Rí niʼnirámáʼ Lucas 3:1-38
3 Índo̱ naʼni má 15 tsiguʼ rí xtáa raʼtáñajunʼ Tiberio César, xó má Poncio Pilato xtáa raʼtáñajunʼ náa Judea, Herodes* naʼtáñajunʼ náa mbayuuʼ Galilea, xó má ndxájuu bi̱ mbiʼyuu Filipo naʼtáñajunʼ náa Iturea ga̱jma̱a̱ Traconítide ga̱jma̱a̱ Lisanias naʼtáñajunʼ náa mbayuuʼ Abilene,
2 nákha mbiʼi rí Anás ga̱jma̱a̱ Caifás ninindxu̱ún ndxajkun bi̱ kuya̱ edxu̱u̱, Juan, a̱ʼdióo Zacarías nigruigú ajngóo Dios náa ku̱ba̱ʼ mijxooʼ.
3 Ikhú ikhaa ni̱jkha̱ raʼtáraʼa náa mbá xúgíʼ mbayuuʼ Jordán ga̱jma̱a̱ numuu rí majngúún iyááʼ, dí nandoo gáʼthúu̱n rí natanga̱a̱ a̱jkiu̱ún dí nikiéʼkhun.
4 Nirígá xó má naʼthí náa i̱yi̱i̱ʼ rí niʼnirámáʼ profeta* Isaías: “Náa ku̱ba̱ʼ mijxooʼ nawáán aʼwóo mbáa xa̱bu̱ rí naʼthí: ‹¡Gu̱ni̱ májáanʼ kambo̱o̱ Jeobá!* Gu̱ni̱ kaʼwi̱i̱ kambo̱o̱.
5 Xúgíʼ mata mambaníi, xúgíʼ kúbá ga̱jma̱a̱ bíjní maʼni̱i̱ xkua̱, maʼni̱i̱ jmbu kamba̱a̱ rí mixngaa ga̱jma̱a̱ kamba̱a̱ rí xkawiʼ mambaníi.
6 Xúgíinʼ xa̱bu̱ mbuyáá xú káʼnii Dios gáʼni káwíin›”.
7 Ikhú Juan niʼthún xa̱bu̱ bi̱ naguwáʼ náa ikhaa mu makumíinʼ iyááʼ: “E̱jín a̱bu̱nʼ, tsáá niʼtála maguwaʼ. Lá nakumalaʼ dí makáwáanʼ índo̱ Dios gákiʼnáa ráʼ.
8 Ginii gusngajmá rí natanga̱a̱ a̱jkia̱la. Xútha̱a̱n a̱jkia̱la mu̱tha̱ rígi̱ ‹anu̱xu nindxu̱u̱ Abrahán›. Numuu rí na̱tala rí Dios ma̱ndoo maʼni rí asndu náa itsí rígi̱ magajnún bi̱ mani̱ndxu̱ún e̱ji̱i̱n Abrahán.
9 Rígá má xawii hacha mu marujtu ixi̱ asndu ajmu̱ú. Ikha jngóo, xúgíʼ ixi̱ dí tséxná májánʼ xndúu mutuwíi ga̱jma̱a̱ majti mikha náa aguʼ”.
10 Ikhú xa̱bu̱ nirajxi̱: “Ndiéjunʼ rí gíʼmaa munixu̱ rá.”
11 Ikhaa niʼthún: “Bi̱ gíʼdoo a̱jma̱ edi̱i̱ xtíin gaxnúu mbá edi̱i̱ bi̱ ragíʼdoo, xúʼko̱ má gáʼni bi̱ gíʼdoo rí mi̱khu̱ ma̱ngaa”.
12 Asndu bi̱ nuruma mbújkho̱o̱ guʼwá ñajunʼ niguwáʼ mu majngún iyááʼ ga̱jma̱a̱ nirajxi̱i̱: “Maestro, ndiéjunʼ gáʼyóoʼ munixu̱ ikháanʼ rá.”
13 Ikhaa niʼthún: “Xúruma itháan ki xóo rí kaʼyoo”.
14 Soldados ma̱ngaa nirajxi̱: “Ndiéjunʼ gíʼmaa munixu̱ rá.” Ikhaa niʼthún: “Xúni̱ xkájkiu̱u̱n* nimbáa ni má xúni̱ gámaa nimbáa xa̱bu̱, gaʼdxala má ga̱jma̱a̱ rí nudaʼla”.
15 Xúgíinʼ xa̱bu̱ xuajen niguáʼti̱i̱n Cristo, ikha jngóo nindxa̱ʼwa̱míjna̱ á mu Juan nindxu̱u̱ Cristo.
16 Mú Juan niʼthún kaʼwu xóo phú nindxu̱u̱: “Ikhúúnʼ, nakuʼmáanʼla náa iyááʼ. Mú, bi̱ na̱ʼkha̱ kidxuʼ gíʼdoo itháan tsiakii ki xóo ikhúúnʼ, ga̱jma̱a̱ ikhúúnʼ ni rakáʼyoʼ marajkúuʼ raxtóo.* Ikhaa matsúwáanʼla ga̱jma̱a̱ espíritu santo* ma̱ngaa ga̱jma̱a̱ aguʼ.*
17 Ga̱jma̱a̱ kayá má ajua̱nʼ* rí maxpájxi̱ ga̱jma̱a̱, mu maʼni kaʼwi̱i̱ náa niñejunʼ, magímbóo trigo ga̱jma̱a̱ magujxi̱i̱ náa xtagaʼu, mú náskoo matsikáa náa aguʼ dí rakáʼnii majuiʼyúu”.
18 Ma̱ngaa mbaʼa rí niʼtamúʼún xa̱bu̱ xuajen ga̱jma̱a̱ niʼthún má xúʼko̱ ajngáa rí májánʼ.
19 Mú Juan niríyúu Herodes, bi̱ naʼtáñajunʼ náa mbaaʼ rúʼko̱, numuu rí ndiyáa Herodías bi̱ nindxu̱u̱ a̱ʼgiu̱u̱ ndxájuu ma̱ngaa ga̱jma̱a̱ numuu i̱ʼwáʼ dí raʼkhí rí niʼni,
20 niʼni i̱mba̱ dí raʼkhí, niruguaraʼaa Juan náa guʼwá e̱jua̱nʼ.
21 Índo̱ xúgíinʼ xa̱bu̱ nijngún iyááʼ, ikhú Jesús nijngúun iyááʼ ma̱ngaa. Índo̱ xtáa raʼtájkáan,* ikhú nimbaʼtoo mekhu.
22 Ga̱jma̱a̱ espíritu santo nigajtaa náa ikhaa xóo mbáa paloma, ga̱jma̱a̱ náa mekhu niwáán mbá aʼwá rí niʼthí: “Ikháán nindxa̱a̱ʼ A̱ʼdióʼ, bi̱ nandoʼ ka̱yo̱o̱, bi̱ naʼni maʼdxuu a̱jkiu̱nʼ”.
23 Jesús nigíʼdu̱u̱ niʼsngáa índo̱ gíʼdoo 30 tsiguuʼ. Xa̱bu̱ nithi rí nindxu̱u̱ a̱ʼdióo José,xó má José ninindxu̱u̱ a̱ʼdióo Helí.
24 Helí ninindxu̱u̱ a̱ʼdióo Matat,xó má Matat ninindxu̱u̱ a̱ʼdióo Leví,Leví ninindxu̱u̱ a̱ʼdióo Melquí,xó má Melquí ninindxu̱u̱ a̱ʼdióo Janaí,xó má Janaí ninindxu̱u̱ a̱ʼdióo José.
25 José ninindxu̱u̱ a̱ʼdióo Matatías,xó má Matatías ninindxu̱u̱ a̱ʼdióo Amós,Amós ninindxu̱u̱ a̱ʼdióo Nahúm,xó má Nahúm ninindxu̱u̱ a̱ʼdióo Eslí,Eslí ninindxu̱u̱ a̱ʼdióo Nagái.
26 Nagái ninindxu̱u̱ a̱ʼdióo Maat,xó má Maat ninindxu̱u̱ a̱ʼdióo Matatías,Matatías ninindxu̱u̱ a̱ʼdióo Semeín,xó má Semeín ninindxu̱u̱ a̱ʼdióo Josec,Josec ninindxu̱u̱ a̱ʼdióo Jodá.
27 Jodá ninindxu̱u̱ a̱ʼdióo Joanán,xó má Joanán ninindxu̱u̱ a̱ʼdióo Resá,Resá ninindxu̱u̱ a̱ʼdióo Zorobabel,xó má Zorobabel ninindxu̱u̱ a̱ʼdióo Sealtiel,Sealtiel ninindxu̱u̱ a̱ʼdióo Nerí.
28 Nerí ninindxu̱u̱ a̱ʼdióo Melquí,xó má Melquí ninindxu̱u̱ a̱ʼdióo Adí,Adí ninindxu̱u̱ a̱ʼdióo Cosam,xó má Cosam ninindxu̱u̱ a̱ʼdióo Elmadam,Elmadam ninindxu̱u̱ a̱ʼdióo Er.
29 Er ninindxu̱u̱ a̱ʼdióo Jesús,xó má Jesús ninindxu̱u̱ a̱ʼdióo Eliezer,Eliezer ninindxu̱u̱ a̱ʼdióo Jorim,xó má Jorim ninindxu̱u̱ a̱ʼdióo Matat,Matat ninindxu̱u̱ a̱ʼdióo Leví.
30 Leví ninindxu̱u̱ a̱ʼdióo Simeón,xó má Simeón ninindxu̱u̱ a̱ʼdióo Judas,Judas ninindxu̱u̱ a̱ʼdióo José,xó má José ninindxu̱u̱ a̱ʼdióo Jonam,Jonam ninindxu̱u̱ a̱ʼdióo Eliaquim.
31 Eliaquim ninindxu̱u̱ a̱ʼdióo Meleá,xó má Meleá ninindxu̱u̱ a̱ʼdióo Mená,Mená ninindxu̱u̱ a̱ʼdióo Matatá,xó má Matatá ninindxu̱u̱ a̱ʼdióo Natán,Natán ninindxu̱u̱ a̱ʼdióo David.
32 David ninindxu̱u̱ a̱ʼdióo Jesé,xó ma Jesé ninindxu̱u̱ a̱ʼdióo Obed,Obed ninindxu̱u̱ a̱ʼdióo Boaz,xó má Boaz ninindxu̱u̱ a̱ʼdióo Salmón,Salmón ninindxu̱u̱ a̱ʼdióo Nahsón.
33 Nahsón ninindxu̱u̱ a̱ʼdióo Aminadab,xó má Aminadab ninindxu̱u̱ a̱ʼdióo Arní,Arní ninindxu̱u̱ a̱ʼdióo Hezrón,xó má Hezrón ninindxu̱u̱ a̱ʼdióo Pérez,Pérez ninindxu̱u̱ a̱ʼdióo Judá.
34 Judá ninindxu̱u̱ a̱ʼdióo Jacob,xó má Jacob ninindxu̱u̱ a̱ʼdióo Isaac,Isaac ninindxu̱u̱ a̱ʼdióo Abrahán,xó má Abrahán ninindxu̱u̱ a̱ʼdióo Taré,Taré ninindxu̱u̱ a̱ʼdióo Nacor.
35 Nacor ninindxu̱u̱ a̱ʼdióo Serug,xó má Serug ninindxu̱u̱ a̱ʼdióo Reú,Reú ninindxu̱u̱ a̱ʼdióo Péleg,xó má Péleg ninindxu̱u̱ a̱ʼdióo Éber,Éber ninindxu̱u̱ a̱ʼdióo Selá.
36 Selá ninindxu̱u̱ a̱ʼdióo Cainán,xó má Cainán ninindxu̱u̱ a̱ʼdióo Arpaksad,Arpaksad ninindxu̱u̱ a̱ʼdióo Sem,xó má Sem ninindxu̱u̱ a̱ʼdióo Noé,Noé ninindxu̱u̱ a̱ʼdióo Lamec.
37 Lamec ninindxu̱u̱ a̱ʼdióo Matusalén,xó má Matusalén ninindxu̱u̱ a̱ʼdióo Enoc,Enoc ninindxu̱u̱ a̱ʼdióo Jared,xó má Jared ninindxu̱u̱ a̱ʼdióo Mahalaleel,Mahalaleel ninindxu̱u̱ a̱ʼdióo Cainán.
38 Cainán ninindxu̱u̱ a̱ʼdióo Enós,xó má Enós ninindxu̱u̱ a̱ʼdióo Set,Set ninindxu̱u̱ a̱ʼdióo Adán,xó má Adán ninindxu̱u̱ a̱ʼdióo Dios.
Mbaʼa nota
^ O “gaʼyee”, “bi̱ naʼthí dí marigá”.
^ O “xúriyakaʼyíí mbújkho̱o̱ ga̱jma̱a̱ tsiakii”.
^ O “chádoo”.
^ Rígi̱ nandoo gáʼthúu̱n rí maxtaʼwíin ga̱jma̱a̱ espíritu santo ma̱ngaa rí mambíin ga̱jma̱a̱ aguʼ.
^ O “xóo mbá pala rí najmaa mu muxpajxi̱ ga̱jma̱a̱”.
^ O “raʼni tsajkuun”.
