Jonás 3:1-10
3 Ikhú Jeobá niʼthúu̱n mbu̱júu̱ Jonás:
2 “Ayuʼ náa xuajin mba̱a̱ Nínive mu marata̱ ajngáa rí ikhúúnʼ ma̱tha̱a̱nʼ”.
3 Ikhú Jonás niʼnimbo̱o̱ kaʼyoo Jeobá, nigájnuu ni̱jkha̱ náa Nínive. Xuajin Nínive raʼkhá tháán mba̱a̱,* dí mi̱dxu̱ʼ ga̱jma̱a̱ rajkuáaʼ ndajyúuʼ ajtsú mbiʼi dí maríñáaʼ náa xuajin.
4 Jonás nito̱ʼo̱o̱ náa xuajin, ni̱jkha̱ kúʼwúun mbá mbiʼi raʼthí: “Índo̱ gárámúunʼ 40 mbiʼi, Nínive mambáa”.
5 Xa̱bu̱ Nínive niguaʼdáá fe náa Dios, nijuiʼtáñájúúnʼ rí murkueyimijná* ga̱jma̱a̱ xúgíinʼ nigíʼ xtíin mi̱du̱, bi̱ majkhiinʼ asndu bi̱ itháan wanii.
6 Índo̱ nidxawuun ajngáa rígi̱ rey bi̱ naʼtáñajunʼ náa Nínive, nitu̱jxu̱u̱ náa xíliúu* niríya̱a̱ xtíin kiejuunʼ rí nagíʼ, ikhú nigúwúunʼ xtíin mi̱du̱ ga̱jma̱a̱ nigi̱ʼi̱ náa idiʼ.
7 Ma̱ngaa niʼtáñajunʼ rí náa xúgíʼ Nínive majuiʼtá rígi̱:“Rígi̱ rí niʼtáñajunʼ rey gajmíi̱n xa̱bi̱i̱, nimbáa xujkhúʼ ni má xa̱bu̱ xáʼyóoʼ makuiʼtsu ni má ma̱ga̱a̱n iyaʼ.
8 Guxtrámamijnála xtíin rí mi̱du̱ ga̱jma̱a̱ xúʼko̱ má xujkhúʼ ma̱ngaa. Gutakañíí Dios ga̱jma̱a̱ xúgíʼ tsiaki̱i̱ ndrígala, guniʼñááʼ runi̱ dí ra̱májánʼ ma̱ngaa rí nuni̱ gíníi eʼwíinʼ.
9 Mbáa xúʼko̱ Dios bi̱ gajkhun magáwíinʼ a̱jkiu̱u̱n, mu xáʼni dí niʼthúu̱n a̱jkiu̱u̱n maʼni ga̱jma̱a̱ nixákásnga̱ñu̱u̱nʼ, mu xakáñulú”.
10 Índo̱ Dios bi̱ gajkhun ndiʼyoo dí nini̱, dí niniña̱a̱ʼ runi̱ dí ra̱májánʼ, ikhú nitanga̱a̱ a̱jkiu̱u̱n dí niʼthí maʼni gajmíi̱n, ikha jngóo táʼni gámbíin.
Mbaʼa nota
^ Náa ajngáa hebreo naʼthí, “Dios ndaʼyoo dí nindxu̱u̱ mbá xuajin mba̱a̱”.
^ O “mbuyamiʼchíí”.
^ O “trono”.
