Rí niʼnirámáʼ Marcos 16:1-8
-
Jesús nigabi̱i̱ (1-8)
16 Índo̱ nijngoo má sábado,* María Magdalena ga̱jma̱a̱ María ru̱dúu̱ Santiago ga̱jma̱a̱ Salomé nitsi̱ iná rí ndataun rí ninda̱wa̱a̱ʼ ga̱jma̱a̱ aceite mu magún gúxtajmáá xuyuuʼ Jesús.
2 Miʼcha̱ wéñuuʼ mbiʼi rí ndayáa xmáná xóo ngu̱ti̱ga̱ a̱jkha̱ʼ nigún náa iñá wajinʼ.
3 Ga̱jma̱a̱ nitamijná: “Tsáá lá gámbáyulú marmbíjxi̱ itsí rí kúgoo ga̱jma̱a̱ iñá wajinʼ rá.”
4 Mú índo̱ nindriga̱a̱ májánʼ idún, ndiyáá rí guámbu̱u̱n má nirmbijxi̱ itsí maski ajndu mba̱a̱ wéñuuʼ.
5 Índo̱ nitu̱ʼu̱u̱n náa iñá wajinʼ, ndiyáá mbáa dxámá gíʼ náa ñawún mújúúnʼ bi̱ kagúwúunʼ mbá xtíin mbi̱jua̱* miʼxá. Ikhú nimíñúún.
6 Ikhaa niʼthún: “Xámiñalaʼ, nda̱yo̱o̱ má rí Jesús bi̱ na̱ʼkha̱ náa Nazaret eʼyáaʼla, bi̱ nijuiʼdujmaa náa ixi̱. Nigabi̱i̱* má. Nda̱wa̱a̱ gi̱i̱, guyejxi̱ náa nibáaʼ mbuya̱a̱.
7 Gaʼgua̱a̱ʼla gúthu̱u̱n xa̱bi̱i̱ ga̱jma̱a̱ gutha̱a̱n Pedro: ‹Ni̱jkha̱ má náa Galilea, ikhí gúya̱a̱, xó má niʼthála›”.
8 Ikhú asndu naguáʼiin nigájnaán ragáñúun náa iñá wajinʼ mú ma̱ngaa nidxún wéñuuʼ. Nimbáa túthán rígi̱ numuu rí nimíñúún.*
Mbaʼa nota
^ O “aʼmbaʼ”.
^ O “nitujxi̱i̱”, “ndiʼya̱a̱”.
^ Xó má naʼthí náa rí phú nigumaraʼmáʼ ginii, i̱yi̱i̱ʼ ndrígóo Marcos naguámbá ga̱jma̱a̱ ajngáa rí na̱ʼkha̱ náa versículo 8.
