Jeremías 48:1-47
-
Najuiʼtáriyaʼ dí magíʼnuu Moab (1-47)
48 Ajngáa rígi̱ na̱jkha̱ inuu Moab, rígi̱ dí naʼthí Jeobá bi̱ naʼtáñajúúnʼ ángeles, Dios ndrígóo Israel:
“¡Ngínala Nebo, numuu rí niguma gámbáa!
Niguma májti̱i̱ʼ ga̱jma̱a̱ nigajtaa Quiryataim.
Nigájnuu gamajkuu ga̱jma̱a̱ niguma gámbáa náa numbáyumíjná.
2 Nimbáa ndáwa̱a̱ tsáa eʼni mba̱a̱ Moab.
Náa Hesbón niri̱ya̱ʼ awan xóo muni̱ gámbáa:
‹Aguwaʼla, guʼni gámbáa mu ní xánindxu̱u̱ mbá xuajin›.
Ikháán Madmén, mangáán ndayóoʼ dí maguanáaʼ wíyáaʼ,numuu dí espada na̱jkha̱ rajxkhaaʼ.
3 Asndu náa Horonaim nawáán dí nundxa̱ʼwa̱numuu dí naguma gámbáa ma̱ngaa dí narígá mbá gamiéjunʼ mba̱a̱.
4 Moab nixmi̱gu̱u̱.
E̱ji̱i̱n nundxaʼwaská.
5 Xa̱bu̱ numbiyaʼ má xúʼko̱ índo̱ kúwá rutsimún náa Luhit.
Náa frájkhoo Horonaim nawáán dí nundxa̱ʼwa̱ ngíná ga̱jma̱a̱ numuu gamiéjunʼ dí ni̱ʼkha̱nú.
6 ¡Agayála mu ma̱ndoo makáwáanʼ!
Mbaʼyóoʼ dí mani̱ndxa̱la xóo ixi̱ enebro náa ku̱ba̱ʼ mijxooʼ.*
7 Numuu rí niku̱ma̱a̱ʼ xtayáá dí nitani̱ ga̱jma̱a̱ náa rí gíʼdoo numuu dí xtaʼdáá,mangáánʼ maguma gámbáanʼ.
Kemós maʼga kiʼyáa,mbóó gáʼga gajmíi̱n ndxajkiun gajmíi̱n príncipes ndrígóo.
8 Bi̱ ma̱ʼkha̱ gáʼni gámbáa, maʼni gámbóo xúgíʼ xuajinnimbáa xákríya̱a̱ʼ.
Mata* makhañúuga̱jma̱a̱ xkua̱ maguma gámbáa, xó má niʼthí Jeobá.
9 Gugíʼma mbá tsinaʼ náa Moab mu masngájmaa,numuu rí índo̱ gáguma gámbáa ikhaa magayúu,xuajñuu magua̱jtha̱a̱ mbá gamíi náa eʼwíinʼ,maguanáa ni xákúwá xa̱bu̱.
10 ¡Gajuiʼtá tsríguíi bi̱ tsíyoo gáʼni ga̱jma̱a̱ xúgíʼ a̱jkiu̱u̱n ñajuunʼ Jeobá!
¡Gajuiʼtá tsríguíi bi̱ tsíyoo gájmuu espada ndrígóo mu magudíin xa̱bu̱!
11 Xa̱bu̱ moabitas kúwá tsímáá asndu nákhá nindxu̱ún jiámá,xóo mbá vino rí niniña̱a̱nʼ mu magiwa̱a̱nʼ xtíxúu.
Na̱nguá nixiñajngaa náa i̱mba̱ rayaʼ,ga̱jma̱a̱ nimbá miʼtsu na̱nguá nijkha kiʼyáa.
Ikhaa rúʼko̱ numuu dí ikháá má miʼtsíga̱jma̱a̱ jxu̱u̱ʼ na̱nguá nixtiʼkhuu.
12 ‹Ikha jngóo, gu̱ya̱a̱, na̱ʼkha̱ mbiʼi, eʼthí Jeobá, rí makuʼmíin xa̱bu̱ mu murgajxi̱i̱. Murgajxi̱i̱ ga̱jma̱a̱ muni̱ majchíi rayaʼ, ma̱ngaa muxpigu̱u̱ rayaʼ dí mba̱ʼu̱.
13 Moabitas mati̱ñu̱u̱nʼ gáʼni Kemós, xó má bi̱ kúwá náa goʼwóo Israel natiñu̱u̱ʼ eʼni Betel, náa nikumu̱ún kuyáá.
14 Xú kaʼnii eʼngo̱o̱ a̱jkia̱la nu̱tala “Nindxu̱xu̱ xa̱bu̱ mixkujiinʼ, kuwáanʼxu xawii muʼguáxu̱ guxmijná”›.
15 ‹Moab niguma gámbáa,nindrigú xuajñuu,ga̱jma̱a̱ niradíin jiámiúun bi̱ itháan mixkujiin’›,eʼthí Rey, bi̱ mbiʼyuu Jeobá bi̱ naʼtáñajúúnʼ ángeles.
16 Gamiéjunʼ dí maguáʼníí moabitas inu má ma̱ʼkha̱nú,itháán má tígo̱o̱ rí majngutíguíin.
17 Bi̱ kúwá mijngii gajmiún mbaʼyóoʼ magáwíinʼ a̱jkiu̱ún kuñún,xúgíinʼ bi̱ nuniʼnuuʼ mbiʼñún.
Guthu̱u̱nla: ‹¡Gu̱ya̱a̱la xú kaʼnii nijmigaʼ xkuíyá rí gújkhúʼ, ragóti rí mitsaanʼ!›.*
18 Atani̱ kaníí gamajkhu rí xtaʼdááaraʼwún ga̱jma̱a̱ gakándawaaʼ,* ikháán wáxá bi̱ xtaa náa Dibón,numuu rí bi̱ niʼni gámbóo Moab na̱ʼkha̱ gáʼyaaʼga̱jma̱a̱ maʼni gámbóo xtájtsí ndrígáaʼ.
19 Xa̱bu̱ Aroer gundrigáanʼ náa kamba̱a̱ ga̱jma̱a̱ gu̱ya̱a̱.
Gu̱ta̱a̱nla xa̱bu̱ bi̱ xtáa ragáyúu ga̱jma̱a̱ a̱ʼgu̱ bi̱ xtáa raʼni kríyamínáʼ, gura̱jxi̱i̱: ‹Ndiéjunʼ nirígá rá.›
20 Moab nigájnuu gamajkuu ga̱jma̱a̱ ra̱ʼkhá tháán míñuu.
Gumbi̱ya̱ʼ ga̱jma̱a̱ gundxa̱ʼwa̱.
Guta̱la náa Arnón rí Moab niguma gámbáa.
21 Ni̱ʼkha̱nú mbiʼi rí munda̱ʼa̱a̱ cuenta xkua̱, xúʼko̱ má Holón, Jáhaz ga̱jma̱a̱ Mefaat,
22 xúʼko̱ má náa Dibón, Nebo ga̱jma̱a̱ Bet-Diblataim,
23 ma̱ngaa Quiryataim, Bet-Gamul ga̱jma̱a̱ Bet-Meón,
24 xúʼko̱ má náa Queriyot ga̱jma̱a̱ Bozrá, ma̱ngaa náa xúgíʼ xuajin dí rígá náa ku̱ba̱ʼ ndrígóo Moab, dí rígá mijngii ga̱jma̱a̱ dí rígá mitsínguánʼ.
25 ‹Nini̱ gámbáa tsiaki̱i̱* rí gíʼdoo Moab,nixmi̱ga̱ʼ ñawúunʼ›, eʼthí Jeobá.
26 ‹Gu̱ni̱ majnga̱a̱ Moab, numuu rí nikujximínáʼ náa inuu Jeobá.
Nambíjximinaʼ náa nijxi̱ʼga̱jma̱a̱ nindxu̱u̱ mbá rí nutsijma.
27 Lá raʼkháa Israel nindxu̱u̱ bi̱ ikháán natatsíjmaa ráʼ.
Lá nitayáá rí ikhaa nindxu̱u̱ mbá kuʼwáʼikha jngóo naratá dí raʼkhí ga̱jma̱a̱ numuu ma̱ngaa rí natabajngaa edxa̱a̱ʼ ráʼ.
28 Xa̱bu̱ Moab, guniʼñááʼ xuajñala ga̱jma̱a̱ gaʼgua gákuwáanʼ náa tsíñuga̱jma̱a̱ ganindxa̱la xóo mbáa paloma bi̱ naʼni xújúunʼ náa kuʼmuu ku̱ba̱ʼ dí rígá náa mata›”.
29 “Nidxawíínxu̱ dí Moab ra̱ʼkhá tháán eʼnimbamínáʼ, ra̱ʼkhá tháán ekuximínáʼ,najñekoo, naku̱mu̱u̱ dí ra̱ʼkhá tháán gíʼdoo numuu ga̱jma̱a̱ a̱jkiu̱u̱n naʼnimbamínáʼ”.
30 “‹Naniʼnúuʼ rí nakasngáñúúnʼ, eʼthí Jeobá,mú ajngún ragíʼdoo numuu, nda̱a̱ rí ejmaa.
Ikhiin nda̱a̱ rí gúni.
31 Ikha jngóo mambi̱ya̱ʼ ga̱jma̱a̱ numuu Moab,mandxa̱ʼwa̱ ga̱jma̱a̱ numuu xúgíʼ Moabma̱ngaa maguwanʼ ga̱jma̱a̱ numún xa̱bu̱ bi̱ kúwá náa Quir-Heres.
32 Mambi̱ya̱ʼ itháán ga̱jma̱a̱ numaaʼ ki xóo numuu Jazeritháan gámbi̱ya̱ʼ ga̱jma̱a̱ numaaʼ ikháán, ixi̱ uva dí rígá náa Sibmá.
Ñawáanʼ ninújngoo náa lamáa.*
Ni̱jkha̱nú asndu náa Jazer, náa lamáa.
Náa xndú taun ga̱jma̱a̱ náa uva dí nirajxi̱i̱ikhí nigajtaa bi̱ naʼni gámbáa.
33 Rí tsímáá ga̱jma̱a̱ rí gagi niguámbáa náa huertaxúʼko̱ má náa ku̱ba̱ʼ ndrígóo Moab.
Ni̱ni̱ rí vino nánguá ejkha̱ kúʼúun náa nuxujmbi̱i̱ uva.
Nímbáa xakujmbi̱i̱ uva ga̱jma̱a̱ gitsaʼwá gagi.
I̱mba̱ núthu gánindxu̱u̱ gitsaʼwá›”.
34 “‹Nawáán mbá aʼwá náa Hesbón asndu náa Elealé.
Nuxujxi̱ aʼwún náa Jáhaz,nawáán asndu náa Zóar ma̱ngaa náa Horonaim asndu náa Eglat-Selisiyá.
Asndu iyaʼ dí rígá náa Nimrim mujndooʼ mbá kayuuʼ.
35 Ma̱ni̱ gámbíin náa Moabbi̱ nagún kudúún tsigijñaʼ náa mbaaʼ mitsídánʼga̱jma̱a̱ bi̱ nuxnajxi̱ tsigijñaʼ náa inún dioses ndrígu̱ún, eʼthí Jeobá.
36 Ikha jngóo a̱jkiu̱nʼ maguwanʼ ga̱jma̱a̱ numuu Moab xó mbá flauta,*a̱jkiu̱nʼ maguwanʼ ga̱jma̱a̱ numún xa̱bu̱ Quir-Heres xó mbá flauta.
Numuu rí xúgíʼ dí gíʼdoo numuu dí nirígá ikhí maguma gámbáa.
37 Numuu rí xúgíinʼ xa̱bu̱ nida̱ edxu̱únga̱jma̱a̱ xúgíinʼ nida̱ stawúúnʼ.
¡Xúgíinʼ nirujtu ñawúnʼga̱jma̱a̱ náa smídún kaxtoʼóo xtíin mi̱du̱!›”.*
38 “‹Náa xúgíʼ tsu̱du̱u̱ guʼwá dí rígá náa Moabga̱jma̱a̱ náa xúgíʼ xuáá dí rígá ikhíi̱ndó xtambiyaʼ rígá.
Numuu rí nikumígúu Moabxóo mbá rayaʼ dí nánguá ejmaa›, eʼthí Jeobá.
39 ‹¡Raʼkhá tháán míñuu! ¡Gumbi̱ya̱ʼla!
¡Ra̱ʼkhá tháán ti̱yu̱u̱ʼ Moab ni̱jkha̱a̱!
Moab ni̱jkha̱nú ninindxu̱u̱ mbá rí mutsijma,mbá rí maʼni míñúún bi̱ kúwá mbájndi̱i̱ náa ikhaa›”.
40 “Rígi̱ dí naʼthí Jeobá:
‹¡Gu̱ya̱a̱! Xó má eʼni mbáa bi̱yú bi̱ nakatiga̱a̱ maguguaa xujkhúʼ bi̱ nandoo mikhu̱u̱,ikhaa matsuáʼwíi xpíjpiúu náa Moab.
41 Xuajin mudrigúxúʼko̱ má gágajtaa xtájtsí ndrígóo.
Mbiʼi rúʼko̱ a̱jkiu̱ún xa̱bu̱ mixkujiinʼ bi̱ kúwá náa Moabmaguajta̱a̱ xóo a̱jkiu̱u̱n mbáa a̱ʼgu̱ bi̱ naʼnii ada̱›”.
42 “‹Moab maguma gámbáa, ní xánindxu̱u̱ mbá xuajin,numuu rí nikujximínáʼ náa inuu Jeobá.
43 Náa inala rígá gamíi, iñáʼ ga̱jma̱a̱ tsáʼkhánáa ikháanʼla xa̱bu̱ Moab›, eʼthí Jeobá.
44 ‹Bi̱ gágáyúu maʼni kríyamínáʼ náa gamíi maxpátuáʼáan náa iñáʼ,ga̱jma̱a̱ bi̱ gágájnáa náa iñánʼ maxpátrámaa náa tsáʼkhá›.
‹Numuu rí ma̱ni̱ dí Moab maʼga̱nú tsiguʼ dí mamínuuʼ›, eʼthí Jeobá.
45 ‹Xa̱bu̱ bi̱ gágáñún magún náa Hesbón mu muni̱ káwúmijná, xáxtambáñún ikhí.*
Numuu rí náa Hesbón magajnúu mbá aguʼnáa majñu̱u̱ʼ Sehón magajnúu mbá riʼyu̱u̱ aguʼrí matsikhá xkídoo Moabga̱jma̱a̱ itsu̱ edxu̱ún xa̱bu̱ bi̱ nuni̱ dí raʼkhí›.
46 ‹¡Ngínáá lá ikháán Moab!
Xuajñuu Kemós niguma gámbáa.
Jiámáaʼ ni̱jkha̱ kiʼdiinwaʼxiaaʼ nigún kudiin.
47 Mú índo̱ gáʼni iwáá mbiʼi magímbi̱ín xa̱bu̱ Moab bi̱ ni̱jkha̱ kiʼdiin›, eʼthí Jeobá.
‹Gi̱i̱ naguámbá rí najuiʼthá magíʼnuu Moab›”.
Mbaʼa nota
^ O “desierto”.
^ O “bóo”.
^ O “nagui̱i̱”.
^ O mbáa “náa ku̱ba̱ʼ mijxooʼ”.
^ Náa ajngáa hebreo naʼthí, “nirujthu chijyu̱u̱ʼ”.
^ O “mar”.
^ Xóo muʼthá, mbá flauta rí nudi̱i̱ xóo tsínaʼ dí kúwá ngíná índo̱o̱ mbáa nakañúu.
^ Náa ajngáa hebreo naʼthí, “náa xkamijxoo Hesbón, bi̱ nagáñún nagún ikhí nánguá guáʼdáá tsiaki̱i̱”.
