Números 24:1-25
24 Índo̱ Balaam ndiʼyoo rí Jeobá nanigu̱u̱ʼ* maʼni tsajkurámiinʼ xa̱bu̱ Israel, ikhaa na̱nguá ni̱jkha̱ gáyáʼ mbaʼyoo itháan dí ra̱májánʼ mugíʼnín xa̱bu̱ Israel, nitanga̱a̱ inuu xígií náa ku̱ba̱ʼ mijxooʼ.
2 Balaam nikujxi̱i̱ edxu̱u̱ ndiʼyoo rí xa̱bu̱ Israel gíi̱nʼ náa mámbá xuajin majkhaʼ. Ikhú espíritu ndrígóo Dios ni̱ʼkha̱ náa ikhaa.
3 Nda̱wa̱á ikhaa niʼthí ajngóo Dios rígi̱:*
“Ajngóo Balaam a̱ʼdióo Beor,rí niʼthí mbáa xa̱biya̱ bi̱ nimbaʼtoo iduu,
4 rí naʼthí bi̱ niʼdxawuun ajngóo Dios,bi̱ ndiʼyoo mbá rí niwasngájmáá* niʼni bi̱ gíʼdoo xúgíʼ tsiaki̱i̱,bi̱ nismbáti̱go̱o̱ kambaʼta iduu.
5 ¡Ra̱ʼkhá tháán mitsaanʼ* nindxu̱u̱ guʼwá xtíin ndrígáaʼ, Jacob!¡Ra̱ʼkhá tháán mitsaanʼ nindxu̱u̱ guʼwá xtíin ndrígáaʼ, Israel!
6 Nindxu̱u̱ xóo mbá mata* rí mbaʼ ga̱jma̱a̱ ma̱ja̱nʼ,xóo huerto dí rígá náa rawuunʼ mañu,xó má áloes* rí Jeobá ni̱ʼdu̱u̱,xó má cedros dí rígá náa rawuunʼ iyaʼ.
7 Natsuwooʼ má xúʼko̱ iyaʼ náa nájma̱ rí ka̱jnu̱ʼ rí niguma ga̱jma̱a̱ xtá,tsígáʼ ndrígóo najuiʼdu náa rígá mbaji̱ʼ iyaʼ.
Rey ndrígóo mani̱ndxu̱u̱ itháan mba̱a̱ ki xóo Agagga̱jma̱a̱ náa naʼtáñajunʼ maguma mba̱a̱.
8 Dios xtáa raguwíin náa Egipto.Ikhiin nduyáá rí ikhaa nindxu̱u̱ xóo chi̱jyu̱u̱ʼ mbáa xedi̱ xáná.
Maʼni gámbíin xa̱bu̱ xuajin bi̱ nuni̱ gínáa,majkumígu̱u̱ i̱tsu̱ún ga̱jma̱a̱ flecha ndrígóo.
9 Ikhaa naginduti̱ga̱, nabóoʼ xóo mbáa león,tsáá lá tsémíñúu rí maʼni gigaa mbáa león rá.
Gaguma tsajkurámíinʼ bi̱ gúni̱ tsajkurámáánʼ,gajuiʼthá tsríguíin bi̱ gútatsríguíín”.
10 Ikhú Balac nikiʼnáa kaʼyoo Balaam. Balac asndu naʼdu̱u̱ ñawúunʼ nikásngañu̱u̱ʼ ga̱jma̱a̱ niʼthúu̱n Balaam: “Nindxa̱ʼwa̱a̱ʼ mu marata̱ tsríguíin bi̱ sia̱nʼ gajmíʼ, i̱ndó rí natani̱ nindxu̱u̱ rí natani̱ tsajkurámiinʼ náa ajtsú nuthu rígi̱.
11 Nacha̱ atanga̱án náa guʼwáaʼ. Ikhúún nindoʼ maxna̱a̱ʼ mbaʼa rí gíʼdoo numuu, mú Jeobá nirikoo rí xátadrígú”.
12 Balaam niriʼñuu Balac: “Lá táthúu̱n xa̱bu̱ bi̱ nitaxúʼmiin ráʼ.
13 ‹Maski ajndu Balac maxnúʼ goʼwóo rí kajtíí plata ga̱jma̱a̱ oro, ikhúún xándoo ma̱ni̱ rí májánʼ ni má dí ra̱májánʼ xó má ikhúún eyoʼ á mu raʼkháa Jeobá gáʼtañajunʼ ma̱ni̱›. Lá na̱nguá ni̱tala rí ‹I̱ndó ma̱ta̱ dí Jeobá gáʼthúnʼ ráʼ.›
14 Rí xúgi̱ maʼgáaʼ xuajñunʼ. Mú ginii ayi̱, atatsíñúnʼ ma̱tha̱a̱nʼ rí xuajin rígi̱ maʼniuu xuajñaanʼ nda̱wa̱á”.*
15 Nda̱wa̱á ikhaa niʼthí ajngóo Dios rígi̱:
“Ajngóo Balaam a̱ʼdióo Beor,rí niʼthí mbáa xa̱biya̱ bi̱ nimbaʼtoo iduu,
16 rí naʼthí bi̱ niʼdxawuun ajngóo Dios,bi̱ gíʼdoo ku̱ma̱ ndrígóo bi̱ phú Mba̱a̱,bi̱ gíʼdoo xúgíʼ tsiaki̱i̱ rígá mbá rí nisngájmuuíndo̱ nismbáti̱go̱o̱ kambaʼta iduu:
17 Ikhúún mba̱yo̱o̱, mú raʼkháa xúgi̱,ikhúún maʼni inuʼ, mú raʼkháa nacha̱.
Mbáa a̱ʼgua̱a̱n magajnúu náa Jacobga̱jma̱a̱ mbá ixi̱ ñajunʼ matujxu̱u̱ náa Israel.
Ikhaa gajkhun makuíʼtá xkídooʼ Moabga̱jma̱a̱ itsu̱ edxu̱ún xúgíinʼ xa̱bu̱ ra̱míjíinʼ.
18 Edom mani̱ndxu̱u̱ mbayuuʼ,xúʼko̱, Seír mani̱ndxu̱u̱ mbañúúnʼ bi̱ sia̱nʼ gajmíi̱n,mú Israel masngájma tsiaki̱i̱ ndrígóo.
19 Mbáa bi̱ ma̱ʼkha̱ náa Jacob maʼngo̱o̱ maʼni gajmíi̱nʼ eʼwíinʼga̱jma̱a̱ maʼni gámbíin xúgíinʼ bi̱ gákáwíin náa xuajin”.
20 Índo̱ Balaam ndiʼyoo Amalec, niʼthí má xúʼko̱ ajngóo Dios rígi̱:
“Amalec nindxu̱u̱ timbá xuajin,mú nda̱wa̱á makhañúu”.
21 Índo̱ ikhaa ndiʼñún quenitas, niʼthí má xúʼko̱ ajngóo Dios rígi̱:
“Guʼwáaʼ wíji̱ jxa̱ʼ ga̱jma̱a̱ náa xtaa grígu náa inuu xpátsí.
22 Mú mbáa matsikáa Cayín.
Nguáthá lá mba̱yu̱u̱ʼ tígo̱o̱ mu Asiria maʼga kañáán guʼwá ejua̱a̱nʼ rá.”
23 Ga̱jma̱a̱ ikhaa niʼthí má xúʼko̱ ajngóo Dios rígi̱:
“¡Gínáaʼla! Tsáá lá gákríya̱a̱ʼ índo̱ Dios gáʼni rígi̱ rá.
24 Maguáʼnú barco náa rawuunʼ lamáa* ndrígóo Kitim,muni̱ gínáa Asiriaga̱jma̱a̱ muni̱ gínáa Éber.
Mú ikhaa ma̱ngaa maguma gámbáa mbá kayuuʼ”.
25 Ikhú Balaam nitu̱jxu̱u̱ ga̱jma̱a̱ ni̱jkha̱a̱ náa xuajñuu. Balac ma̱ngaa niguajthun kambo̱o̱ ni̱jkha̱a̱.
Mbaʼa nota
^ Náa ajngáa hebreo naʼthí, “rí májánʼ náa iduu Jeobá”.
^ Náa ajngáa hebreo naʼthí, “proverbios”.
^ O “visión”.
^ O “nagui̱i̱”.
^ O “bóo”.
^ Xúʼko̱ mbiʼyuu mbá ixi̱ rí naxná wájyooʼ ga̱jma̱a̱ aceite dí najmún xa̱bu̱ nákhá wajyúuʼ mu muni̱ rí ndataun.
^ O “índo̱ gárámúuʼ mbiʼi”.
^ O “mar”.
