Jeremías 16:1-21
16 Mbu̱júu̱ nigruígú ajngóo Jeobá, niʼthúnʼ:
2 “Xátatsi’gúnʼ ni má xáraʼdiin e̱ji̱n náa ku̱ba̱ʼ rígi̱.
3 Numuu dí rígi̱ nindxu̱u̱ rí naʼthí Jeobá ga̱jma̱a̱ numún jiámá ma̱ngaa wa̱ʼxa̱ʼ* bi̱ magumiin gi̱i̱, xúʼko̱ má ga̱jma̱a̱ numún ru̱du̱ún ma̱ngaa anu̱ún:
4 ‹Makañún ga̱jma̱a̱ nandii mbiiʼ, mú nimbáa xáxtáa ngíná ga̱jma̱a̱ numún ikhiin ni má xájui̱ʼdi̱ín, maguánú mani̱ndxu̱ún xóo yuska náa ku̱ba̱ʼ. Makhañún ga̱jma̱a̱ espada ma̱ngaa ga̱jma̱a̱ ewiʼ, xuñúnʼ mu̱phu̱ xujkhú xnaʼ bi̱ jngruigu̱u̱n mekhuíí ga̱jma̱a̱ xujkhú bi̱ kúwá náa tsu̱du̱u̱ ku̱ba̱ʼ›.
5 Rígi̱ dí naʼthí Jeobá:
‹Xáta̱ʼa̱a̱ʼ nimbá guʼwá náa kúwá ngíná numuu rí nikháñuu mbáa,ni má xídxúʼ ikhí gátambiya̱ʼ ga̱jma̱a̱ marata̱ dí nagáwíinʼ a̱jkia̱a̱nʼ›.
‹Numuu dí niríyaʼ káʼyuuʼ dí tsímáá xuajin rígi̱, eʼthí Jeobá,xúʼko̱ má ngajua rí tsétumuu* ga̱jma̱a̱ rí nagáwíinʼ a̱jkiu̱nʼ ka̱ñu̱u̱n.
6 Xó má bi̱ guanii ga̱jma̱a̱ bi̱ majkhiinʼ makhañún náa ku̱ba̱ʼ rígi̱.
Nimbáa xájui̱ʼdi̱i̱,nimbáa xáxtáa ngíná ga̱jma̱a̱ numúnga̱jma̱a̱ nimbáa xárujtuminaʼ ni má xáʼda̱ edxu̱u̱ ga̱jma̱a̱ numún.*
7 Nimbáa xáxnún ganitsu bi̱ kúwá ngínámu maʼni̱i̱ a̱jkiu̱ún ga̱jma̱a̱ numuu dí nikháñún a̱ngiu̱ún,ni má xúxnún copa náa ga̱jnu̱ʼ vino rí maʼni̱i̱ ga̱jma̱a̱ a̱jkiu̱únmu muwa̱a̱n numuu rí nini mbáti̱ga̱a̱ anu̱ún o ru̱du̱ún.*
8 Ni má xáta̱ʼa̱a̱ʼ náa mbá guʼwá dí rígá ndxa̱a̱mu maraʼwún matatsiʼtsu ga̱jma̱a̱ migi̱i̱n gajmiáanʼ xa̱bu̱›.
9 Rígi̱ nindxu̱u̱ dí naʼthí Jeobá bi̱ naʼtáñajúúnʼ ángeles, Dios ndrígóo Israel: ‹Ma̱ni̱ rí náa ku̱ba̱ʼ rígi̱, mbiʼi má rí kuwáanʼla ikháanʼ ga̱jma̱a̱ ikháanʼ mbu̱ya̱la, ni xáwáán itháan aʼwá gagi, ni má aʼwóo bi̱ nanigúnʼ ni má aʼwóo bi̱ nanújúnʼ›.
10 Índo̱ gárathu̱u̱n xa̱bu̱ xuajin xúgíʼ ajngáa rígi̱, ikhiin murajxa̱a̱ʼ: ‹Náá numuu niʼthí Jeobá rí makuʼma ga̱ʼkhu̱ mba̱a̱ rígi̱ rá. Ndiéjunʼ nikiéʼkúxu̱ ga̱jma̱a̱ xú kaʼnii aʼkhá nixuʼdámíjnáxu̱ náa inuu Jeobá Dios ndrígulú rá.›
11 Ikháán gíʼmaa matriʼñún: ‹“Numuu rí ana̱la niniñu̱nʼ, eʼthí Jeobá, ga̱jma̱a̱ túniña̱a̱ʼ ragún kidxu̱únʼ eʼwíinʼ dioses ni má túniña̱a̱ʼ runi̱ ñajúúnʼ ni má túniña̱a̱ʼ rusmbati̱gu̱u̱n inún. Mú ikhúún nini̱ñu̱nʼ ga̱jma̱a̱ niniña̱a̱nʼ runi̱ mbáníí xtángoo ndrígóʼ.
12 Ikháanʼla kuwáanʼ ru̱ni̱ itháan dí xkawiʼ ki xóo wajin xiʼñála, mámbáa dí ikháanʼ naʼni xó má nandoo a̱jkia̱la dí xkawiʼ ga̱jma̱a̱ tsénimbala kuyo̱ʼ.
13 Ikha jngóo madajuáanʼla náa ku̱ba̱ʼ rígi̱ mu muʼgua náa mbá ku̱ba̱ʼ dí ikháanʼ túniʼnuuʼ ni má wajin xiʼñála, ikhí mbiʼíí mbruʼun mbaʼyóoʼ mbuyamajkún eʼwíinʼ dioses, numuu rí ikhúún ni xágáwíinʼ a̱jkiu̱nʼ gúnila”›.
14 ‹Mú, na̱ʼkha̱ mbiʼi, eʼthí Jeobá, rí ni xájuiʼthá: “¡Na̱xna̱ ajngóʼ ga̱jma̱a̱ numuu mbiʼyuu Jeobá, bi̱ niríyaaʼ xuajin Israel náa ku̱ba̱ʼ ndrígóo Egipto!”.
15 Rí majuiʼthá mani̱ndxu̱u̱: “¡Na̱xna̱ ajngóʼ ga̱jma̱a̱ numuu mbiʼyuu Jeobá, bi̱ ni̱ʼkha̱a̱ kagui̱i̱n xa̱bu̱ xuajin Israel náa ku̱ba̱ʼ dí rígá náa norte ga̱jma̱a̱ náa xúgíʼ ku̱ba̱ʼ dí nixídiriʼiin!”. Maʼkháaʼ kagui̱i̱n náa ku̱bu̱únʼ, náa ku̱ba̱ʼ rí nixnu̱u̱n wajin xiʼñúúnʼ›.
16 ‹Mandxa̱ʼwu̱u̱n mbaʼin bi̱ nurugui̱i̱n e̱gi̱ʼ, eʼthí Jeobá,ikhiin muruguáanʼla.
Nda̱wa̱á mandxa̱ʼwu̱u̱n mbaʼin bi̱ nurugui̱i̱n xujkhúʼ,ikhiin mbuñáanʼla náa xúgíʼ kúbá ga̱jma̱a̱ náa bíjníma̱ngaa náa iñúuʼ xpátsí.
17 Numuu rí ikhúún nda̱yo̱o̱ xúgíʼ dí nuni̱.*
Xáʼngu̱u̱n gúrkaʼwu máʼáán náa ikhúún,ni má xándoo gúrkaʼwu dí nakiéʼkúún náa iduʼ.
18 Ginii maxnu̱u̱ kájxi̱ rí kaʼñún ga̱jma̱a̱ numuu dí nikiéʼkhúún ma̱ngaa numuu aʼkhúún,numuu rí ikhiin nini̱ tsagáá ku̱bo̱ʼ ga̱jma̱a̱ xtiʼkhuu* xándiu̱ún bi̱ xkawi̱i̱nʼnini̱ majthíí ga̱jma̱a̱ xúgíʼ rí mixkawiʼ náa rí kaʼyoʼ›”.
19 Tátá Jeobá, ikháán nindxa̱a̱ʼ tsiaki̱i̱ ndrígóʼ ga̱jma̱a̱ náa mambáyuminaʼ,náa magayútoʼoʼ mbiʼi rí gáʼkha̱ gamiéjunʼ,náa ikháán maguwáʼ xa̱bu̱ xuajin bi̱ kúwá náa naguámbári̱go̱o̱ ku̱ba̱ʼga̱jma̱a̱ muthi: “I̱ndó minduwaʼ nindrigúu wajin xiʼñúxu,na̱nguá gíʼdoo numuu ga̱jma̱a̱ nda̱a̱ rí ejmaa mbá kayuuʼ”.
20 Lá ma̱ndoo mbáa xa̱bu̱ numbaaʼ maʼnii mbáa dios ráʼ.
Bi̱ maʼnii xánindxu̱u̱ mbáa dios.
21 “Ikha jngóo ma̱ni̱ mbuyáá,xúgi̱ ma̱ni̱ mbuyáá tsiaki̱i̱ dí gíʼdoo ñawúnʼ ga̱jma̱a̱ tsiaki̱i̱ ndrígóʼ,ma̱ngaa mbaʼyóoʼ mbuyáá rí mbiʼyuʼ nindxu̱u̱ Jeobá”.
Mbaʼa nota
^ O “i̱jín go̱ʼo̱”.
^ Rígi̱ nindxu̱u̱ dí naguʼwúún nuni̱ xa̱bu̱ bi̱ kúwá náa iʼwáʼ xuajin bi̱ tséni ñajuunʼ Dios, mú nakujmaa dí rígi̱ ma̱ngaa nini̱ xa̱bu̱ Israel bi̱ tunimbu̱ún kuyáá Dios.
^ O “tátée, o nánée”.
^ Náa ajngáa hebreo naʼthí, “xúgíʼ kambu̱ún”.
^ Náa ajngáa hebreo naʼthí, “wajinʼ”.
