Deuteronomio 33:1-29
33 Xígi̱ kaʼnii rí Moisés, bi̱ nindxu̱u̱ xa̱bi̱i̱ Dios bi̱ gajkhun, niʼni tsajkurámiinʼ israelitas índo̱ inu makhañúu.
2 Niʼthí:
“Jeobá ni̱ʼkha̱ asndu náa Sinaíga̱jma̱a̱ asndu náa Seír nixpíbíinʼ náa ikhiin.
Nimbiʼi agiuuʼ rí naxpíbínʼ asndu náa kúbá ndrígóo Parán,ikhaa xtáa gajmíi̱n ángeles bi̱ mikaʼwiin bi̱ ra̱ʼkhá tháán mbaʼin,náa ñawún mújúunʼ dri̱gi̱i̱n bi̱ nuni̱ guerra.
3 Ikhaa nindoo kaʼyoo xuajñuu.Xúgíinʼ bi̱ kúwá náa xuajin bi̱ ni̱ndxu̱ún kaʼwiin kúwá náa ñawáanʼ.
Ikhiin trigi̱i̱n náa rajkuáaʼ,nigi̱ʼdi̱i̱ nidxawíín ajngá rawaanʼ.
4 (Moisés nixnúxu̱ʼ mbá kiʼtáñajunʼ, mbá xtángoo,rí nindxu̱u̱ ndrígu̱ún bi̱ nagimbíi̱n náa Jacob).
5 Ikhaa ninindxu̱u̱ rey náa Jesurún,*índo̱ bi̱ kuya̱ edxu̱u̱ náa xuajin nigimbíi̱ngajmiún xúgíʼ xuajin majkhaʼ ndrígóo Israel.
6 Gaxtáa Rubén ga̱jma̱a̱ xákhañuuma̱ngaa xa̱bi̱i̱ xáʼga̱nú mani̱ndxu̱ún nguéjmi̱i̱n”.
7 Ikhaa niʼni tsajkurámáánʼ Judá:
“Tátá Jeobá, atadxawíín aʼwóo Judá,aya̱a̱ʼ jcháa mbu̱júu̱ náa xuajñuu.
Ga̱jma̱a̱ tsiaki̱i̱ ndrígóo niñewu̱u̱n rí gíʼdooga̱jma̱a̱ ikháán atambáyii mu maxmíjná gajmíi̱n bi̱ sia̱nʼ gajmíi̱n”.
8 Rígi̱ rí niʼthí ga̱jma̱a̱ numuu Leví:
“Ikháán* Tumim ga̱jma̱a̱ Urim* kaʼyáaʼ bi̱ nawi̱ji̱ jmbu náa ikháán,bi̱ ikháán nitagíʼ tsáʼkhá náa inuu náa Masá.
Ikháán nitagíʼdi̱i̱ nitaxmíjná ga̱jma̱a̱ʼ ikhaa náa iyaʼ dí rígá náa Meribá,
9 xa̱bi̱i̱ Leví nithúún anu̱ún ga̱jma̱a̱ rudún: ‹Nánguá ku̱mu̱xu kuyalaʼ›.
Ni má na̱nguá niniʼnúnʼ a̱ngiu̱únga̱jma̱a̱ asndu e̱jñu̱ún túniʼnuuʼ.
Numuu rí ikhiin ninimbu̱u̱n ajngá rawaanʼga̱jma̱a̱ ninimbáníí dí nimbánaaʼ gajmiáanʼ.
10 Ikhiin muxnáá ikha Jacob ga̱jma̱a̱ kiʼtáñajunʼ ndrígáaʼ,xúʼko̱ má muxnáá ikha Israel ga̱jma̱a̱ Xtángoo ndrígáaʼ.
Guxnajxi̱ rí mitsaanʼ* ndataun tayáá ikháán*ga̱jma̱a̱ mbá tsigijñaʼ rí nindxu̱u̱ kájxi̱ náa nakarámáʼ tsigijñaʼ.
11 Tátá Jeobá, atani̱ tsajkurámááʼ tsiaki̱i̱ ndrígóo,atandrígú ga̱jma̱a̱ gagi xúgíʼ rí naʼni ga̱jma̱a̱ ñawúunʼ.
Ataxpigáʼ xtiñún bi̱ naguájxu̱ kuya̱a̱,mu xúʼko̱ bi̱ nawiñu̱u̱nʼ kuyáá ni xáguájxu̱ itháan”.
12 Rígi̱ rí niʼthí ga̱jma̱a̱ numuu Benjamín:
“Bi̱ Jeobá nandoo kaʼyoo mbóo gáxtáa ga̱jma̱a̱ nditháan nda̱a̱ rí gágíʼnuu,ikhaa mañewu̱u̱n kañiiʼ mbiʼi,ikhaa magri̱gu náa xpajpoo”.
13 Rígi̱ rí niʼthí ga̱jma̱a̱ numuu José:
“Jeobá gaʼni tsajkurámuuʼ ku̱bo̱o̱ʼga̱jma̱a̱ xúgíʼ rí májánʼ dí nagajta̱a̱ mekhuíí,xuájyaʼ ga̱jma̱a̱ iduu iyaʼ dí rígá náa agoo ku̱ba̱ʼ,
14 ga̱jma̱a̱ xúgíʼ rí májánʼ rí a̱jkha̱ʼ naʼni mikhi̱i̱ma̱ngaa xúgíʼ rí májánʼ rí najma̱a̱ náa mámbá igu̱nʼ,
15 xúgíʼ rí májánʼ dí rígá náa kúbá wayuu*ga̱jma̱a̱ xúgíʼ rí májánʼ dí rígá náa bíjní dí mbajyúuʼ,
16 xúgíʼ rí májánʼ dí rígá náa ku̱ba̱ʼ ga̱jma̱a̱ rí najma̱a̱numuu rí nigruiguíi bi̱ nikujmaa náa xtáʼdu̱u̱ iná tsuwanʼ.
Gagajtaa xúgíʼ rígi̱ náa edxu̱u̱ José,garígá náa nuʼu̱u̱ bi̱ nixtaʼwíi náa majñu̱únʼ a̱ngui̱i̱n.
17 Tsiaki̱i̱ ndrígóo nindxu̱u̱ xóo mbáa xedi̱ bi̱ nigumaa ginii,ga̱jma̱a̱ chi̱jyu̱u̱ʼ nindxu̱u̱ xóo chi̱jyu̱u̱ʼ mbáa xedi̱ xáná.
Ikhaa gájmuu mu makuʼndigui̱i̱nʼ ga̱jma̱a̱ xa̱bu̱ xuajin,mbóo gáʼga kagui̱i̱n xígií asndu náa námuu ku̱ba̱ʼ.
Nindxu̱ún soldado bi̱ ra̱ʼkhá tháán mbaʼin náa Efraín,ga̱jma̱a̱ ikhiin ni̱ndxu̱ún bi̱ mbaʼin náa Manasés”.
18 Rígi̱ rí niʼthí ga̱jma̱a̱ numuu Zabulón:
“Gaʼdxaaʼ ikháán Zabulón índo̱ gágájnáaʼ,ga̱jma̱a̱ ikháán Isacar gaʼdxaaʼ náa guʼwá xtíin ndrígáaʼ.
19 Ikhiin mundxaʼwun xa̱bu̱ xuajin náa kúbá.
Ikhí muxnajxi̱ tsigijñaʼ rí mixtrigú.
Numuu rí maguwáʼ kudúún rí gíʼdoo numuu náa lamáa*ga̱jma̱a̱ rí gíʼdoo numuu dí rígá ngu̱ʼwa̱ náa jui̱ʼi̱”.
20 Rígi̱ rí niʼthí ga̱jma̱a̱ numuu Gad:
“Gaguma tsajkurámaaʼ bi̱ gáʼni mba̱a̱ mbayuuʼ Gad.
Ikhaa nagíʼndutiga̱* ikhí xó má eʼni mbáa león,xtáa xawii mu mikurigú ñawúunʼ ga̱jma̱a̱ edxu̱u̱ xujkhúʼ bi̱ maguguaa.
21 Ikhaa niraʼwíí ku̱ba̱ʼ rí itháan májánʼ,magruigú rí kaʼyoo dí niyéjxi̱i̱ bi̱ nigruiga̱ xtángoo.
Bi̱ kuya̱ edxu̱u̱ náa xuajin magimbíin.
Ikhaa maʼnimbánuu xtángoo ndrígóo Jeobá,rí nindxu̱u̱ jmbu gajmíi̱n xa̱bu̱ Israel”.
22 Rígi̱ rí niʼthí ga̱jma̱a̱ numuu Dan:
“Dan nindxu̱u̱ mbáa a̱ʼdá león.
Makijxi̱i̱ asndu náa Basán”.
23 Rígi̱ rí niʼthí ga̱jma̱a̱ numuu Neftalí:
“Neftalí nadxuu numuu rí Jeobá naʼni a̱jkiu̱u̱n kaʼyooga̱jma̱a̱ naʼni tsajkurámaaʼ.
Nagruigú ku̱ba̱ʼ dí rígá xígií náa narámaaʼ a̱jkha̱ʼ* ga̱jma̱a̱ náa sur”.
24 Rígi̱ rí niʼthí ga̱jma̱a̱ numuu Aser:
“Aser niguma tsajkurámaaʼ mu magiʼdiin mbaʼin e̱ji̱i̱n.
A̱ngui̱i̱n gaʼnduun kuyáága̱jma̱a̱ gaʼjñáan rajkhúu náa aceite.
25 Ajua̱nʼ ga̱jma̱a̱ cobre nindxu̱u̱ rí nagúguáa ga̱jma̱a̱ xkruguaa’,xúgíʼ mbiʼi rí gáraxtaa xámiñaʼ.
26 Ndawa̱a̱ imba̱a̱ xóo Dios bi̱ gajkhun ndrígóo Jesurún,bi̱ nambáyaaʼ asndu mekhuííbi̱ naxpíbiʼ agiuuʼ grígú náa du̱u̱n.
27 Dios nindxu̱u̱ náa matambáyuminaʼ asndu nákha wajyúuʼ,makujxi̱i̱n ga̱jma̱a̱ ñawúunʼ rí mbajyúuʼ asndu kámuu.
Ga̱jma̱a̱ ikhaa maxkawíin bi̱ sia̱nʼ gajmiáanʼ,ga̱jma̱a̱ maʼtháanʼ: ‹¡Atanimbátigi̱i̱n!›.
28 Israel nda̱a̱ rí gágiʼnu̱u̱ náa maxtáaga̱jma̱a̱ e̱ji̱i̱n Jacob* makuwá wájííʼnáa mbá ku̱ba̱ʼ rí ma̱jma̱a̱ rí najuiʼdu ga̱jma̱a̱ vino nuxi̱ʼ,mekhu matsuwarígú má xúʼko̱ xuájyaʼ.
29 ¡Gagi xtaa ikháán Israel!
Tsáá imba̱a̱ xóo ikháán,mbá xuajin rí Jeobá niʼni kríyáaʼ rá.Ikhaa nindxu̱u̱ escudo rí nañewa̱a̱nʼga̱jma̱a̱ ikhaa nindxu̱u̱ mbá espada rí mba̱a̱.
Xa̱bu̱ sia̱nʼ ndrígáaʼ muxmajtamijná náa ikháánga̱jma̱a̱ ikháán mataxujmbiríga̱ tsu̱du̱ún”.
Mbaʼa nota
^ Rí nandoo gáʼthúu̱n ‹xa̱bu̱ jmbii›. Xígi̱ kaʼnii etháán Israel índo̱ nuxnáá gamajkhu.
^ Náa versículo rígi̱, ajngáa rí naʼthí ikháán, nandoo gáʼthí rí nindxu̱u̱ Dios.
^ O “nagui̱i̱”.
^ Náa ajngáa hebreo naʼthí, “mitsaanʼ ndataun yeyaaʼ náa rakháaʼ”.
^ O mbáa “kúbá dí rígá náa nagájnuu a̱jkha̱ʼ”.
^ O “mar”.
^ O “naxngutigamínáʼ”.
^ O “oeste”.
^ Náa ajngáa hebreo naʼthí, “puzu ndrígóo Jacob”.
