Jeremías 9:1-26
9 ¡Ra̱ʼkhá tháán eyoʼ dí edxu̱ʼ mani̱ndxu̱u̱ iyaʼga̱jma̱a̱ iduʼ náa na̱ʼkha̱ má xúʼko̱ iyaʼ!
Á mu xúʼko̱ mambi̱ya̱ʼ mbiʼíí mbruʼunga̱jma̱a̱ numún xa̱bu̱ xuajñunʼ bi̱ nikháñún.
2 ¡Ra̱ʼkhá tháán májánʼ gáʼni á mu náa ku̱ba̱ʼ mijxooʼ* rígá mbá náa maguanún xa̱bu̱ bi̱ nagún!
Á mu xúʼko̱ maniʼñúúnʼ xa̱bu̱ xuajñunʼ ga̱jma̱a̱ matsíngúunʼ náa ikhiin,numuu rí xúgíinʼ nuni̱ aʼkhá gajmiún eʼwíinʼ,*nindxu̱ún bi̱ nuni̱ dí raʼkhí.
3 Ikhiin kúwá xawii mu muni̱ nduwaʼ xó má índo̱ nurmiga̱a̱ʼ xkamídá mu muda̱ʼ flecha,ku̱ba̱ʼ kajnííʼ rí nduwaʼ ga̱jma̱a̱ nda̱a̱ nimbá rí jmbu.
“I̱mba̱ má i̱mba̱ raʼkhí eni̱ga̱jma̱a̱ ikhúún na̱nguá majkhúún kuyoʼ”, eʼthí Jeobá.
4 “Xúgiáanʼ tsu̱ma̱á gúnila náa xa̱bu̱ numbaaʼ gajmiála,ní má xáku̱ma̱la wéñuuʼ kuñu̱u̱n a̱ngia̱la.
Numuu rí xúgíinʼ a̱ngia̱la nuni̱ nduwaʼga̱jma̱a̱ xúgíinʼ xa̱bu̱ numbaaʼ gajmiála nuni̱ xtujtaa.
5 Xúgíinʼ xa̱bu̱ numbaaʼ nuni̱ nduwiinʼ a̱ngiu̱ún,nimbáa tséʼthi rí gajkhun.
Nisngáá ra̱ju̱ún maʼthí rí nduwaʼ.
Asndu néʼngu̱u̱n kúwá runi̱ dí ra̱májánʼ.
6 I̱ndó nduwaʼ rígá náa mbájndi xtáá.
Ga̱jma̱a̱ nduwaʼ rí nuni̱, ikhiin na̱nguá nindúún guniʼniúnʼ”, eʼthí Jeobá.
7 Ikha jngóo rígi̱ rí naʼthí Jeobá bi̱ naʼtáñajúúnʼ ángeles:
“Markuiñanʼla mu xúʼko̱ ma̱ndoo ma̱ni̱ kaʼwáanʼla ga̱jma̱a̱ mba̱yo̱o̱ xóo nindxa̱landiéjunʼ lá i̱mba̱ xóó ma̱ndoo ma̱ni̱ ga̱jma̱a̱ numuu wáxióo xuajñunʼ ráʼ.
8 Raju̱u̱n nindxu̱u̱ mbá flecha rí mbiiʼ dí naʼthí rí nduwaʼ.
Náa rawuunʼ nagájnúu ajngáa rí tsímáá dí naʼthúu̱n xa̱bu̱ numbaaʼ ga̱jma̱a̱,mú náa awúu̱n a̱jkiu̱u̱n naríyaʼ awan xóo maxnúu”.
9 “Lá xáʼyóoʼ mandi̱ʼi̱i̱n cuenta ga̱jma̱a̱ xúgíʼ rígi̱ xáʼ.” Eʼthí Jeobá.
“Lá xándoo gáni̱ ngínáa mbá xuajin xóo rígi̱ ráʼ.
10 Mambiya ngínúʼ ga̱jma̱a̱ numuu xaná,ma̱ni̱ ajmúú ngíná ga̱jma̱a̱ numuu rajxa̱ dí rígá náa ku̱ba̱ʼ mijxooʼ,numuu rí nitsi̱kha̱ ga̱jma̱a̱ ndáwa̱a̱ tsáá enújngóo ikhí,ga̱jma̱a̱ asndu nánguá ewáán ndxa̱ʼwa̱ xujkhúʼ.
Xúgíinʼ xujkhú xnaʼ bi̱ jngruigu̱u̱n mekhuíí ga̱jma̱a̱ xujkhúʼ nigáñún, nigún.
11 Ma̱ni̱ dí Jerusalén mani̱ndxu̱u̱ mbá ru̱tsu̱u̱ itsí, mbá náa makuwá chacal,*ma̱ni̱ rí xuajin Judá maguanáa, ní xákúwá xa̱bu̱.
12 Tsáá bi̱ ra̱ʼkhá tháán ejmañuu bi̱ ma̱ndoo mikro̱ʼo̱o̱ dí xtáa rarígá rá.
Tsáá niʼthúu̱n Jeobá mu maʼtári̱ga̱ rá.
Náá numuu rí ku̱ba̱ʼ rígi̱ niguma gachíí rá.
Náá numuu rí xúgíʼ nikha̱a̱ ga̱jma̱a̱ niʼni̱i̱ xóo ku̱ba̱ʼ mijxooʼga̱jma̱a̱ ndáwa̱a̱ tsáa enújngóo ikhí rá.”
13 Jeobá niriʼña: “Numuu rí ikhiin nini̱ gaʼduunʼ xtángoo ndrígóʼ rí nixnu̱u̱n ga̱jma̱a̱ na̱nguá ninimbaníí ma̱ngaa túnimbu̱u̱n aʼwóʼ.
14 Rí phú nini̱, niniña̱a̱nʼ dí a̱jkiu̱ún maʼni gújkhúʼ ni̱jkha̱ kagui̱i̱n muni̱ ga̱jma̱a̱ nigún kidxu̱únʼ xtiʼkúún Baal, xó má anu̱ún nisngúún.
15 Rígi̱ rí naʼthí Jeobá bi̱ naʼtáñajúúnʼ ángeles, Dios ndrígóo Israel: ‹Atayáá, ma̱ni̱ rí xa̱bu̱ mu̱phu̱ iná miʼkhu̱u̱n* ga̱jma̱a̱ muwa̱a̱n iyaʼ dí kiʼngooʼ thana mbi̱i̱ʼ.
16 Maxidíríʼiin náa xuajin dí ikhiin ga̱jma̱a̱ anu̱ún túniʼnuuʼ ga̱jma̱a̱ makuʼnguánʼ espada náa kidxu̱únʼ mu maʼni gámbíin›.
17 Rígi̱ rí naʼthí Jeobá bi̱ naʼtáñajúúnʼ ángeles:
‹Gu̱nila xóo bi̱ guáʼdáá ku̱ma̱.
Guthu̱u̱n rí maguwáʼ gu̱ʼu̱ mu muni̱ ajmúú rí ngíná,gundxa̱ʼwu̱u̱n gu̱ʼu̱ bi̱ najmañún,
18 mu xúʼko̱ maʼchu̱u̱n muni̱ ajmúú rí ngíná,ga̱jma̱a̱ iyooʼ iduxu majnííʼga̱jma̱a̱ náa xtóo iduxu magajnúu iyaʼ.
19 Numuu rí asndu náa Sion niwán mbá aʼwá rí ngíná:
“¡Xígi̱ kaʼnii niguámbu̱u̱n dí kuaʼdáálú!
¡Ra̱ʼkhá tháán niguma majtia̱a̱nʼlu!
Numuu rí niniʼñááʼlú xuajñulú ga̱jma̱a̱ nini̱ gámbáa náa kuwáanʼlu”.
20 Ikháanʼla gu̱ʼu̱, gudxawíín ajngóo Jeobá.
Gundrígú rí ikhaa naʼthí.
Gusngún waʼxiala ga̱jma̱a̱ numuu tsígíná rígi̱,ga̱jma̱a̱ mámbáa a̱ʼgu̱ gáʼsngóo imba̱a̱ a̱ʼgu̱ ajmúú ngíná rígi̱.
21 Numuu rí nakháñulú nito̱ʼo̱o̱ náa ventana ndrígúlú,nito̱ʼo̱o̱ náa torre ndrígulú dí wájun gújkhúʼmu maʼga kagui̱i̱n e̱ji̱n bi̱ jngruigu̱u̱n náa kamba̱a̱,ma̱ngaa jiámá ga̱jma̱a̱ wa̱ʼxa̱ʼ* bi̱ jngruigu̱u̱n náa xuáá›.
22 Aratá: ‹Jeobá naʼthí rígi̱:
“Xúñúúnʼ xa̱bu̱ bi̱ nikháñún maʼni yuskha náa ku̱ba̱ʼ,xó má xtájxu̱u̱ʼ tsígáʼ rí kuíji̱ eniʼ dí nirujtu bi̱ nagímbóo náa ku̱ba̱ʼ, múndáwa̱a̱ nimbáa bi̱ magujxi̱i̱”›”.
23 Rígi̱ rí naʼthí Jeobá:
“Bi̱ najmañuu wéñuuʼ xáʼnimbamínáʼ ga̱jma̱a̱ numuu ku̱ma̱ rí gíʼdoo,bi̱ gíʼdoo tsiaki̱i̱ xáʼnimbamínáʼ ga̱jma̱a̱ numuu tsiaki̱i̱ rí gíʼdoo,bi̱ gíʼdoo xáʼnimbamínáʼ ga̱jma̱a̱ numuu rí gíʼdoo wéñuuʼ”.
24 “Bi̱ nandoo maʼnimbamínáʼ, gaʼni ga̱jma̱a̱ numuu rígi̱:
Rí gíʼdoo ku̱ma̱ ga̱jma̱a̱ dí nakro̱ʼo̱o̱ ga̱jma̱a̱ numuʼ ikhúún,rí ikhúún nindxu̱ʼ Jeobá, bi̱ nasngájma ngajua rí tsétumuu,* bi̱ naʼni xó má gíʼmaa ga̱jma̱a̱ rí jmbu náa tsu̱du̱u̱ ku̱ba̱ʼ,numuu dí rígi̱ rí nanigu̱ʼ”, eʼthí Jeobá.
25 “Gu̱ya̱a̱, na̱ʼkha̱ mbiʼi, eʼthí Jeobá, mandi̱ʼi̱ín cuenta xúgíinʼ bi̱ nirujtu xtóo xuyuuʼ tsáʼkhún mú rí phú gajkhun na̱nguá nirujtu xtóo xuyuuʼ tsáʼkhún,
26 Egipto, Judá, Edom, ammonitas, Moab xúgíinʼ bi̱ nirujtu xtátsiu̱ún náa níjniúu edxu̱ún bi̱ kúwíin náa ku̱ba̱ʼ mijxooʼ, numuu dí xúgíinʼ xa̱bu̱ na̱nguá nirujtu xtóo xuyuuʼ tsáʼkhún ga̱jma̱a̱ xúgíinʼ bi̱ kúwá náa goʼwóo Israel túrujtu xtóo a̱jkiu̱ún”.
