Jeremías 50:1-46
50 Rígi̱ nindxu̱u̱ ajngóo Jeobá rí niʼthí profeta Jeremías ga̱jma̱a̱ numuu Babilonia, ga̱jma̱a̱ numuu ku̱bu̱únʼ xa̱bu̱ caldeos:
2 “Guta̱la rígi̱ náa majñu̱únʼ xuajin ga̱jma̱a̱ guta̱la.
Guxujxí mbá tsinaʼ ga̱jma̱a̱ guta̱la.
¡Xúrkaʼwumáʼáánla nimbá!
Guta̱la: ‹Babilonia nindri̱gú.
Bel niguma májti̱i̱ʼ.
Merodac ra̱ʼkhá tháán emíñuu.
Xándiu̱ún nigájnuu gamajkhún.
Xándiu̱ún bi̱ xkawi̱i̱nʼ* ra̱ʼkhá tháán emíñúún›.
3 Numuu rí mbá xuajin ni̱ʼkha̱ náa norte mu maʼni gámbáa.
Maʼni rí ku̱bo̱o̱ʼ mani̱ndxu̱u̱ mbá gamíi náa eʼwíinʼ,nimbáa ndáwa̱a̱ tsáa xtáa ikhí.
Xa̱bu̱ ga̱jma̱a̱ xujkhúʼ nigáñún,nigún”.
4 “Mbiʼi rúʼko̱ ga̱jma̱a̱ tiempo rúʼko̱, eʼthí Jeobá, xa̱bu̱ Israel ga̱jma̱a̱ xa̱bu̱ Judá mbóó gáguwáanʼ. Maguwáanʼ rumbi̱ya̱ʼ ga̱jma̱a̱ mbóó gúyáa’ Jeobá Dios ndrígu̱ún.
5 Murajxi̱ xú káʼnii kamba̱a̱ rí na̱jkha̱ náa Sion, mbájmbu gaʼni inún ikhí, ga̱jma̱a̱ muthi: ‹Aguwaʼla ga̱jma̱a̱ ganindxu̱lú mbujuáaʼ xuajñuu Jeobá ga̱jma̱a̱ gambanúu gajmiúlú dí mbajyúuʼ asndu kámuu rí nditháan xámbumulú›.
6 Xa̱bu̱ xuajñunʼ niguáʼnu ninindxu̱ún mugu̱ bi̱ nindáti̱gi̱i̱n. Numuu rí míníiʼ baxtúu nini̱ rí mandáti̱gi̱i̱n. Nigún kudiin náa kúbá ga̱jma̱a̱ nini̱ rí mba’ majgruámún’ náa kúbá ga̱jma̱a̱ náa bíjní. Ikhiin nimbumún eʼni mbaaʼ náa ndu̱ya̱a̱ jxu̱ún.
7 Asndu tsáá bi̱ naxkamiin na̱ʼkhu̱u̱n, ga̱jma̱a̱ xa̱bu̱ sia̱nʼ ndrígu̱ún nuthi: ‹Na̱nguá guaʼdáá aʼkhúxu̱ ikháanʼ, ikhiin nixudamíjna̱ aʼkhá náa Jeobá náa na̱ʼkha̱ rí jmbu, náa Jeobá, bi̱ wajin xiʼñúúnʼ niguáʼthi̱i̱n›”.
8 “Gagajnáaʼla náa Babilonia,gagajnáaʼla náa ku̱bu̱únʼ xa̱bu̱ caldeos,ganindxa̱la xóo mugu̱ bi̱ nagún ginuu.
9 Numuu rí xtáá randxa̱ʼwu̱u̱n ga̱jma̱a̱ nakuʼmíin náa Babiloniambaʼa xuajin mba̱ʼu̱ dí rígá xígií náa norte.
Maguajún tseniiʼ muxmijná gajmiún,ga̱jma̱a̱ ikhú gúndri̱gú.
Flecha ndrígu̱ún nindxu̱u̱ xóo ndrígóo mbáa xa̱bu̱ xkujiiʼ,bi̱ nuni̱ gámbíin e̱jñu̱ún xabuanii,ikhiin nuxnáá má xúʼko̱ náa kaʼyoo.
10 Caldea magajta káyííʼ dí gíʼdoo.
Xúgíinʼ bi̱ gágún gurawíi asndu nánguá e’ngu̱u̱n gáguáan kudúún”, eʼthí Jeobá.
11 “Numuu rí ikháanʼla nikuwáanʼla gagi ga̱jma̱a̱ nuni̱ ndxa̱a̱índo̱ nirawíi rí kaʼyoʼ.
Numuu rí nikijxáanʼla xó má eʼni mbáa a̱ʼdá xédí bi̱ nakijxi̱i̱ náa ra̱jxa̱ga̱jma̱a̱ nundxa̱ʼwa̱ xóo wáyú bi̱ nuxka.
12 Ru̱dála ikháanʼ nigájnuu gamajkuu.
Bi̱ niʼniáanʼlá nigawúunʼ a̱jkiu̱u̱n.
¡Guya̱a̱! Ikhaa nda̱a̱ numuu náa majñu̱únʼ xuajin,mbá ku̱ba̱ʼ mijxooʼ* dí nda̱a̱ iyaʼ, náa nda̱a̱ dí rígá.
13 Ga̱jma̱a̱ numuu rí Jeobá nikásngañu̱u̱ʼ, xátangi̱i̱n makuwá xa̱bu̱,maguanáa mbá kayuuʼ.
Xúgíinʼ bi̱ gánújngún náa Babilonia muguajún muyejxi, mamiñún,mujuiyú ga̱jma̱a̱ numuu xúgíʼ gamiéjunʼ.
14 Asndu náá gúndrigáanʼ tseniʼ mu muxmíjná gajmiála Babilonia.
Xúgiáanʼ ikháanʼla bi̱ nuxumáá* xkamídá.
Gu̱da̱ʼ xúgíʼ flecha rí kudala,numuu rí nikudaminaʼ aʼkhá náa Jeobá.
15 Asndu náá gúndxa̱ʼwa̱ rí muxmijnála gajmiála ikhaa.
Ikhaa nindáti̱go̱o̱.
Columnas ndrígóo ningajxi̱i̱ ga̱jma̱a̱ xtájtsí ndrígóo niguma gámbáa,numuu rí Jeobá nindxu̱u̱ bi̱ naʼni rí mamínuuʼ.
Gu̱ni̱ gínáanla ikhaa.
Gu̱ni̱i̱la xó má ikhaa niʼni.
16 Guxíyáa náa Babilonia bi̱ naʼduga̱jma̱a̱ bi̱ najmuu chídí xngaa índo̱ naxtagijxi̱i̱ rí nijuiʼdu.
Ga̱jma̱a̱ numuu espada rí nagudíin xa̱bu̱, mámbáa maʼga̱a̱ náa xuajñuu,mámbáa magayúu maʼga̱a̱ náa ku̱bo̱o̱ʼ.
17 Xa̱bu̱ Israel nindxu̱ún xóo mugu̱ bi̱ nijuidríʼiin nini̱ león. Ginii, rey Asiria niʼkhu̱u̱n, ndáwa̱a̱ rey Nabucodonosor* bi̱ xtáa náa Babilonia nikumigaʼ i̱tsu̱ún.
18 Ikha jngóo rígi̱ rí naʼthí, Jeobá bi̱ naʼtáñajúúnʼ ángeles, Dios ndrígóo Israel: ‹Manda̱ʼa̱a̱ cuenta rey bi̱ xtáa náa Babilonia ga̱jma̱a̱ ku̱bo̱o̱ʼ xó ma ninda̱ʼa̱a̱ cuenta rey bi̱ xtáa náa Asiria.
19 Maʼkháaʼ ka̱ya̱a̱ Israel náa rajxa̱ rí na̱ʼkhu̱, mi̱khu̱ rajxa̱ náa Carmelo ga̱jma̱a̱ náa Basán. Asndu magiʼmuu makuiʼtsu náa kúbá Efraín ga̱jma̱a̱ Galaad›”.
20 “Mbiʼi rúʼko̱ ga̱jma̱a̱ tiempo rúʼko̱, eʼthí Jeobámbuyáʼ aʼkhúun Israel,mú xúxkamaa,ga̱jma̱a̱ aʼkhá rí nikudaminaʼ Judá xúxkamaa,numuu rí ikhúún ma̱ni̱ mba̱a̱ a̱jkiu̱nʼ ka̱ñu̱u̱n bi̱ gáni̱ káwíin”.
21 “Atatsimaaʼ gátani̱ gámbáa ku̱ba̱ʼ Merataim ga̱jma̱a̱ xa̱bu̱ bi̱ kúwá náa Pecod.
Gakañún ga̱jma̱a̱ gaguma gámbíin mbá kayuuʼ”, eʼthí Jeobá.
“Atani̱ xúgíʼ rí nikuʼmáán matani̱.
22 Náa xuajin nawáán aʼwá rí nuxmijná,Mbá gamiéjunʼ mba̱a̱ erígá.
23 ¡Phú ngíná, nijmigaʼ ga̱jma̱a̱ nijmigu̱u̱ martillo náa xúgíʼ tsu̱du̱u̱ ku̱ba̱ʼ!
¡Xígi̱ kaʼnii nigua̱jta̱a̱ Babilonia mbá gamíi rí maʼnimíñún i̱ʼwáʼ xuajin!
24 Ikháán Babilonia niʼgíʼ mbá tsáʼkhá náa inaaʼ ga̱jma̱a̱ ikháán nixpátriguíín,asndu na̱nguá nitayáá xóo nitani̱.
Nijuaxkama̱án ga̱jma̱a̱ nirtuwíín,numuu rí náa Jeobá nitaxújximinaʼ.
25 Jeobá nirmbáʼtoo náa naxtagijxi̱i̱ga̱jma̱a̱ niguwíi ajua̱nʼ rí najmuu índo̱ nakásngañu̱u̱ʼ.
Numuu rí Tátá bi̱ itháán mba̱a̱, Jeobá bi̱ naʼtáñajúúnʼ ángeles, gíʼdoo mbá ñajunʼ rí maʼni,náa ku̱bu̱únʼ xa̱bu̱ caldeos.
26 Guxminála gajmiála ikhaa asndu náa mbaaʼ rí itháán mitsínguánʼ.
Gurmbáʼtála xtagaʼuu ikhaa.
Gundriga̱ rutsi̱i̱n xóo mbá rutsu̱u̱ tsígáʼ.
Gu̱ni̱ gámbáa mbá kayuuʼ.
Xúniʼñáánʼ nimbáa náa ikhaa.
27 Guradíin xúgíinʼ xediu̱ún.
Gaguájtaa náa makhañún.
¡Ngíníi lá ikhiin numuu rí ni̱ʼkha̱nú mbiʼi ndrígu̱ún,mbiʼi rí muxnajxi̱i̱ cuenta!
28 Nawáán xóo egún bi̱ nagáñún,bi̱ nakáwíin náa ku̱ba̱ʼ ndrígóo Babiloniamu muthi náa Sion rí Jeobá Dios ndrígulú,na̱ʼkha̱ mu manda̱ʼa̱a̱ cuenta ga̱jma̱a̱ numuu goʼwóo náa nduyamajkuíí.
29 Gundxa̱ʼwu̱u̱n bi̱ kuda xkamídá mu magún gúni̱ mamínúuʼ Babilonia,xúgíinʼ bi̱ nuxumáá* xkamídá.
Gagi̱ʼi̱i̱n náa mbájndi xtáa ikhaa, xúniña̱a̱n makríyáaʼ nimbáa.
Gu̱ni̱i̱ xó má rí kaʼyoo ga̱jma̱a̱ numuu rí niʼni.
Gu̱ni̱i̱la ikhaa xó má niʼni.
Numuu rí niʼnimbamínáʼ náa inuu Jeobá,Bi̱ nindxu̱u̱ Mikaʼwii náa Israel.
30 Ga̱jma̱a̱ numuu rúʼko̱ makhañún jiámíi náa xuáá,mbiʼi rúʼko̱ makhañún* xúgíinʼ soldádiuu”, eʼthí Jeobá.
31 “Ikháán bi̱ tsétanimbaaʼ, ¡Atayáá!, ikhúún xtáá mu ma̱ni̱ gínáán, eʼthí Tátá bi̱ itháán mba̱a̱, Jeobá bi̱ naʼtáñajúúnʼ ángeles,numuu rí mbaʼyóoʼ ma̱ʼkha̱ mbiʼi ndrígáaʼ, mbiʼi rí maraxnajxíi cuenta ga̱jma̱á nindxu̱ʼ.
32 Ikháán bi̱ tsétanimbaaʼ, majngrádánʼ ga̱jma̱a̱ maxpríga̱a̱n,nimbáa xákujxi̱ín.
Magídooʼ agiuuʼ xuajñanʼ,dí maʼni gámbóo mbá xúgíʼ náa xtaa”.
33 Rígi̱ dí naʼthí Jeobá bi̱ naʼtáñajúúnʼ ángeles:
“Xa̱bu̱ Israel ga̱jma̱a̱ xa̱bu̱ Judá naguma gíníin,xúgíinʼ bi̱ nigún kudiin, ikhiin guáʼdiin.
Tséniñu̱u̱nʼ magúun.
34 Bi̱ Ma̱ʼtsi̱wíin nindxu̱u̱ mixkujiiʼ,Jeobá bi̱ naʼtáñajúúnʼ ángeles, xúʼko̱ kaʼnii mbiʼyuu.
Ikhaa gajkhun maʼnimbánúu xó má kaʼyoo numún,mu xúʼko̱ maʼni marigá dí tsímáá náa xuajin,mu maʼni míñúún xa̱bu̱ Babilonia”.
35 “Ma̱ʼkha̱ mbá espada mu maʼni gíníin xa̱bu̱ caldeos, eʼthí Jeobá,ma̱ʼkha̱ gáʼni gíníin xa̱bu̱ Babilonia, príncipes ndrígu̱ún ga̱jma̱a̱ xúgíinʼ bi̱ najmañún.
36 Ma̱ʼkha̱ mbá espada mu maʼni gíníin profetas bi̱ nuthi rí nduwaʼ, ga̱jma̱a̱ muni̱ xóo skágu̱nʼ.
Ma̱ʼkha̱ mbá espada mu maʼni gíníin xa̱bu̱ xkujiinʼ bi̱ kúwá ikhí, ga̱jma̱a̱ ikhiin mamiñún.
37 Ma̱ʼkha̱ mbá espada mu maʼni gíníin wáyú ndrígóo ga̱jma̱a̱ carrro rí nuni̱ ga̱jma̱a̱ guerra,xúʼko̱ má náa mixtiʼkhu enii xa̱bu̱ bi̱ kúwá ikhí,mani̱ndxu̱ún xóo gu̱ʼu̱.
Ma̱ʼkha̱ mbá espada náa kajti rí gíʼdoo numuu dí gíʼdoo ikhaa, ga̱jma̱a̱ maʼga kiʼda.
38 Ma̱ʼkha̱ mbá rí maʼni gámbóo iyooʼ, ga̱jma̱a̱ iyaʼ mujndo̱o̱ʼ.
Numuu rí nindxu̱u̱ mbá ku̱ba̱ʼ náa kúwá xándú bi̱ kiʼniwíin,ga̱jma̱a̱ numuu rí mawasngájmún, ikhiin muni̱ xóo skágu̱nʼ.
39 Ikha jngóo xujkhúʼ bi̱ kúwá náa ku̱ba̱ʼ mijxooʼ makuwá ikhí gajmiún xujkhúʼ bi̱ nundxa̱ʼwa̱ gínún,ga̱jma̱a̱ ikhí makuwá avestruz.
Nditháan ni xátanga̱a̱ makuwá xa̱bu̱,xúgíinʼ bi̱ gáguwáʼ nda̱wa̱á ni xátangi̱ín makuwá ikhí”.
40 “Xó má índo̱ Dios niʼni gámbáa Sodoma ga̱jma̱a̱ Gomorra ga̱jma̱a̱ xuajin dí tri̱ga̱ mijngii, eʼthí Jeobá, nimbáa xáxtáa ikhí ga̱jma̱a̱ nímba̱a̱ xa̱bu̱ xáʼga̱nú maxtáa ikhí.
41 ¡Gu̱ya̱a̱! Ma̱ʼkha̱ mbá xuajin asndu náa norte,mbá xuajin mba̱a̱ ga̱jma̱a̱ reyes mba̱ʼwi̱i̱n maguwáʼ tseniiʼasndu náa naguámbárigo̱o̱ ku̱ba̱ʼ.
42 Kuda xkamídá ga̱jma̱a̱ xkrájtsí.
Nindxu̱ún xkawi̱i̱nʼ, xágáwíinʼ a̱jkiu̱ún.
Xó má ewáán lamáa* índo̱ najmangu̱u̱ʼ, xúʼko̱ ewáán egúníndo̱ kadrúwiin wáñu̱ún.
Xó má mbáa xa̱bu̱ bi̱ nawi̱ji̱ mataxmíjná ga̱jma̱a̱ʼ, ikháán, wáxioo Babilonia.
43 Rey bi̱ xtáa náa Babilonia naʼdxawuun ga̱jma̱a̱ numún ikhiinga̱jma̱a̱ ñawúúnʼ nánguá gíʼdoo tsiaki̱i̱.
Ga̱ʼkhu̱ narígá náa ikhiin,xó má ga̱ʼkhu̱ dí nagiʼdoo a̱ʼgu̱ bi̱ naʼnii ada̱.
44 ¡Gu̱ya̱a̱! Mbáa nagájnuu náa ra̱jxa̱ dí mi̱du̱u̱, xóo mbáa león bi̱ nagájnuu náa xaxi̱ dí rígá náa Jordán, mbá nacha̱ gáni̱ dí ikhiin mangujuíin ragáñúún náa ikhaa. Maʼgíiʼ náa ikhaa bi̱ nixtaʼwíi. Tsáá nindxu̱u̱ xóo ikhúún, tsáá gáʼngo̱o̱ ma̱ni̱ ga̱jmu̱ʼ rá. Tsáá baxtúu gándoo gáwi̱ji̱ náa inuʼ rá.
45 Ikha jngóo gudxawíínla xa̱bu̱, dí Jeobá niraʼwíí maʼni ga̱jma̱a̱ Babilonia ma̱ngaa rí nandxaʼwáminaʼ maʼni ga̱jma̱a̱ ku̱bu̱únʼ xa̱bu̱ caldeos:
E̱jñu̱ún mugu̱ muxmajtiin magún rágúu̱nʼ kudiin.
Ikhaa maʼni rí náa mbaaʼ rí kúwá maguanáa ga̱jma̱a̱ numún ikhiin.
46 Índo̱ gáwáán rí nindri̱gú Babilonia, ku̱ba̱ʼ ma̱ʼba̱a̱n,mawáán mbá aʼwá rí nundxa̱ʼwa̱ ngíná náa majñu̱únʼ xuajin”.
Mbaʼa nota
^ Náa ajngáa hebreo ajngáa rígi̱ kuajtuminaʼ ga̱jma̱a̱ “ambóo xujkhúʼ”. Ajngáa rígi̱ najmaa mu mutawéñííʼ mbáa.
^ O “desierto”.
^ Náa ajngáa hebreo naʼthí, “nuxujmbi̱i̱”.
^ Náa ajngáa hebreo naʼthí, “Nabucodorosor”. Rígi̱ nindxu̱u̱ i̱mba̱ xóo nuniraʼmáʼ.
^ Náa ajngáa hebreo naʼthí, “nuxujmbi̱i̱”.
^ Náa ajngáa hebreo naʼthí, “maʼni wíñúún”.
^ O “mar”.
