Jeremías 49:1-39
49 Ajngáa rígi̱ na̱jkha̱ inún xa̱bu̱ ammonitas, rígi̱ dí naʼthí Jeobá:
“Lá na̱nguá gíʼdiin e̱ji̱i̱n Israel ráʼ.
Na̱nguá gíʼdaa nimbáa bi̱ magu̱u̱ dí gíʼdoo xáʼ.
Náá numuu rí Malcam nigruigúu Gad rá.
Náá numuu dí xa̱bi̱i̱ kúwá náa xuajin ndrígóo Israel xá.”
2 “‹Ikha jngóo, gu̱ya̱a̱, na̱ʼkha̱ mbiʼi, eʼthí Jeobá,ma̱ni̱ rí mawáán mbá aʼwá xóo tsinaʼ rí nachu̱u̱n muxmijná náa Rabá xuajñún xa̱bu̱ ammonitas.
Maʼga̱nú mani̱ndxu̱u̱ xóo mbá ru̱tsu̱u̱ dí niguámbáa,ga̱jma̱a̱ xuajin dí rígá mijngii ikhí mutsikha̱a̱›.
‹Israel maguwí káñúnʼ xúgíinʼ bi̱ nirawí káyííʼ dí gíʼdoo›, eʼthí Jeobá.
3 ‹¡Atambi̱ya̱ʼ, ikháán Hesbón, numuu dí Hai niguma gámbáa!
Gundxaʼwa̱ xuajin dí rígá mijngii náa Rabá.
Guʼgíʼ xtíin mi̱du̱.*
Gumbi̱ya̱ʼ, gugayála gi̱i̱ ñuʼún náa majñu̱u̱ʼ gúláa dí niguma ga̱jma̱a̱ itsí,numuu rí Malcam maʼga kiʼyáagajmíi̱n ndxajkun ga̱jma̱a̱ príncipes ndrígóo.
4 Ndxáʼgú bi̱ tséwi̱ji̱ jmbu, náá numuu rí natanimbamínaʼ ga̱jma̱a̱ numuu mata* rí xtaʼdáá,ma̱ngaa xkua̱ ndrígáaʼ dí kaxtíjyooʼ májánʼ rá.
Naku̱ma̱a̱ʼ xtayáá dí gíʼdoo numuu rí xtaʼdáága̱jma̱a̱ naratá: “Tsáá gáʼkha̱ maxmína̱ʼ ga̱jmu̱ʼ rá.”›”.
5 “‹Makuʼnguánʼ mbá dí xkawiʼ kayuuʼ náa ikháán, eʼthí Tátá bi̱ itháán mba̱a̱, Jeobá bi̱ naʼtáñajúúnʼ ángeles,maguwáʼ xúgíinʼ bi̱ kúwá mbájndi náa ikháán.
Ikháanʼla majuidáraʼáanʼ asndu náá,ga̱jma̱a̱ nimbáa ni xágímbíin bi̱ nigáñún›”.
6 “‹Mú nda̱wa̱á, ikhúún gágímbíin ammonitas bi̱ ni̱jkha̱ kiʼdiin›, eʼthí Jeobá”.
7 Rígi̱ dí naʼthí Jeobá bi̱ naʼtáñajúúnʼ ángeles dí magíʼnuu Edom:
“Lá nándáa ku̱ma̱ náa Temán ráʼ.
Lá nándáa consejo rí májánʼ náa xa̱bu̱ bi̱ najmañún ráʼ.
Lá niʼga ku̱ma̱ ndrígu̱ún xáʼ.
8 ¡Gagutangáanʼ, gugayála!
¡Gaʼgua mu makuwáanʼla náa itháan mi̱jnu̱ʼ, xa̱bu̱ Dedán!
Numuu rí makuʼnguánʼ mbá gamiéjunʼ náa Esaúíndo̱ gáʼga̱nú mbiʼi rí ma̱ni̱ mamínuuʼ.
9 Á mu náa ikháán naguwáʼ bi̱ nundrigú uva,lá xúniña̱a̱n tikhuu rí eʼwíinʼ mbuyáaʼ xáʼ.
Á mu kuʼwáʼ naguwáʼ dí mbruʼun,ikhiin muni̱ gámbáa xúgíʼ rí gáʼndún.
10 Ikhúún, mbá tsaʼtsaaʼ gániʼñuuʼ Esaú.
Ma̱ni̱ rí makujmaa náa ikhaa narkaʼwuminaʼmu xúʼko̱ ni xárkaʼwuminaʼ itháan.
E̱ji̱i̱n, a̱ngui̱i̱n ga̱jma̱a̱ xa̱bu̱ bi̱ kúwá mijngii, ikhiin maguma gámbíin,ga̱jma̱a̱ ikhaa ni xáxtáa.
11 Atatsíñúnʼ e̱jín wáʼa ndrígáaʼ,ga̱jma̱a̱ ikhúún ma̱ni̱ rí makuwá,ma̱ngaa gu̱ʼú xuáʼa maku̱mu̱ún kuyoʼ ikhúún”.
12 Numuu dí rígi̱ dí naʼthí Jeobá: “¡Atayáá! Bi̱ rakáʼñún mu̱wa̱a̱n copa rígi̱, gíʼmaa rí mu̱wa̱a̱n, lá naku̱ma̱a̱ʼ rí makríña̱a̱nʼ rí matamíniiʼ ráʼ. Matamíniiʼ má tsiaki̱i̱, numuu rí mbaʼyóoʼ migi̱i̱n”.
13 “Numuu rí mínu̱u̱ʼ na̱xna̱ ajngóʼ, eʼthí Jeobá, dí Bozrá maʼga̱nú mani̱ndxu̱u̱ mbá gamíi náa eʼwíinʼ, mbá rí majuiʼthá wéñííʼ, mbá rí maguma gámbáa ga̱jma̱a̱ dí majuiʼtásrígú, ga̱jma̱a̱ mbá xúgíʼ xuajin ndrígóo mani̱ndxu̱u̱ mbá rí maguma gámbáa asndu kámuu”.
14 Nidxawuun mbá rí na̱ʼkha̱ náa Jeobá,ga̱jma̱a̱ nijuaxúʼmaa mbáa bi̱ maʼga kayóo ajngáa dí maʼthúún xuajin:
“Gagimbáanʼla ga̱jma̱a̱ guxmíjná,gu̱ni̱ ratamijnála mu muxmíjná”.
15 “¡Atayáá! Numuu rí ni̱ni̱ dí xáraʼdáá numaaʼ náa majñu̱únʼ i̱ʼwáʼ xuajin,xa̱bu̱ mawiñu̱u̱nʼ kuyaaʼ.
16 Nitatsíñáminaʼ majmanduwáánʼ ga̱jma̱a̱ gamíi dí nitani̱,ga̱jma̱a̱ numuu rí niʼnimbamínáʼ a̱jkia̱a̱nʼ,ikháán bi̱ xtaa náa tsíñubi̱ najmaaʼ bíjní rí itháan mitsídánʼ.
Tséʼniuu á mu matani̱ xájáanʼ náa itháan mitsídánʼ xóo eni̱ bi̱yú,ikhúún marígui̱ín ikhí”, eʼthí Jeobá.
17 “Edom maʼga̱nú mani̱ndxu̱u̱ mbá gamíi náa eʼwíinʼ. Xúgíinʼ bi̱ gánújngún ikhí muguajún ruyejxi̱ ga̱jma̱a̱ mamiñún, mujuiyú ga̱jma̱a̱ numuu xúgíʼ gamiéjunʼ rí nigíʼnuu.
18 Ikhaa má xóo nigíʼnuu Sodoma ga̱jma̱a̱ Gomorra índo̱ niguma gámbáa ga̱jma̱a̱ xuajin dí tri̱ga̱ mijngii, eʼthí Jeobá, nimbáa xáxtáa ikhí ga̱jma̱a̱ nímba̱a̱ xa̱bu̱ xáʼga̱nú maxtáa ikhí.
19 ¡Gu̱ya̱a̱! Mbáa nagájnuu náa ra̱jxa̱ dí mi̱du̱u̱, xóo mbáa león bi̱ nagájnuu náa xaxi̱ dí rígá náa Jordán, mbá nacha̱ gáni̱ dí magayúu náa inuu ikhaa. Maʼgíiʼ náa ikhaa bi̱ nixtaʼwíi. Tsáá nindxu̱u̱ xóo ikhúún, tsáá gáʼngo̱o̱ ma̱ni̱ ga̱jmu̱ʼ rá. Tsáá baxtúu gándoo gáwi̱ji̱ náa inuʼ rá.
20 Ikha jngóo gudxawíínla xa̱bu̱, dí Jeobá niraʼwíí maʼni ga̱jma̱a̱ Edom ma̱ngaa dí nandxa̱ʼwáminaʼ maʼni ga̱jma̱a̱ numún xa̱bu̱ bi̱ kúwá náa Temán:
E̱jñu̱ún mugu̱ muxmajtiin magún rágúu̱nʼ kudiin.
Ikhaa maʼni rí náa mbaaʼ rí kúwá maguanáa ga̱jma̱a̱ numún ikhiin.
21 Xóo gáwáán índo̱ gáxpátríguii, ku̱ba̱ʼ maʼba̱a̱n.
¡Nawáán endxa̱ʼwa̱!
Aʼwá rígi̱ niwáán asndu náa lamáa Maña̱ʼ.*
22 ¡Gu̱ya̱a̱! Ikhaa matsimuu xóo mbáa bi̱yú bi̱ nakatiga̱a̱ maguguaa xujkhúʼ bi̱ nandoo mikhu̱u̱,ikhaa matsuáʼwíi xpíjpiúu náa Bozrá.
Mbiʼi rúʼko̱ a̱jkiu̱ún xa̱bu̱ bi̱ mixkujinʼ náa Edommani̱ndxu̱u̱ xóo a̱jkiu̱u̱n a̱ʼgu̱ bi̱ naʼnii a̱ʼdióo”.
23 Dí magíʼnuu Damasco:
“Hamat ga̱jma̱a̱ Arpad nigájnuu gamajkhúnga̱jma̱a̱ numuu ajngáa dí raʼkhí nidxawíín.
Niʼni rí a̱jkiu̱ún makáguabaaʼ.
Xa̱bu̱ nindxu̱ún xóo lamáa dí naʼbajxu̱u̱ má xúʼko̱.
24 Xa̱bu̱ Damasco nindáti̱gu̱u̱n tsiaki̱i̱.
Nandún magañún, mú namíñúún.
Gamiéjunʼ ga̱jma̱a̱ ga̱ʼkhu̱ nirígá náa ikhiin,xóo mbáa a̱ʼgu̱ bi̱ xtáa raʼnii a̱ʼdióo.
25 Náá numuu dí xuajin dí naguma mba̱a̱ga̱jma̱a̱ xuajin náa xa̱bu̱ nikúwá gagi xóó tséguanáa rá.
26 Numuu rí jiámiu̱ún makhañún náa xuáá ndrígu̱únga̱jma̱a̱ mbiʼi rúʼko̱ makhañún xúgíinʼ soldado”, eʼthí Jeobá bi̱ naʼtáñajúúnʼ ángeles.
27 “Magídooʼ agiuuʼ mikha̱a̱ xtájtsí ndrígóo Damasco,ga̱jma̱a̱ rígi̱ maʼni gámbóo torre dí wájun gújkhúʼ náa Ben-Hadad”.
28 Dí magíʼnuu Quedar ga̱jma̱a̱ xa̱bu̱ ñajunʼ bi̱ kúwá náa Hazor, dí nigruigú rey Nabucodonosor* bi̱ xtáa náa Babilonia, rígi̱ dí naʼthí Jeobá:
“Gaʼgua, gatsimala náa Quedarga̱jma̱a̱ gu̱ni̱ gámbíin xa̱bu̱ bi̱ kúwá náa nagájnuu a̱jkha̱ʼ.*
29 Muda káñúnʼ guʼwá xtíin ndrígu̱ún ga̱jma̱a̱ mugiu̱ún,mudrigú káñúnʼ xtíin dí nuni̱ ga̱jma̱a̱ guʼwá ga̱jma̱a̱ xúgíʼ rí guáʼdáá.
Magún kudiin camellos ndrígu̱ún,ga̱jma̱a̱ mundxa̱ʼwa̱: ‹¡Asndu náá rígá gamíi!›”.
30 “¡Gugayála, gaʼguala mitsínguánʼ!
Gaʼgua ga̱jma̱a̱ gakuwáanʼla náa itháan mi̱jnu̱ʼ, ikháanʼla xa̱bu̱ Hazor”, eʼthí Jeobá.
“Numuu dí rey Nabucodonosor* bi̱ xtáa náa Babilonia niríya̱ʼ mbá awan dí maʼni ga̱jma̱á nindxa̱la,ga̱jma̱a̱ nindxa̱ʼwáminaʼ mbá rí maʼniala”.
31 “¡Gaʼgua, gatsimala náa mbá xuajin dí kúwá tsímáá,rí asndu na̱nguá emíñún kúwá!”, eʼthí Jeobá.
“Na̱nguá gíʼdoo xkrugua, ni má ixi̱ mbi̱jua̱ rí nagúguaa ga̱jma̱a̱, kúwá mitsínguánʼ.
32 Magún kudiin camellos ndrígu̱ún xóo mbá rí maʼngo̱o̱ muda̱a̱ʼ,ma̱ngaa magún kudiin xediu̱ún bi̱ mbaʼin.
Asndu náá* gáxidiriʼiin,bi̱ nurujtu tátsiu̱ún náa níjniúu edxu̱únma̱ni̱ rí asndu náá gáʼkha̱ gamiéjunʼ ndrígu̱ún”, eʼthí Jeobá.
33 “Hazor mani̱ndxu̱u̱ mbá rí náa makuwá chacal,*mbá mbaaʼ rí maguanáa asndu kámuu.
Nimbáa xáxtáa ikhí,ga̱jma̱a̱ nímba̱a̱ xa̱bu̱ xáʼga̱nú maxtáa ikhí”.
34 Índo̱ nigíʼdu̱u̱ niʼtáñajunʼ Sedequías rey ndrígóo Judá, profeta* Jeremías nigruigú ajngóo Jeobá rígi̱ ga̱jma̱a̱ numuu Elam:
35 “Rígi̱ dí naʼthí Jeobá bi̱ naʼtáñajúúnʼ ángeles: ‹Makumígaʼ xkamídá ndrígóo Elam, náa na̱ʼkha̱* tsiaki̱i̱ ndrígu̱ún ikhiin.
36 Ma̱ni̱ ngínáa Elam ga̱jma̱a̱ giñánʼ dí ma̱ʼkha̱ asndu náá,* asndu náá* gáxidíriʼiin. Náa xúgíʼ xuajin maxidíriʼiin xa̱bu̱ Elam›”.
37 “Makumíguiin xa̱bu̱ elamitas náa inún xa̱bu̱ sia̱nʼ gajmiún ga̱jma̱a̱ náa inún bi̱ nandún muradíin, makuʼnguánʼ mbá gamiéjunʼ dí nakásngañu̱ʼ, eʼthí Jeobá. Makuʼnguánʼ náa ikhiin mbá espada rí asndu maʼni gámbíin”.
38 “Maʼgíʼ xíliúʼ náa Elam ga̱jma̱a̱ maxíyáa rey mangiin príncipes ndrígióo”, eʼthí Jeobá.
39 “Índo̱ gártumuu mbiʼi magímbíin xa̱bu̱ Elam”, eʼthí Jeobá.
Mbaʼa nota
^ O “bóo”.
^ O “mar Rojo”.
^ Náa ajngáa hebreo naʼthí, “Nabucodorosor”. Rígi̱ nindxu̱u̱ i̱mba̱ xóo nuniraʼmáʼ.
^ O “este”.
^ Náa ajngáa hebreo naʼthí, “Nabucodorosor”. Rígi̱ nindxu̱u̱ i̱mba̱ xóo nuniraʼmáʼ.
^ Náa ajngáa hebreo naʼthí, “náa xúgíʼ giñáʼ”.
^ Xujkhúʼ bi̱ xóo xu̱wánʼ kaʼniún bi̱ najmangu̱u̱nʼ.
^ O “gaʼyee, bi̱ naʼthí dí marigá”.
^ Náa ajngáa hebreo naʼthí, “náa nagiʼdu̱u̱”.
^ Náa ajngáa hebreo naʼthí, “a̱jkhu̱ giñánʼ dí rígá náa a̱jkhu̱ niʼkhóo mekhu”.
^ O “xúgíʼ giñánʼ”.
