Jeremías 4:1-31
4 “Israel, á mu natanga̱án eʼthí Jeobá,á mu natanga̱án náa inu’ ikhúúnga̱jma̱a̱ á mu natani̱ gámbíin xándú bi̱ xkawi̱i̱nʼ náa inuʼ,ikhú ni xánindxa̱a̱ʼ mbáa xa̱bu̱ bi̱ na̱jkha̱ rajnguʼwúún.
2 Á mu naratá rí gajkhun, natani̱ xó má gíʼmaa ga̱jma̱a̱ natani̱ rí jmbu naraxná ajngáaʼ índo̱ naratá:
‹¡Na̱xna̱ ajngóʼ ga̱jma̱a̱ numuu mbiʼyuu Jeobá!›,ikhú xúgíʼ xuajin maguma tsajkurámáanʼ ga̱jma̱a̱ numuu ikhaa,ga̱jma̱a̱ numuu ikhaa, ikhiin muthún eʼwíinʼ ga̱jma̱a̱ xúgíʼ a̱jkiu̱ún”.
3 Numuu dí rígi̱ rí Jeobá naʼthúún xa̱bu̱ Judá ga̱jma̱a̱ Jerusalén:
“Guxna̱a̱ xku̱bi̱ náa ku̱ba̱ʼ rí ma̱ndoo ma̱jma̱a̱ májánʼguniʼñááʼ ru̱du náa majñu̱u̱ʼ tsuwanʼ.
4 Xa̱bu̱ Judá ga̱jma̱a̱ xa̱bu̱ Jerusalén,gurujtu xtóo xuyuuʼ tsáʼkhánla náa iduu Jeobáguríya̱a̱ʼ dí tsaga rí gíwánʼ náa awúu̱n a̱jkia̱la*mu xúʼko̱ rí nakásngañu̱ʼ xákamuu xó mbá aguʼga̱jma̱a̱ xíkha rí nimbáa xáʼngo̱o̱ gátsijuíiʼga̱jma̱a̱ numuu dí raʼkhí rí nuni̱la”.
5 Guta̱la náa Judá ga̱jma̱a̱ guta̱la náa xuajin Jerusalén.
Gundxaʼwa̱ ga̱jma̱a̱ gúndiyíí chi̱ji̱ʼ náa xúgíʼ xuajin.
Gundxaʼwala ga̱jma̱a̱ xúgíʼ tsiaki̱i̱ ndrígala, gu̱tha̱: “Gagimbáanʼla,guʼgua̱ ragaʼyúlú náa xuajin rí kúgumaʼá ga̱jma̱a̱ xtájtsí.
6 Guxujxí mbá tsinaʼ xígií náa Sion.
Xúndrigáanʼla, guʼyáʼ náa mu̱ni̱ káwumijnála”,numuu rí ma̱ʼkhá ka̱yo̱ʼ mbá gamiéjunʼ xígi̱ náa norte, mbá rí maʼni gámbóo.
7 Ikhaa nikujmaa xóo mbáa león bi̱ nagájnuu náa xaxi̱,bi̱ naʼni gámbóo xuajin nigájnuu.
Ni̱ʼkha̱ náa xtáa mu maʼni rí ku̱ba̱ʼ mani̱ndxu̱u̱ gamíi.
Xuajñanʼ maguma gámbáa, nimbáa xa̱bu̱ xáguanúu ikhí.
8 Ikha jngóo gaguʼwánla xtíin mi̱du̱*gakuwáanʼla ngíná ga̱jma̱a̱ gundxaʼwa̱ ga̱jma̱a̱ numuu gaʼkhunumuu rí kaʼníí nakásngañu̱u̱ʼ Jeobá kaʼyulú.
9 “Mbiʼi rúʼko̱ eʼthí Jeobá, a̱jkiu̱u̱n rey makáguabaaʼ,xúʼko̱ má a̱jkiu̱ún príncipes,ndxajkun mamiñún wéñuuʼ ga̱jma̱a̱ profeta asndu tsiánguá gáʼniún”.
10 Ikhú nitha̱: “¡Tátá Jeobá bi̱ itháán mba̱a̱! Gajkhun rí nitani̱ nduwaaʼ xuajin rígi̱ ga̱jma̱a̱ Jerusalén índo̱ niratá ‹Makuwáanʼla tsímáá›, índo̱ espada kraʼa má náa aphu̱xu̱”.
11 Mbiʼi rúʼko̱ majuiʼtáán xuajin rígi̱ ga̱jma̱a̱ Jerusalén:
“Mbá giñánxooʼ rí na̱ʼkha̱ xígií náa bíjní tsaʼtsaʼ ndrígóo ku̱ba̱ʼ mijxooʼ*maxnúu náa inuu wáxióo* xuajñunʼ,tséʼkha̱ mu matándijtíí ní má matani̱ kaʼwi̱i̱ ga̱jma̱a̱.
12 Giñánʼ rí na̱ʼkha̱ náa mbaaʼ rúʼko̱ naxnúu ga̱jma̱a̱ tsiaki̱i̱ numuu rí xúʼko̱ nitañájunʼ ikhúún.
Rí xúgi̱ ma̱ta̱ rí maguáʼníí ikhiin.
13 ¡Gu̱ya̱la! Ikhaa ma̱ʼkha̱ xóo duun skuniʼ rí na̱ʼkha̱ kayóo ruʼwa,cárriu̱u̱ nindxu̱u̱ xóo giñúunʼ ruʼwambiʼWáyúu̱ nagáñún itháan nacha̱ ki xóo bi̱yú.
¡Ngínáʼlú ikháánʼ, xúgi̱ rí nigajta kaʼyulú xúgíʼ rá!
14 Jerusalén atani̱ kaʼwi̱i̱ a̱jkia̱a̱nʼ mu ma̱ndoo makríña̱a̱nʼ.
Asndu nguáthá mba̱yu̱u̱ʼ gátiejxí nga̱jua̱a̱ʼ ku̱ma̱ dí ra̱májánʼ rá.
15 Numuu rí mbá aʼwá na̱ʼkha̱ kayóo ajngáa asndu náa Danga̱jma̱a̱ naʼthí gamiéjunʼ rígi̱ asndu náa kúbá ndrígóo Efraín.
16 Guta̱la náa xúgíʼ xuajinguta̱la rí magíʼnuu Jerusalén”.
“Náa mbá xuajin mitsínguánʼ naguwáʼ bi̱ nuyejngoo*ga̱jma̱a̱ mundxa̱ʼwa̱ mu muxnamijná gajmiún xuajin ndrígóo Judá.
17 Náa mbájndi nuruguma̱ʼa̱a̱n xóo eni̱ bi̱ nuñewa̱a̱n mbá mbaaʼ rí paʼtati̱ga̱,numuu rí nixujximíjna̱ náa inuʼ”, eʼthí Jeobá.
18 “Xóo nindxa̱a̱ʼ ga̱jma̱a̱ xóo natani̱ matanga̱a̱ má náa ikháán.
¡Ra̱ʼkhá tháán miʼkhu̱u̱n rí magíʼnaaʼ,numuu rí maʼga̱nú mbájmbu náa a̱jkia̱a̱nʼ!”.
19 ¡Ra̱ʼkhá tháán mínuuʼ!* ¡Ra̱ʼkhá tháán ngíná xtáá!
Na̱ʼkhu̱ wéñuuʼ a̱jkiu̱nʼ.*
A̱jkiu̱nʼ nakijxi̱i̱ wéñuuʼ.
Na̱nguá eʼngo̱ʼ maguanúʼ wíí,numuu rí nidxawuun aʼwóo chi̱ji̱ʼtsinaʼ* rí mugi̱ʼdi̱i̱ muxmijná.
20 Najuiʼthá rí i̱mba̱ má i̱mba̱ gamiéjunʼ erígá,numuu rí xúgíʼ xuajin niguma gámbáa.
Nda̱a̱ tsu̱ma̱ niguma gámbáa guʼwá xtíin ndrígóʼga̱jma̱a̱ mbá nacha̱ niguámbáa xtíñuu goʼwóʼ.
21 Asndu nguáná gániʼñúunʼ ra̱yo̱o̱ tsinaʼ rígi̱ rá.
Asndu nguáná gániʼñúunʼ radxuun aʼwóo chi̱ji̱ʼ rá.
22 “Numuu rí skágui̱i̱nʼ xa̱bu̱ xuajñunʼ,na̱nguá majkhúún e̱ni̱.
Nindxu̱ún e̱jñu̱ún xa̱bu̱ bi̱ tséndxa̱ʼwa̱a̱ edxu̱ún, ni má raguáʼdáá ku̱ma̱.
Ra̱ʼkhá tháán jmañún muni̱ dí ra̱májánʼ,mú asndu tséjmiin gúni̱ dí májánʼ”.
23 Niyejxu̱u̱ ku̱ba̱ʼ, ndi̱yo̱o̱ rí nándáa dí rígá ga̱jma̱a̱ niguanáa.
Niyejxi̱ra̱ʼa̱n mekhuíí, ndi̱yo̱o̱ rí nándáa agiuuʼ.
24 Niyejxu̱u̱ kúbá ga̱jma̱a̱ ndi̱yo̱o̱ rí naʼba̱a̱nga̱jma̱a̱ bíjní naʼbajngaa.
25 Niyejxi̱ ga̱jma̱a̱ ndi̱yo̱o̱ rí ndawa̱a̱ nimbáa,ga̱jma̱a̱ xúgíinʼ xujkhú xnaʼ bi̱ jngruigu̱u̱n mekhuíí nigáñún.
26 Niyejxi̱ ga̱jma̱a̱ ndi̱yo̱o̱ dí huerta niʼni̱i̱ ku̱ba̱ʼ mijxooʼ,ga̱jma̱a̱ xúgíʼ xuajin niguma gámbáa.
Jeobá niʼni rígi̱,índo̱ nikásngañu̱u̱ʼ.
27 Numuu dí rígi̱ rí naʼthí Jeobá: “Xúgíʼ ku̱ba̱ʼ rígi̱ maguanáa,mú xáni̱ gámbóʼ mbá kayuuʼ.
28 Ga̱jma̱a̱ numuu rígi̱ ku̱ba̱ʼ maxtáa ngíná,mekhuíí maʼni kína.
Numuu rí ikhúún nitha̱, niraʼwi̱i̱ rí xúʼko̱ gáʼni,ga̱jma̱a̱ xári̱ʼkhu̱u̱ dí nitha̱* ní má xáni̱ skidimina̱a̱ʼ.
29 Índo̱ niwáán aʼwún bi̱ kudrúwíin wáyú ga̱jma̱a̱ bi̱ kuda xkamídá,xúgíinʼ xa̱bu̱ xuajin nigáñún.
Xa̱bu̱ nirkaʼwumijná náa xaxi̱,nitsimún náa itsí.
Xúgíʼ xuajin niguanáa,nimbáa ndáwa̱a̱ tsáa xtáa ikhí”.
30 Ndiéjunʼ gátani̱ xúgi̱ rí niguma gámbáan rá.
Nákhá ginii natáguwáanʼ xtíin maña̱ʼ xngeʼdi,natani̱ rataminaʼ ga̱jma̱a̱ xábí dí oronatanííʼ skuniʼ idaaʼ mu makujmaa tsiʼñáán.
Mú nda̱a̱ má ndíjkha̱á tani̱ tsiʼyáminaʼ,numuu rí bi̱ ra̱ʼkhá tháán endún kuyaaʼ nánguá eñún kuyaaʼ,rí xúgi̱ nandún muxiñáán.
31 Numuu rí ni̱dxun mbá aʼwá xóo aʼwóo mbáa a̱ʼgu̱ bi̱ naxnúu gaʼkhu,*nindxu̱u̱ mbá gaʼkhu xóo rí naxnúu mbáa a̱ʼgu̱ bi̱ magiʼdaa timbáa a̱ʼdióo,aʼwóo wáxióo Sion bi̱ néʼngo̱o̱ gáyá jxu̱u̱ʼ.
Índo̱ xtáa rakruiyaʼ ñawúunʼ, naʼthí:
“¡Gínúnlá ikhúún! ¡Néʼngo̱ʼ eni̱ bi̱ nduñún muxiñún!”.
Mbaʼa nota
^ Náa ajngáa hebreo naʼthí, “guriʼíí xtóo a̱jkia̱la”.
^ O “desierto”.
^ Ajngáa mitsaanʼ rígi̱ naʼni mbríguii xóo mbáa xa̱bu̱, mbáa nandoo gáʼthúu̱n ga̱jma̱a̱ numuu tsingíná rí magáwíinʼ a̱jkiu̱ún kuyáá.
^ Náa ajngáa hebreo naʼthí, “bi̱ nuyama”, xóo muʼthá, bi̱ nuyamaa xuajin mú mbuyáá náa mbiʼi ma̱ndoo muni̱ gámbáa.
^ Náa ajngáa hebreo naʼthí, “ngínáala chámboʼ”.
^ Náa ajngáa hebreo naʼthí, “náa níjniúu a̱jkiu̱nʼ”.
^ O mbáa “aʼwá rí muxmíjná”.
^ O “xágáwíinʼ a̱jkiu̱nʼ”.
^ O mbáa “a̱ʼgu̱ bi̱ naʼniuu nandii”.
