Jeremías 13:1-27
13 Rígi̱ rí Jeobá niʼthúnʼ: “Ayuʼ gáratsi̱ mbá cinturón dí ki̱ʼni̱ ga̱jma̱a̱ lino ga̱jma̱a̱ atruʼwáá náa smídaaʼ, mú xátaxuʼmááʼ náa iyaʼ”.
2 Xó má niʼthúnʼ Jeobá, ni̱tsi̱ cinturón ga̱jma̱a̱ niro̱ʼo̱o̱ náa smídúʼ.
3 Nigruígú ajngóo Jeobá dí maʼni a̱jma̱ nuthu. Niʼthúnʼ:
4 “Ayá cinturón rí niratsi̱ dí kaxtoʼóo smídaaʼ, ayuʼ náa mañu Éufrates ga̱jma̱a̱ atarkaʼwu náa mbá iñúuʼ itsí”.
5 Ikha jngóo ni̱jkhá ga̱jma̱a̱ nirkaʼwu náa mijngii mañu Éufrates, xó má Jeobá niʼtáñajunʼ ma̱ni̱.
6 Mba̱yu̱u̱ʼ mbiʼi nda̱wa̱á, Jeobá niʼthúnʼ: “Atujxa̱a̱ʼ, ayuʼ náa mañu Éufrates gátaʼyáaʼ cinturón dí nikuʼmáán matarkaʼwu ikhí”.
7 Ikha jngóo ni̱jkhá náa mañu Éufrates, niríya̱ʼ cinturón náa nirkaʼwu. Ikhú ndi̱yo̱o̱ rí cinturón niʼga, nánguá péñu.
8 Ikhú nigruígú ajngóo Jeobá. Niʼthúnʼ:
9 “Rígi̱ rí naʼthí Jeobá: ‹Xígi̱ kayuuʼ gáni̱ gámbáa rí naʼnimbamínáʼ Judá ga̱jma̱a̱ dí naʼnimbamínáʼ wéñuuʼ Jerusalén.
10 Xa̱bu̱ ra̱míjíinʼ bugi̱, nini̱ gaʼduunʼ munimbu̱u̱n ajngóʼ, nini̱ gújkhúʼ a̱jkiu̱ún ga̱jma̱a̱ nuni̱ xó má nandún ikhiin ga̱jma̱a̱ nagún kidxúúnʼ eʼwíinʼ dioses, nuni̱ ñajúúnʼ ga̱jma̱a̱ nusmbati̱gu̱u̱n náa inún ikhiin, maguáʼníí xó má cinturón rígi̱, rí nánguá péñu›.
11 ‹Xó má mbá cinturón rí kaxtoʼóo náa smídúu mbáa xa̱biya̱, xúʼko̱ ikhúún ni̱ni̱ dí xúgíinʼ bi̱ kúwá náa goʼwóo Israel ga̱jma̱a̱ xúgíinʼ bi̱ kúwá náa goʼwóo Judá murajtumijná jxa̱ʼ náa ikhúún, eʼthí Jeobá, mu maguánú mani̱ndxu̱ún xuajñunʼ, mbá dí mayéʼga mbiʼyuʼ, mbá dí magruigú gamajkhu ga̱jma̱a̱ mbá rí mani̱ndxu̱u̱ mitsaanʼ.* Mú ikhiin túnimbu̱u̱n›.
12 Ma̱ngaa mbaʼyóoʼ marathu̱u̱n ajngáa rígi̱: ‹Rigi̱ rí naʼthí Jeobá, Dios ndrígóo Israel: “Xúgíʼ rayaʼ mba̱ʼu̱ najnííʼ vino”›. Ikhiin muthaanʼ: ‹Ndu̱ya̱a̱xu má dí xúgíʼ rayaʼ mba̱ʼu̱ najnííʼ vino›.
13 Ikhú ikháán marathu̱u̱n: ‹Rígi̱ rí naʼthí Jeobá: “Maxnu̱u̱n muwa̱a̱n vino xúgíinʼ xa̱bu̱ bi̱ kúwá náa xuajin rígi̱ asndu majngi̱i̱n, xúʼko̱ má reyes bi̱ tri̱gi̱i̱n náa xíliu̱u̱* David, ndxajkun, profetas,* xúgíinʼ xa̱bu̱ bi̱ kúwá náa Jerusalén.
14 Marujtsi̱miin náa inún a̱ngiu̱ún, xó má xabuanii gajmiún e̱jñu̱ún, eʼthí Jeobá. Xágawúnʼ, ni má xágáwíinʼ a̱jkiu̱nʼ, ni má xáni̱ mba̱a̱ a̱jkiu̱nʼ, nimbá xárikoʼ ma̱ni̱ gámbíin”›.
15 Gudxawíín ga̱jma̱a̱ guʼgíʼ edxa̱la.
Xúni̱ mbaʼumíjna̱, numuu dí Jeobá niʼthí má.
16 Gu̱xna̱a̱ gamajkhu Jeobá Dios ndrígalanákha xóo tséʼkha̱ kayóo rí mikínaga̱jma̱a̱ nákha ikháanʼ xóo tséjngrádáanʼ náa kúbá rí wakíʼ.
Ikháanʼla muguaʼthi̱i̱n aguʼ,mú ikhaa ma̱ʼkha̱ kayóo dí mikína,maʼni rí aguʼ magutajxi̱i̱ dí mikína mbiʼ.
17 Á mu ikháanʼ nuni̱ gaʼduunʼ mudxawíín,ngu̱ʼwa̱ gámbi̱ya̱ʼ ga̱jma̱a̱ numuu rí nuni̱ mbaʼumíjna̱.
Mambi̱ya̱ʼ wéñuuʼ, dí asndu majnííʼ iyooʼ iduʼ,numuu rí ni̱jkha̱ kiʼdiin mugiu̱u̱ Jeobá.
18 Arathán rey ga̱jma̱a̱ rúdúu̱: ‹Gutrigáanʼla náa itháán mijmbaaʼ,numuu dí corona ndrígala rí mitsaanʼ magajtaa náa edxa̱la›.
19 Kúgoo xuajin dí rígá náa sur ga̱jma̱a̱ nimbáa ndáwa̱a̱ mu marmbáʼta̱a̱.
Nigún kudiin xúgíinʼ bi̱ kúwá náa Judá ga̱jma̱a̱ ni̱jkha̱ kiʼda xúgíʼ dí rígá ikhí.
20 Ataxújxi̱ edxa̱a̱ʼ ga̱jma̱a̱ atañún bi̱ naguwáʼ náa norte.
Náá nigún mugu̱ bi̱ nikániáaʼ bi̱ mitsiʼñíin rá.
21 Dí gárata índo̱ gúni̱ ngínáánbi̱ nambájxa̱a̱ʼ májánʼ gajmiáanʼ asndu nákha ginii rá.
Lá xáʼkha̱ mbá ga̱ʼkhu̱ náa inaaʼ xó má ga̱ʼkhu̱ rí nagiʼdoo mbáa a̱ʼgu̱ bi̱ naʼnii ada̱ ráʼ.
22 Índo̱ gáratha̱a̱n a̱jkia̱a̱nʼ ‹Náá numuu rí nigíʼnuu xúgíʼ rígi̱ rá.›
Atayáá gajkhun dí ga̱jma̱a̱ numuu rí nikiéʼkháanʼ niri̱ya̱ʼ jnáwáanʼga̱jma̱a̱ nini̱ ngínáa níxtuun rajkuáaʼ.
23 Lá ma̱ndoo mbáa cusita* mariʼkhu̱u̱ xtóo ráʼ. O lá ma̱ndoo indiiʼ mixtíi* mariʼkhu̱u̱ mixtiúu rá.
Á mu ma̱ndoo, ikháanʼla majmáanʼla mu̱ni̱ rí májánʼ,ikháanʼla bi̱ kijmaratháanʼ mu̱ni̱ dí ra̱májánʼ.
24 Ikha jngóo maxidíráʼáanʼ xóo náska rí na̱jkha̱ kayóo giñánʼ náa ku̱ba̱ʼ mijxooʼ.*
25 Rígi̱ nindxu̱u̱ rí kaʼyaaʼ, dí nigiéwan rí makhánáaʼ, eʼthí Jeobá,numuu rí nimbumaaʼ xtayoʼ ga̱jma̱a̱ naku̱ma̱ʼ xtayáá nduwaʼ.
26 Ikha jngóo makujxí jnáwáanʼ náa inaaʼga̱jma̱a̱ mbuyáá ma̱jti̱ʼ ndrígáaʼ,
27 rí nataxudaminaʼ aʼkhá gajmiáanʼ eʼwíinʼ ga̱jma̱a̱ rí natatsaʼwá rí nandaaʼ mataba̱a̱ʼ gajmiáanʼ eʼwíinʼtsaga nindxu̱u̱ rí natagujuamínáʼ.
Náa bíjní náa xánándi̱yo̱o̱ xúgíʼ rí xkawiʼ tani̱.
¡Gináálá ikháán Jerusalén!
Asndu nguáná gátatsiʼñááʼ ranindxa̱a̱ʼ mitsagáán rá.”
Mbaʼa nota
^ O “nagui̱i̱”.
^ O “trono ndrígóo”.
^ O “gaʼyee, bi̱ nuthi dí marigá”.
^ O “etíope”.
^ O “leopardo”.
^ O “desierto”.
