Josué 15:1-63
15 Ku̱ba̱ʼ rí nigruigú xuajin chíʼgíiʼ* ndrígóo Judá, xó má nguáthi̱i̱n nikúwá ikhí, nartumuu asndu náa ndawaa ndrígóo Edom, náa ku̱ba̱ʼ mijxooʼ* Zin asndu náa Négueb xígií náa sur.
2 Náa ndawaa ndrígu̱ún ikhiin nagi̱ʼdu̱u̱ náa sur náa rawuunʼ lamáa Miríná* asndu náa sur xígií náa nagi̱ʼdu̱u̱ lamáa.
3 Na̱jkha̱nú asndu náa sur náa juímuu Acrabim, na̱jkha̱nú asndu náa Zin, nda̱wa̱á natsima̱a̱ xígií náa sur náa Cadés-Barnea, na̱jkha̱nú asndu náa Hezrón natsimuu náa Addar ga̱jma̱a̱ natanga̱a̱ xígií náa Carcá.
4 Nda̱wa̱á na̱jkha̱ xígií Azmón nartumuu asndu náa mata* Egipto, ga̱jma̱a̱ na̱jkha̱nú asndu náa Lamáa.* Rígi̱ nindxu̱u̱ náa nartumuu jmbañún ikhiin, rí naguanúu xígií náa sur.
5 Ndawaa rí naguanúu xígií náa nagájnuu a̱jkha̱ʼ* nindxu̱u̱ lamáa Miríná* asndu náa naguámbá mañu Jordán, ga̱jma̱a̱ ndawaa náa norte náa nagi̱ʼdu̱u̱ lamáa náa naguámbá mañu Jordán.
6 Ndawaa natsimuu asndu náa Bet-Hoglá ga̱jma̱a̱ nanújngoo náa norte ndrígóo Bet-Arabá, ga̱jma̱a̱ natsimuu asndu náa itsí rí nigíʼ Bohán a̱ʼdióo Rubén.
7 Ndawaa natsimuu xígií náa Debir náa mata Acor ga̱jma̱a̱ natanga̱a̱ xígií náa norte ndrígóo Guilgal, dí gíʼ náa ridoo rí natsimuu náa Adumim, rí naguanúu xígií náa sur náa mata ga̱jma̱a̱ ndawaa na̱jkha̱ asndu náa iyaʼ En-Semes naguámbá náa En-Roguel.
8 Ndawaa natsimuu náa mata dí rígá náa ku̱bo̱o̱ʼ A̱ʼdióo Hinón, náa juímuu kúwá jebuseos xígií náa sur, xóo muʼthá Jerusalén, ga̱jma̱a̱ ndawaa natsimuu xígií náa inuu kúbá rí na̱jkha̱ xígií náa narámaaʼ a̱jkha̱ʼ* náa mata Hinón, rí na̱jkha̱nú asndu náa norte, náa mata Refaím.
9 Ndawaa nanújngoo náa inuu kúbá asndu náa iduu iyaʼ Neftóah, na̱jkha̱nú asndu náa xuajin dí rígá náa kúbá Efrón ga̱jma̱a̱ nanújngoo asndu náa Baalá, xóo muʼthá, Quiryat-Jearim.
10 Ndawaa natanga̱a̱ xígií náa Baalá, najkha̱a̱ xígií náa narámaaʼ a̱jkha̱ʼ náa kúbá Seír, na̱jkha̱ má xúʼko̱ asndu náa juímuu kúbá Jearim xígií náa norte, xóo muʼthá, Kesalón ga̱jma̱a̱ nagajta̱a̱ náa Bet-Semes, na̱jkha̱núu asndu náa Timná.
11 Ndawaa na̱jkha̱nú asndu náa juímuu Ecrón xígií náa norte ga̱jma̱a̱ nanújngoo asndu náa Sikerón ga̱jma̱a̱ na̱jkha̱ má xúʼko̱ asndu náa kúbá Baalá na̱jkha̱núu asndu náa Jabneel, ndawaa nartumuu náa lamáa.
12 Ndawaa rí naguanúu xígií náa narámaaʼ a̱jkha̱ʼ nindxu̱u̱ náa rawuunʼ lamáa Mba̱a̱.* Rígi̱ ninindxu̱u̱ ndawaa náa mba̱ñúnʼ bi̱ niguwáʼ náa Judá xó má nguáthi̱i̱n kúwi̱i̱n.
13 Josué niʼni xó má Jeobá niʼthúu̱n, ikhaa nixnúu Caleb a̱ʼdióo Jefuné mbá chíʼgíiʼ* rí kaʼñúún muda̱a̱ bi̱ naguwáʼ náa Judá, ikhaa nixnúu: Quiryat-Arbá, xóo muʼthá Hebrón (Arbá ninindxu̱u̱ anu̱u̱* Anac).
14 Ikha jngóo Caleb, nixkawíin ikhí mbá ajtsíin e̱ji̱i̱n Anac: Sesái, Ahimán ga̱jma̱a̱ Talmái.
15 Ikhú nitsimuu gáxmíjná gajmíi̱n xa̱bu̱ bi̱ kúwá náa Debir (nákha ginii Debir mbiʼyuu Quiryat-Séfer).
16 Caleb niʼthí: “Xa̱bu̱ bi̱ gáto̱ʼo̱o̱ ga̱jma̱a̱ maʼni gámbáa Quiryat-Séfer maxniu̱u̱ wáxióʼ* Acsá mu maʼni a̱ʼgiu̱u̱”.
17 Otniel a̱ʼdióo Quenaz bi̱ nindxu̱u̱ giʼtio̱o̱ Caleb, niʼngo̱o̱ nigudíin xa̱bu̱ xuajin. Ikha jngóo Caleb nixniúu wáxióo Acsá mu maʼni a̱ʼgiu̱u̱.
18 Índo̱ kúwá ragúun kamba̱a̱, ikhaa niʼtákáñuu Otniel dí ma̱ndo̱ʼo̱o̱ Caleb dí maxnúu mbá mbaaʼ. Ikhú Acsá nigajtaa náa búrru bi̱ kríguii ra̱jkha̱a̱,* ga̱jma̱a̱ Caleb nirajxu̱u̱: “Ndiéjunʼ eyaaʼ rá.”
19 Ikhaa niʼthúu̱n: “Mbá péñu, araxnúʼ mbá regalo náa natasngájma dí natani̱ tsajkurámúúnʼ. Niraxnúʼ má mbaaʼ xígií náa sur,* mú ma̱ngaa araxnúʼ Gulot-Maim”.* Ikha jngóo Caleb nixnúu Gulot Alto ga̱jma̱a̱ Gulot Bajo.
20 Rígi̱ nindxu̱u̱ ku̱ba̱ʼ dí nigruigúu xuajin chíʼgíiʼ ndrígóo Judá xó má nguáthi̱i̱n kúwá.
21 Xuajin dí nigruigúu xuajin chíʼgíiʼ ndrígóo Judá dí naguanúu xígií náa sur, dí na̱jkha̱nú náa ndawaa Edom, nindxu̱u̱: Cabzeel, Éder, Jagur,
22 Quiná, Dimoná, Adadá,
23 Quedes, Hazor, Itnán,
24 Zif, Télem, Bealot,
25 Hazor-Hadatá ga̱jma̱a̱ Queriyot-Hezrón, xóo muʼthá Hazor,
26 Amam, Sema, Moladá,
27 Hazar-Gadá, Hesmón, Bet-Pélet,
28 Hazar-Sual, Beer-Seba, Biziotías,
29 Baalá, Iyim, Ézem,
30 Eltolad, Kesil, Hormá,
31 Ziclag, Madmaná, Sansaná,
32 Lebaot, Silhim, Ain ga̱jma̱a̱ Rimón: Mbá 29 ninindxu̱u̱ dí mbá xúgíʼ xuajin mba̱ʼu̱ ga̱jma̱a̱ xuajin majkhaʼ.
33 Xuajin dí nirígá náa Sefelá ninindxu̱u̱: Estaol, Zorá, Asná,
34 Zanóah, En-Ganim, Tapúah, Enam,
35 Jarmut, Adulam, Socó, Azecá,
36 Saaraim, Aditaim, Guederá ga̱jma̱a̱ Guederotaim:* Mbá 14 xuajin mba̱ʼu̱ ga̱jma̱a̱ xuajin majkhaʼ.
37 Zenán, Hadasá, Migdal-Gad,
38 Dileán, Mizpé, Jocteel,
39 Lakís, Bozcat, Eglón,
40 Cabón, Lahmam, Kitlís,
41 Guederot, Bet-Dagón, Naamá ga̱jma̱a̱ Maquedá: Mbá 16 xuajin mba̱ʼu̱ ga̱jma̱a̱ xuajin majkhaʼ.
42 Libná, Éter, Asán,
43 Iftá, Asná, Nezib,
44 Queilá, Aczib ga̱jma̱a̱ Maresá: Mbá mijna gu̱wa̱ʼ xuajin mba̱ʼu̱ ga̱jma̱a̱ xuajin majkhaʼ.
45 Ecrón ga̱jma̱a̱ xuajin dí rígá mijngii xó má xuajin majkhaʼ,
46 asndu náa Ecrón xígií náa narámaaʼ a̱jkha̱ʼ, náa xúgíʼ rawuunʼ Asdod ga̱jma̱a̱ náa xuajin majkhaʼ.
47 Asdod, ga̱jma̱a̱ xuajin dí rígá mijngii xó má xuajin majkhaʼ, Gaza, ga̱jma̱a̱ xuajin dí rígá mijngii xó má xuajin majkhaʼ, asndu náa mata Egipto, náa lamáa Mba̱a̱* ga̱jma̱a̱ xuajin dí rígá náa rawuunʼ lamáa.
48 Ga̱jma̱a̱ náa kúbá, xóo náa Samir, Jatir, Socó,
49 Daná, Quiryat-Saná, xóo muʼthá Debir,
50 Anab, Estemó, Anim,
51 Gosén, Holón ga̱jma̱a̱ Guiló: Mbá 11 xuajin mba̱ʼu̱ ga̱jma̱a̱ xuajin majkhaʼ.
52 Arab, Dumá, Esán,
53 Janim, Bet-Tapúah, Afecá,
54 Humtá, Quiryat-Arbá, xóo muʼthá Hebrón, ga̱jma̱a̱ Zior: Mbá mijna gu̱wa̱ʼ xuajin mba̱ʼu̱ ga̱jma̱a̱ xuajin majkhaʼ.
55 Maón, Carmelo, Zif, Jutá,
56 Jezreel, Jocdeam, Zanóah,
57 Cayín, Guibeá ga̱jma̱a̱ Timná: Mbá gu̱wa̱ʼ xuajin mba̱ʼu̱ ga̱jma̱a̱ xuajin majkhaʼ.
58 Halhul, Bet-Zur, Guedor,
59 Maarat, Bet-Anot ga̱jma̱a̱ Eltecón: Mbá majun xuajin mba̱ʼu̱ ga̱jma̱a̱ xuajin majkhaʼ.
60 Quiryat-Baal, xóo muʼthá, Quiryat-Jearim, ga̱jma̱a̱ Rabá: A̱jma̱ xuajin mba̱ʼu̱ ga̱jma̱a̱ xuajin majkhaʼ.
61 Náa ku̱ba̱ʼ mijxooʼ, Bet-Arabá, Midín, Secacá,
62 Nibsán, xuajin dí mbiʼyuu Sal ga̱jma̱a̱ En-Guedí: Mbá majun xuajin mba̱ʼu̱ ga̱jma̱a̱ xuajin majkhaʼ.
63 Xa̱bu̱ Judá táʼngu̱u̱n gúxkawíin jebuseos bi̱ kúwíin náa Jerusalén. Ikha jngóo jebuseos kúwá gajmiún xa̱bu̱ Judá náa Jerusalén asndu dí mbiʼi xúgi̱.
Mbaʼa nota
^ O “tribu”.
^ O “desierto”.
^ O “mar Salado”. Xóo muʼthá, mar Muerto.
^ O “bóo”.
^ Xóo muʼthá, mar Grande, mar Mediterráneo.
^ O “este”.
^ O “mar Salado”. Xóo muʼthá, mar Muerto.
^ O “oeste”.
^ O “mar Grande”. Xóo muʼthá, mar Mediterráneo.
^ O “lajuíin”.
^ O “tátée”.
^ O “a̱ʼdéʼ dxáʼgú”.
^ O mbáa “nixnúu ñawúunʼ índo̱ kríguii búrru”.
^ O “Négueb”.
^ Rí nandoo gáʼthúu̱n, ‹náa najnu ma̱ʼa̱nʼ iyaʼ›.
^ O mbáa “Guederá ga̱jma̱a̱ gúlu̱ún mugu̱”.
^ O “mar Grande”. Xóo muʼthá, mar Mediterráneo.
