El Cantar de los Cantares 7:1-13

  • Rey (1-9a)

    • “Ra̱ʼkhá tháán mitsiʼñán” (6)

  • Sulamita (9b-13)

    • “Dxámá bi̱ nandoʼ ka̱yo̱o̱ nindxu̱u̱ ndrígióʼ, i̱ndó ikhúún eni̱gu̱u̱ʼ eni̱” (10)

7  “¡Mitsaanʼ* rajkuáaʼ kujmaa índo̱ xtajngráʼaaʼ raxtáaʼ,*dxáʼgú bi̱ májáanʼ a̱jkiu̱u̱n! Mitsaanʼ xtiyaaʼ, nindxu̱u̱ asndu xóo kijmaratáá,ñajunʼ rí niʼni mbáa xa̱bu̱ bi̱ najmañuu.  2  Xóo mbá xua̱a̱ dijndi nindxu̱u̱ rumia̱a̱ʼ. Nditháan xámúu vino ikhí. Xó mbá ru̱tsu̱u̱ trigo kaʼnii awáanʼnáa mbájndi rígá ri̱ʼi̱ lirio.  3  Xóo a̱jmi̱i̱n e̱ji̱i̱n gacela* nindxu̱u̱ cháʼdáaʼ,kuateʼ bi̱ nigiʼdiin mbáa gacela.  4  Aphaaʼ nindxu̱u̱ xóo torre rí niguma ga̱jma̱a̱ marfil.* Idaaʼ nindxu̱u̱ xóo iyaʼ ndrígóo Hesbóndí rígá mijngii náa xkrugoo Bat-Rabim. Rakháaʼ nindxu̱u̱ xóo torre dí rígá náa Líbano,rí naʼni inuu xígií náa Damasco.  5  Ra̱ʼkhá tháán mitsaanʼ edxa̱a̱ʼ asndu xóo kúbá Carmelo kaʼnii,xtátsianʼ dí xprígú wájííʼ* nindxu̱u̱ xóo mugu̱ miʼñuu. Ra̱ʼkhá tháán nigu̱u̱ rey xú kaʼnii eʼba̱a̱n tátsiáanʼ eʼni giñánʼ.  6  Dxáʼgú bi̱ nandún kuyáá, ¡Ra̱ʼkhá tháán mitsiʼñán,itháán mitsiʼñán ikháán ki xóo xúgíʼ dí mitsaanʼ rígá!  7  Mba̱ñi̱i̱nʼ xóo mbá palmeracháʼdáaʼ nindxu̱u̱ xóo juáyúu dátiles.  8  Ni̱tha̱: ‹Matsimuʼ náa ixi̱ palmeramu maguájtuun juáyúu náa jngrígú xndúu›. Cháʼdáaʼ ganindxu̱u̱ xóo juáyúu uva,xi̱ʼ dí gágájna̱a̱ náa rawaanʼ gánindxu̱u̱ xóo ndataun manzana,  9  ga̱jma̱a̱ rawaanʼ, xóo vino rí itháán májánʼ”. “Manigu̱u̱ʼ ndxáma bi̱ nandoʼ ka̱yo̱o̱ índo̱ gágáan,asndu mitaun gagutraʼaa náa rawúúnʼ bi̱ nunuʼ. 10  Dxámá bi̱ nandoʼ ka̱yo̱o̱ nindxu̱u̱ ndrígióʼ,i̱ndó ikhúún eni̱gu̱u̱ʼ eni̱. 11  Dxámá bi̱ nandoʼ ka̱yo̱o̱, ayi̱,guʼgualú xanáá,gaguanúlú náa majñu̱u̱ʼ xtáʼdu̱u̱ iná alheña. 12  Miʼcha̱ gúguajxu̱u̱nʼ muʼgualú náa mbaaʼ dí kiʼdu uva,mu mbuʼyáá á mu nirudíinʼ má ixi̱ uva,á mu nijmi̱di̱ má ri̱ʼi̱,ga̱jma̱a̱ á mu nijmi̱di̱ má riʼyu̱u̱ granada. Ikhí gásngajmáaʼ rí nandoʼ ka̱ya̱a̱ʼ. 13  Mitsaanʼ ndataun xóo ejkha̱ jxu̱u̱ʼ mandrágoras,náa riejunlú guáʼdáá xúgíʼ enii xndú rí itháán májánʼ. Rí xáwíí nigajtaa xúʼko̱ má rí nijndooʼ,nigújxíi miʼtsu ikháán dxámá bi̱ nandoʼ ka̱yo̱o̱.

Mbaʼa nota

^ O “nagui̱i̱”.
^ O “chádáaʼ”.
^ Nindxu̱u̱ mbáa aña̱ʼ bi̱ nagáyúu itháan nacha̱.
^ Rígi̱ na̱ʼkha̱ náa iñúúnʼ dí miʼxá elefante ga̱jma̱a̱ eʼwíinʼ xujkhúʼ.
^ Náa ajngáa hebreo naʼthí, “edxa̱a̱ʼ”.
TRADUCCIÓN DEL NUEVO MUNDO DE LAS SANTAS ESCRITURAS
El Cantar de los Cantares 7
me̱ʼpha̱a̱
Araxnuu Biblia náa Internet
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt