Josué 12:1-24
12 Reyes bi̱ nikúwá náa mbaaʼ, bi̱ israelitas nini̱ gámbíin ga̱jma̱a̱ nindrigúu ku̱bu̱únʼ náa ridoo Jordán xígií náa nagájnuu a̱jkha̱ʼ,* nagi̱ʼdu̱u̱ asndu náa mata* Arnón asndu náa kúbá Hermón ga̱jma̱a̱ náa mbá xúgíʼ Arabá xígií náa nagájnuu a̱jkha̱ʼ, nindxu̱ún bugi̱.
2 Sehón rey ndrígu̱ún amorreos, bi̱ nixtáa náa Hesbón ga̱jma̱a̱ niʼtáñajunʼ náa xúgíʼ mbaaʼ dí nagi̱ʼdu̱u̱ náa Aroer, dí nirígá náa rawuunʼ mata Arnón, ga̱jma̱a̱ dí nagi̱ʼdu̱u̱ náa ta̱pho̱o̱ mata, náa ta̱pho̱o̱ mata Galaad, asndu náa mata Jaboc, náa ndawaa gajmiún ammonitas.
3 Ma̱ngaa niʼtáñajunʼ náa Arabá asndu náa lamáa Kinéret* xígií náa nagájnuu a̱jkha̱ʼ ga̱jma̱a̱ asndu náa lamáa Arabá, náa lamáa Miríná,* xígií náa nagájnuu a̱jkha̱ʼ náa jmbuu Bet-Jesimot, ga̱jma̱a̱ xígií náa sur agoo juímuu Pisgá.
4 Ma̱ngaa nirígá mbaaʼ náa niʼtáñajunʼ rey Og bi̱ nixtáa náa Basán, bi̱ ninindxu̱u̱ iwáá refaím bi̱ nixtáa náa Astarot ga̱jma̱a̱ Edréi.
5 Niʼtáñajunʼ náa kúbá Hermón, Salecá ga̱jma̱a̱ náa xúgíʼ Basán asndu náa ndawaa ndrígu̱ún guesuritas ga̱jma̱a̱ maacatitas, ma̱ngaa náa mbá ta̱pho̱o̱ Galaad, asndu náa nartumuu mbaaʼ dí niʼtáñajunʼ rey Sehón bi̱ nixtáa náa Hesbón.
6 Moisés, xa̱bi̱i̱ Jeobá ga̱jma̱a̱ israelitas nini̱ gámbíin, nda̱wa̱á Moisés xa̱bi̱i̱ Jeobá nixnúún ku̱ba̱ʼ rúʼko̱ mu makuwá rubenitas, gaditas ga̱jma̱a̱ mbá ta̱phi̱i̱n bi̱ naguwáʼ náa xuajin chíʼgíiʼ* ndrígóo Manasés.
7 Bugi̱ nindxu̱ún reyes bi̱ nikúwá náa mbaaʼ dí Josué gajmíi̱n israelitas nini̱ gámbáa náa ridoo Jordán xígií náa narámaaʼ a̱jkha̱ʼ,* nagi̱ʼdu̱u̱ asndu náa Baal-Gad, dí na̱jkha̱ xígií náa mata Líbano, asndu náa kúbá Halac, dí naguanúu náa mijngii Seír. Nda̱wa̱á Josué nixnúún ku̱ba̱ʼ rúʼko̱ xuajin majkhaʼ dí rígá náa Israel, xó má dí kaʼyoo makánáá mámbáa.
8 Rígi̱ nindxu̱u̱ ku̱ba̱ʼ dí nirígá náa kúbá: Sefelá, Arabá, náa juímuu, náa ku̱ba̱ʼ mijxooʼ* ga̱jma̱a̱ náa Négueb, xóo muʼthá ku̱bu̱únʼ hititas, amorreos, cananeos, perizitas, heveos ga̱jma̱a̱ jebuseos.
9 Bugi̱ ninindxu̱ún reyes bi̱ nikúwá: Náa Jericó nixtáa mbáa rey, náa Hai níjniúu Betel nixtáa mbáa rey,
10 náa Jerusalén nixtáa mbáa rey, náa Hebrón nixtáa mbáa rey,
11 náa Jarmut nixtáa mbáa rey, náa Lakís nixtáa mbáa rey,
12 náa Eglón nixtáa mbáa rey, náa Guézer nixtáa mbáa rey,
13 náa Debir nixtáa mbáa rey, náa Guéder nixtáa mbáa rey,
14 náa Hormá nixtáa mbáa rey, náa Arad nixtáa mbáa rey,
15 náa Libná nixtáa mbáa rey, náa Adulam nixtáa mbáa rey,
16 náa Maquedá nixtáa mbáa rey, náa Betel nixtáa mbáa rey,
17 náa Tapúah nixtáa mbáa rey, náa Héfer nixtáa mbáa rey,
18 náa Afec nixtáa mbáa rey, náa Lasarón nixtáa mbáa rey,
19 náa Madón nixtáa mbáa rey, náa Hazor nixtáa mbáa rey,
20 náa Simrón-Merón nixtáa mbáa rey, náa Acsaf nixtáa mbáa rey,
21 náa Taanac nixtáa mbáa rey, náa Meguidó nixtáa mbáa rey,
22 náa Quedes nixtáa mbáa rey, náa Jocneam ga̱jma̱a̱ Carmelo nixtáa mbáa rey,
23 náa Dor, náa juímuu nixtáa mbáa rey, náa Goyim ga̱jma̱a̱ Guilgal nixtáa mbáa rey,
24 náa Tirzá nixtáa mbáa rey, mbá 31 reyes dí mbá xúgíinʼ.
Mbaʼa nota
^ O “este”.
^ O “bóo”.
^ Xóo muʼthá, iyaʼ mba̱a̱ dí rígá náa Genesaret o mar ndrígóo Galilea.
^ O “mar Salado”. Xóo muʼthá, mar Muerto.
^ O “tribu”.
^ O “oeste”.
^ O “desierto”.
