Jeremías 47:1-7
-
Najuiʼtáriyaʼ dí maguáʼníí filisteos (1-7)
47 Rígi̱ nindxu̱u̱ ajngóo Jeobá dí profeta* Jeremías nigruigú ga̱jma̱a̱ numún filisteos nákha faraón xóó tsegruigú Gaza.
2 Rígi̱ rí naʼthí Jeobá:
“¡Atayáá! Iyaʼ na̱ʼkha̱ asndu náa norte.
Maʼga̱nú mani̱ndxu̱u̱ yambo̱o̱.
Margu̱ʼu̱ xuajin ga̱jma̱a̱ xúgíʼ dí rígá,xó má xuajin ga̱jma̱a̱ xa̱bu̱.
Xa̱bekha mundxa̱ʼwa̱skhá,ga̱jma̱a̱ xúgíinʼ bi̱ kúwá náa xuajin rúʼko̱ mumbi̱ya̱ʼ.
3 Índo̱ gúdxawíín aʼwóo tsújúún wáyú rí naguwáʼ,ga̱jma̱a̱ aʼwóo carro rí nuxmijná ga̱jma̱a̱ma̱ngaa aʼwóo llántóo carro,xabuanii xátangi̱i̱n muyejxi kidííʼ mu mbuñíinʼ e̱jñu̱ún,numuu rí ñawúúnʼ nánguá gíʼdoo tsiaki̱i̱,
4 numuu rí mbiʼi rí ma̱ʼkha̱nú, xúgíinʼ filisteos maguma gámbíin ga̱jma̱a̱ xúgíinʼ xa̱bu̱ bi̱ nambájxu̱u̱n gajmiún bi̱ kúwá náaTiro ga̱jma̱a̱ náa Sidón maguma gámbíin.
Numuu dí Jeobá maʼni gámbíin filisteos,bi̱ xóó naguanún náa isla* ndrígóo Caftor.*
5 Gaza maʼga̱nú maʼga edxu̱u̱ ga̱jma̱a̱ numuu ma̱jti̱ʼ.*
Asquelón maguanúu wíí.
Rí naguanúu xóó náa xkua̱,asndu náá mbiʼi guniʼñááʼ rurujtumijnála rá.
6 ¡Ikháán! ¡Espada ndrígóo Jeobá!
Asndu nguáná gáʼni wíyáa rá.
Gajnguáanʼ náa xtáaʼ.
Ayájxa̱a̱ʼ, wíí gáʼni.
7 Xú káʼnii gáʼni wíyúuá mu Jeobá má niʼtáñajuunʼ xá.
Nikuʼmaa maʼga náa Asquelón ga̱jma̱a̱ náa rawuunʼ lamáa,*ikhí nikuʼmaa ikhaa”.
Mbaʼa nota
^ O “gaʼyee, bi̱ naʼthí dí marigá”.
^ O “ku̱ba̱ʼ rí tuáʼán náa tapo̱o̱ iyaʼ”.
^ Xóo muʼthá, Creta.
^ Xóo muʼthá, xa̱bu̱ bi̱ nu̱da̱ edxu̱ún nindxu̱u̱ mbá tsinaʼ dí kúwá ngíná ga̱jma̱a̱ natiñu̱u̱n.
^ O “mar”.
