Jeremías 22:1-30
22 Rígi̱ rí naʼthí Jeobá: “Arajtaa náa goʼwóo rey ndrígóo Judá ga̱jma̱a̱ ayuʼ jcháaʼ ajngáa rígi̱.
2 Gíʼmaa maratha̱a̱n: ‹Atadxawíín ajngóo Jeobá, rey ndrígóo Judá bi̱ nagi̱ʼi̱ náa xíliu̱u̱* David, ikháán gajmiáanʼ xa̱bia̱a̱ʼ ga̱jma̱a̱ xa̱bu̱ xuajñaanʼ, bi̱ natu̱ʼu̱u̱n náa xkrugua rígi̱.
3 Rígi̱ rí naʼthí Jeobá: “Gu̱ni̱ xó má kaʼyoo ga̱jma̱a̱ rí jmbu. Gu̱ni̱ káwíin bi̱ nigu̱ma̱ kuʼwúún náa ñawúúnʼ bi̱ nuni̱ nduwaʼ. Xúni̱ ngínáa nimbáa xa̱bu̱ bi̱ na̱ʼkha̱á ni má xúni̱ gawíínʼ nimbáa a̱ʼdá wáʼa ni má nimbáa a̱ʼgú xuáʼa. Ga̱jma̱a̱ xúradíinla xa̱bu̱ bi̱ nda̱a̱ aʼkhúún náa mbaaʼ rígi̱.
4 Á mu nuʼgímíjná munimbáníí ajngáa rígi̱, reyes bi̱ gátrigi̱i̱n náa xíliu̱u̱ David matu̱ʼu̱u̱n náa xkrugoo guʼwá rígi̱, kudruwíin wáñu̱ún ga̱jma̱a̱ cárriu̱ún ikhiin gajmiún xa̱biu̱ún ga̱jma̱a̱ xa̱bu̱ xuajñún”›.
5 ‹Á mu ikháanʼ tsénimbala ajngáa rígi̱, majmuʼ mbiʼyuʼ mu ma̱xna̱ ajngóʼ, eʼthí Jeobá, rí guʼwá rígi̱ mani̱ndxu̱u̱ mbá rí maguma gámbáa›.
6 Rígi̱ dí naʼthí Jeobá ga̱jma̱a̱ numuu goʼwóo rey ndrígóo Judá:
‹Nda̱yo̱o̱ rí ikháán nindxa̱a̱ʼ xóo Galaadxóo inuu kúbá dí rígá náa Líbano.
Mú ma̱ni̱ rí ma̱nindxa̱a̱ʼ xóo ku̱ba̱ʼ mijxooʼ*náa xúgíʼ xuajñanʼ nimbáa xa̱bu̱ xáxtáa.
7 Makuʼmíin* bi̱ muni̱ gámbáanʼ,mámbáa ga̱jma̱a̱ aju̱u̱nʼ.
Ikhiin murujtu ixi̱ cedros ndrígáaʼ rí itháán májánʼga̱jma̱a̱ mundri̱ya̱ʼ náa aguʼ mi̱kha.
8 Mbaʼin xa̱bu̱ manújngún náa xuajin rígi̱ ga̱jma̱a̱ mutamijná: “Náá numuu dí Jeobá niʼni gámbáa xuajin mba̱a̱ rígi̱ rá.”
9 Ga̱jma̱a̱ muriʼña: “Numuu dí niniña̱a̱nʼ rí nimbánúún gajmiún Jeobá Dios ndrígu̱ún ga̱jma̱a̱ nismbati̱gu̱u̱n náa inún eʼwíinʼ dioses ga̱jma̱a̱ nini̱ ñajúúnʼ”›.
10 Xúmbiya̱ʼ ga̱jma̱a̱ numuu bi̱ nikháñúuni má xágáwíinʼ a̱jkia̱la ga̱jma̱a̱ numuu ikhaa.
Rí gíʼmaa mu̱ni̱, gumbi̱ya̱ʼ ga̱jma̱a̱ numuu bi̱ na̱jkha̱,numuu rí xátanga̱a̱ mbaʼyoo ku̱ba̱ʼ náa nigumaa.
11 Rígi̱ nindxu̱u̱ dí naʼthí Jeobá ga̱jma̱a̱ numuu Salum* a̱ʼdióo Josías, rey ndrígóo Judá bi̱ xtáa raʼtáñajunʼ xtiʼkhuu Josías bi̱ nindxu̱u̱ anu̱u̱* bi̱ nigájnuu má náa mbaaʼ rígi̱: ‹Ikhaa nditháan xátanga̱a̱.
12 Numuu rí náa mbaaʼ rí maʼga kiʼyáa ikhí má gákáñúu, nditháan ni xátanga̱a̱ mbaʼyoo ku̱ba̱ʼ rígi̱›.
13 Ngínáa lá xa̱bu̱ bi̱ naʼni dí raʼkhí mu maʼni guʼwóonaʼni rí tséjmaa mu maʼni cuartiu̱u̱ rí trámáʼ rijma̱a̱,naʼni rí xa̱bu̱ numbaaʼ ga̱jma̱a̱ mañajunʼ xúʼkhíinga̱jma̱a̱ tsíyoo gáʼni̱ numa̱a̱,
14 bi̱ naʼthí: ‹Ma̱ni̱ mbá guʼwá mba̱a̱ga̱jma̱a̱ cuarto rí trámáʼ rijma̱a̱ rí ma̱ja̱nʼ.
Ma̱ni̱ ventanúu,ga̱jma̱a̱ ixi̱ cedro ma̱ngaa maʼnííʼ maña̱ʼ›.
15 Lá maratañájunʼ má xúʼko̱ i̱ndó numuu rí najmaaʼ ixi̱ cedro ki xóo eʼwíinʼ ráʼ.
Ana̱a̱ʼ* ma̱ngaa nikuiʼtsu ga̱jma̱a̱ niʼga̱a̱n,mú ikhaa niʼni xóo má kaʼyoo ga̱jma̱a̱ niʼni rí jmbu,ikha jngóo nigájnuu májánʼ xúgíʼ rí niʼni.
16 Ikhaa nimbáñún xa̱bu̱ ngíníi ga̱jma̱a̱ bi̱ numíníiʼ índo̱ nuxrui̱gi̱i̱n,ga̱jma̱a̱ xúgíʼ nigájnuu májánʼ rí niʼni.
‹Lá raʼkháa rúʼko̱ eyoo gáʼthúu̱n rí muniʼniúnʼ ráʼ.› Eʼthí Jeobá.
17 ‹Mú ikháán i̱ndó natayáá xóo gátani̱ ga̱jma̱a̱ natatsaʼwáminaʼ xú káʼnii gákánáaʼ maraʼdáá dí rakáʼyaaʼ,dí maradíin xa̱bu̱ bi̱ nda̱a̱ aʼkhúúnga̱jma̱a̱ dí matani̱ nduwaʼ ma̱ngaa rí matani̱ kuʼwáʼ›.
18 Ikha jngóo, rígi̱ dí naʼthí Jeobá ga̱jma̱a̱ numuu Jehoiaquim a̱ʼdióo Josías, rey ndrígóo Judá:
‹Xágáwíinʼ a̱jkiu̱ún kuyáá ni má xúthi:
“¡Gínánlá ikháán ndxájuʼ! ¡Gínánlá ikháán ndxájuʼ!”.
Xágáwíinʼ a̱jkiu̱ún kuyáá ni má xúthi:
“¡Gínánlá ikháán rey nigajta káyáaʼ gamajkhu dí xtaʼdáá!”
19 Mudi̱i̱ xóo mbáa búrru,mujxmajtaa ga̱jma̱a̱ mudati̱ya̱a̱ʼ rexa̱a̱,náa rexo̱o̱ xkrugoo Jerusalén›.
20 Atatsimaaʼ náa Líbano ga̱jma̱a̱ atatsaʼwá,ataxújxi̱ aʼwáaʼ náa Basánga̱jma̱a̱ atatsaʼwá asndu náa Abarim,numuu dí xúgíinʼ ñawaanʼ niguma gámbíin.
21 Ikhúún nitamíjná ga̱jma̱á nindxa̱a̱ʼ nákhá nikuma̱a̱ʼ rí xtaa májánʼ.
Mú niratá: ‹Xánimboʼ›.
Xúʼko̱ má nitani̱ asndu nákhá ndxáʼgú nindxa̱a̱ʼ,nditháan tánimbaaʼ aʼwóʼ.
22 Mbá giñánʼ maʼga kagui̱i̱n baxtúu ndrígáaʼ,ga̱jma̱a̱ ñawaanʼ maʼga kiʼdiin.
Ikhú matiya̱a̱ʼ ga̱jma̱a̱ maguma májti̱i̱nʼ ga̱jma̱a̱ numuu xúgíʼ gamiéjunʼ rí ma̱ʼkha̱nú inaaʼ.
23 Ikháán bi̱ xtaa náa Líbano,bi̱ gíʼdoo xújúunʼ náa majñu̱u̱ʼ cedro,¡Ra̱ʼkhá tháán gátaguwanʼ índo̱ gáʼkha̱ ga̱ʼkhu̱ inaaʼ,xóo ga̱ʼkhu̱u̱ mbáa a̱ʼgu̱ bi̱ naʼnii ada̱!”.
24 “‹¡Xó má ikhúún gajkhun xtáá, eʼthí Jeobá, maski ajndu ikháán Conías* a̱ʼdióo Jehoiaquim, rey ndrígóo Judá, ma̱nindxa̱a̱ʼ xó mbá anillo rí na̱xnu̱u̱ ga̱jma̱a̱ sello dí gídáʼ náa a̱ʼdióo ñawún mújúnʼ, maríña̱a̱ ikhí!
25 Maniʼñáánʼ náa ñawúúnʼ bi̱ nandún muxiñáan, náa ñawúúnʼ bi̱ namíñáaʼ xtañún, náa ñawúunʼ rey Nabucodonosor* bi̱ xtáa náa Babilonia ga̱jma̱a̱ náa ñawúúnʼ xa̱bu̱ caldeos.
26 Ikháán ga̱jma̱a̱ʼ ru̱dáaʼ* bi̱ niʼníí, maxkawáanʼla muʼgua náa i̱mba̱ ku̱ba̱ʼ náa ku̱ba̱ʼ rí tágumáanʼla, ikhí makhañála.
27 Ikhiin nditháan xátangi̱ín náa ku̱ba̱ʼ rí nandún wéñuuʼ matangi̱ín.
28 Lá Conías nindxu̱u̱ xó mbá daan dí niwiʼtá ga̱jma̱a̱ rí tséjmaa,mbá daan ku̱ba̱ʼ rí tsíñún gúyáá xáʼ.
Náá numuu rí nudatiga̱a̱ mbayííʼ gajmíi̱n e̱ji̱i̱nga̱jma̱a̱ nuxkáá maʼga náa mbá ku̱ba̱ʼ rí tséʼninuuʼ xá.›
29 Ikháán ku̱ba̱ʼ, ku̱ba̱ʼ, ku̱ba̱ʼ, atadxawíín ajngóo Jeobá.
30 Rígi̱ dí naʼthí Jeobá:
‹Guniraʼmáʼ mbiʼyuu xa̱bu̱ bugi̱ xó mbáa bi̱ tágiʼdiin e̱ji̱i̱n,xóo mbáa bi̱ nimbá xáʼngo̱o̱ gáʼni náa xúgíʼ mbiʼi rí gáxtáa,numuu rí nimbáa a̱ʼdióo xáʼngo̱o̱magi̱ʼi̱ náa xíliu̱u̱ David maʼtáñajunʼ mbu̱júu̱ náa Judá›”.
Mbaʼa nota
^ O “trono ndrígóo”.
^ O “desierto”.
^ Náa ajngáa hebreo naʼthí, “ma̱ni̱ kaʼwi̱ín”.
^ Ma̱ngaa mbiʼyuu Jehoacaz.
^ O “tátée”
^ O “tátiáaʼ”.
^ Ma̱ngaa mbiʼyuu Joaquín ga̱jma̱a̱ Jeconías.
^ Náa ajngáa hebreo naʼthí, “Nabucodorosor”. Rígi̱ nindxu̱u̱ i̱mba̱ xóo nuniraʼmáʼ.
^ O “nániáaʼ”.
