu̱ún bi̱ ndi̱ya̱ edxu̱ún bi̱ niguwáʼ náa goʼwóoʼ Reuel náa ku̱ba̱ʼ ndrígóo Edom. Bugi̱ nindxu̱ún e̱jín xíñiiʼ Basemat, a̱ʼgiu̱u̱ Esaú.
18 Nda̱wa̱á kayuuʼ, náa e̱ji̱i̱n Oholibamá a̱ʼgiu̱u̱ Esaú, ndiyá edxu̱u̱ Jeús, Jalam, Coré. Bugi̱ ndi̱ya̱ edxu̱ún bi̱ niguwáʼ náa Oholibamá wáxióo Aná, a̱ʼgiu̱u̱ Esaú.
19 Bugi̱ ninindxu̱ún e̱ji̱i̱n Esaú, xóo muʼthá Edom, ga̱jma̱a̱ bi̱ ndi̱ya̱ edxu̱ún náa ikhiin.
20 E̱ji̱i̱n Seír xa̱bu̱ horeo bi̱ kúwíin náa xuajin rúʼko̱ nindxu̱u̱ Lotán, Sobal, Zibeón, Aná,
21 Disón, Ézer ga̱jma̱a̱ Disán. Bugi̱ nindxu̱ún bi̱ ndi̱ya̱ edxu̱ún náa xa̱bu̱ horeo e̱ji̱i̱n Seír, náa ku̱ba̱ʼ ndrígóo Edom.
22 E̱ji̱i̱n Lotán ninindxu̱u̱ Horí, Hemam. Timná ninindxu̱u̱ giʼtio̱o̱ Lotán.
23 E̱ji̱i̱n Sobal ninindxu̱u̱ Alván, Manáhat, Ebal, Sefó ga̱jma̱a̱ Onam.
24 E̱ji̱i̱n Zibeón ninindxu̱u̱ Ayá ga̱jma̱a̱ Aná. Aná bugi̱ bi̱ nixka̱ma̱a̱ iyaʼ mijkha náa ku̱ba̱ʼ mijxooʼ* índo̱ xtáa raʼñún búrriu̱u̱ anu̱u̱* bi̱ nindxu̱u̱ Zibeón.
25 Aná nigiʼdaa mbáa a̱ʼdióo bi̱ mbiʼyuu Disón ga̱jma̱a̱ mbáa wáxióo* bi̱ mbiʼyuu Oholibamá.
26 E̱ji̱i̱n Disón ninindxu̱u̱ Hemdán, Esbán, Itrán ga̱jma̱a̱ Kerán.
27 E̱ji̱i̱n Ézer ninindxu̱u̱ Bilhán, Zaaván ga̱jma̱a̱ Acán.
28 E̱ji̱i̱n Disán ninindxu̱u̱ Uz ga̱jma̱a̱ Arán.
29 Bigi̱ nindxu̱ún bi̱ ndi̱ya̱ edxu̱ún náa horeos: Lotán, Sobal, Zibeón, Aná,
30 Disón, Ézer, Disán. Bugi̱ nindxu̱ún bi̱ ndi̱ya̱ edxu̱ún náa horeos náa ku̱ba̱ʼ ndrígóo Seír.
31 Bugi̱ ninindxu̱ún reyes bi̱ nitañajunʼ náa Edom, nákha israelitas xóó tseguaʼdaa mbáa rey.
32 Bela a̱ʼdióo Beor niʼtáñajunʼ náa Edom, ga̱jma̱a̱ xuajin náa nixtáa nigumbiʼyuu Dinhabá.
33 Índo̱ Bela nikháñúu, ikhú niʼtáñajunʼ Jobab a̱ʼdióo Zérah bi̱ xtáa náa Bozrá.
34 Índo̱ Jobab nikháñúu, ikhú niʼtáñajunʼ Husam bi̱ xtáa náa ku̱ba̱ʼ ndrígu̱ún temanitas.
35 Índo̱ Husam nikháñúu, ikhú niʼtáñajunʼ Hadad a̱ʼdióo Bedad, xuajin náa nixtáa mbiʼyuu Avit. Ikhaa niʼngo̱o̱ nixmínaʼ gajmíi̱n madianitas náa ku̱ba̱ʼ ndrígóo Moab.
36 Índo̱ Hadad nikháñúu, ikhú niʼtáñajunʼ Samlá bi̱ xtáa náa Masrecá.
37 Índo̱ Samlá nikháñúu, ikhú niʼtáñajunʼ Shaúl bi̱ na̱ʼkha̱ náa Rehobot del Río.
38 Índo̱ Shaúl nikháñúu, ikhú niʼtáñajunʼ Baal-Hanán a̱ʼdióo Acbor.
39 Índo̱ Baal-Hanán a̱ʼdióo Acbor nikháñuu, ikhú niʼtáñajunʼ Hadar. Xuajñuu nigumbiʼyuu Paú ga̱jma̱a̱ a̱ʼgiu̱u̱ mbiʼyuu Mehetabel, wáxióo Matred, wáxióo Mezahab.
40 Bi̱ ndi̱ya̱ edxu̱ún bi̱ niguwáʼ náa Esaú xóo má bi̱ kúwá náa guʼwún ga̱jma̱a̱ xuajin náa naguwáʼ ninindxu̱u̱ Timná, Alvá, Jetet,
41 Oholibamá, Elá, Pinón,
42 Quenaz, Temán, Mibzar,
43 Magdiel ga̱jma̱a̱ Iram. Bugi̱ ninindxu̱ún bi̱ ndi̱ya̱ edxu̱u̱ náa Edom, xóo má xuajñún náa rí kúwá. Bugi̱ nindxu̱u̱ Esaú, anu̱ún edomitas.
