Jeremías 1:1-19
1 Rígi̱ nindxu̱u̱ ajngóo Jeremías* a̱ʼdióo Hilquías, mbáa ndxajkun bi̱ xtáa náa Anatot, náa ku̱ba̱ʼ ndrígóo Benjamín.
2 Ikhaa nigruigú ajngóo Jeobá náa mbiʼi rí nixtáa Josías a̱ʼdióo Amón, rey ndrígóo Judá, náa tsiguʼ 13 dí xtáa má raʼtáñajunʼ.
3 Xúʼko̱ má nigruigú nákhá mbiʼi dí nixtáa Jehoiaquim a̱ʼdióo Josías, rey ndrígóo Judá, asndu índo̱ nirámúunʼ 11 tsiguʼ dí nixtáa raʼtáñajunʼ Sedequías aʼdióo Josías, rey ndrígóo Judá ma̱ngaa índo̱ xa̱bu̱ Jerusalén ni̱jkha̱ kiʼdiin índo̱ niʼni witsu igu̱nʼ.
4 Nigruígú ajngóo Jeobá. Niʼthúnʼ:
5 “Ikhúún naniʼníí má nákhá xóó tségíwáanʼ náa awúu̱n ru̱dáaʼ,ga̱jma̱a̱ nákhá xóó tséraxtaa* ikhúún niraʼwíín.*
Ni̱ni̱ dí ma̱nindxa̱a̱ʼ profeta* náa xúgíʼ xuajin”.
6 Mú ikhúún nitha̱: “¡Tátá Jeobá bi̱ itháán mba̱a̱!
Ikhúún tséjmún gátha. Kaʼníí nindxu̱ʼ mbáa dxámá”.
7 Jeobá niriʼñuʼ:
“Xárata ‹Kaʼníí nindxu̱ʼ mbáa dxámá›.
Numuu rí mi̱dxu̱ʼ náa inún bi̱ ikhúún gátha̱a̱nʼ mi̱dxu̱ʼ gátañu̱u̱nga̱jma̱a̱ marata̱ xúgíʼ dí gátha̱a̱nʼ marata̱.
8 Xámíñáaʼ xtañún,numuu rí ‹ikhúún xtáá ma̱ni̱ kríñáaʼ›, eʼthí Jeobá”.
9 Ikhú Jeobá nikruiyaʼ ñawúunʼ ga̱jma̱a̱ nixkajma rawunʼ. Ga̱jma̱a̱ Jeobá niʼthúnʼ: “Nigídáʼ ajngóʼ náa rawaanʼ.
10 Mbiʼi xúgi̱ naxna̱a̱ʼ ñajunʼ náa xúgíʼ xuajin ga̱jma̱a̱ náa xúgíinʼ xa̱bu̱ ñajunʼ, rí matrubuwíi ga̱jma̱a̱ mataxpígúu, matani̱ gámbáa ga̱jma̱a̱ matani̱ ga̱jxi̱i̱ ma̱ngaa mu matani̱ ga̱jma̱a̱ matadu”.
11 Mbu̱júu̱ nigruígú ajngóo Jeobá, niʼthúnʼ: “Jeremías, ndiéjunʼ dí xtaa ratayáá rá.” Ikhú niriʼñuu: “Nda̱yo̱o̱ mbá ñawúunʼ ixi̱ almendro”.*
12 Jeobá niʼthúnʼ: “Xúʼko̱, ikhaa nindxu̱u̱, ikhúún na̱nguá egú mu ma̱ni̱ mbánúu ajngóʼ”.
13 Mbu̱júu̱ nigruígú ajngóo Jeobá rí maʼni a̱jma̱ nuthu. Niʼthúnʼ: “Ndiéjunʼ dí xtaa ratayáá rá.” Ikhúún ni̱thu̱u̱n: “Nda̱yo̱o̱ mbá daan* dí nagaʼá,* rí na̱ʼkha̱ rajngatiga̱a̱ asndu náa norte”.
14 Ikhú Jeobá niʼthúnʼ:
“Gamiéjunʼ magajnúu xígií náa norterí maguáʼníí xúgíinʼ xa̱bu̱ xuajin.
15 Numuu rí ‹xtáá randxa̱ʼwu̱u̱n xa̱bu̱ ñajunʼ bi̱ kúwá náa norte gajmiún bi̱ kúwá náa guʼwún, eʼthí Jeobá,ikhiin maguwáʼ. Mámbáa magíʼ xíliu̱u̱*náa riejuun xkrugoo Jerusalén,xúʼko̱ má náa xúgíʼ xtájtsí dí kúgumaʼá ga̱jma̱a̱ma̱ngaa náa xúgíʼ xuajin ndrígóo Judá.
16 Mandi̱ʼi̱ín cuenta xa̱bu̱ xuajñunʼ ga̱jma̱a̱ numuu dí raʼkhí nuni̱,numuu rí ikhiin nini̱ñu̱nʼga̱jma̱a̱ nuxnajxi̱ gúniúu tsigijñaʼ náa inún eʼwíinʼ diosesma̱ngaa nusmbati̱gu̱u̱n náa inuu dí ikhiin má niniwíi›.
17 Mú ikháán ndayóoʼ matani rataminaʼ dí matani̱,*mbaʼyóoʼ matujxa̱a̱ʼ ga̱jma̱a̱ marathu̱u̱n xúgíʼ rí ikhúún gátháanʼ.
Xámíñáaʼ xtañún,mu ikhúún xáni̱ dí mamiñáanʼ náa inún.
18 Numuu rí ikhúún ni̱ni̱ dí ma̱nindxa̱a̱ʼ mbá xuajin dí kúgumaʼá,mbá columna dí hierro, xtájtsí dí cobre náa xúgíʼ xuajin,ma̱ngaa náa inún reyes ndrígóo Judá ga̱jma̱a̱ náa príncipe bi̱ kúwá ikhí,náa inún ndxajkun ga̱jma̱a̱ náa inún xa̱bu̱ bi̱ kúwá náa ku̱ba̱ʼ.
19 Tsiaki̱i̱ má muxmijná ga̱jma̱á nindxa̱a̱ʼmú xáʼngu̱u̱n,numuu rí ‹ikhúún xtáá ga̱jma̱á nindxa̱a̱ʼ mu ma̱ni̱ kríñáaʼ, eʼthí Jeobá›”.
Mbaʼa nota
^ Mbáa nandoo gáʼthúu̱n ‹Jeobá nakujxi̱i̱›.
^ Náa ajngáa hebreo naʼthí, “nákhá xóó tségajnaaʼ náa awúun rudáaʼ”.
^ O “niʼgíinʼ wájííʼ”.
^ O “gaʼyee, bi̱ naʼthí dí marigá”.
^ Náa ajngáa hebreo naʼthí, “mbáa bi̱ ndajui̱i̱”.
^ O “daan dí ma̱ja̱nʼ rawuunʼ”.
^ Náa ajngáa hebreo naʼthí, “nuxpiña̱a̱ʼ”.
^ O “trono ndrígóo”.
^ Náa ajngáa hebreo naʼthí, “matru̱ʼwa̱a̱ smídáaʼ”.
