Folleto Tsíin lá eni rí nandoo Jeobá rí mbiʼi xúgi̱ rá. Niguma mu mbuʼyáá gajmiúlú bi̱ nuʼsngáá nákha xóó tsegíʼdi̱i̱ muʼnigajmaa gajmiúlú o índo̱ niguámbulúʼ. * Náa kíxnuu 1 asndu 4 naʼthí tsíin ni̱ndxu̱ún bi̱ nutaraʼa numuu Jeobá; ma̱ngaa náa kíxnuu 5 asndu 14 naʼthí ga̱jma̱a̱ numuu ñajunʼ ndrígúlú, ga̱jma̱a̱ náa kíxnuu 15 asndu 28 naʼthí xú káʼnii ñajunʼ organización ndrígúlú. Itháan májánʼ mbuʼyáá mámbá kíxnuu xó má e̱ʼkha̱, i̱ndó á mu bi̱ nuʼsngáá nandoo mbaʼyoo i̱mba̱ edxu̱u̱ kiejunʼ. Mbá kíxnuu na̱ʼkha̱ náa mbóó ináa ga̱jma̱a̱ ma̱ndoo muʼnigajmaa gajmiúlú bi̱ nuʼsngáá mbá witsu o gu̱wa̱ʼ minutos.

• Arathá ga̱jma̱a̱ numuu graxe̱ dí na̱ʼkha̱ náa edxu̱u̱ mámbá kíxnuu.

• Guraxnuu nájmáanʼ mbá kíxnuu, náa nagi̱ʼdu̱u̱ asndu náa naguámbá o mámbá sección.

• Guthala dí niguámbala niraxnuu. Gajmaaʼ graxe̱ dí na̱ʼkha̱ náa naguámbá mámbá kíxnuu ga̱jma̱a̱ xtiʼkhu dí na̱ʼkha̱ ikhí. Atraxnuu textos rí kaʼyoo. Atasngájma xú káʼnii graxe̱ dí na̱ʼkha̱ náa edxu̱u̱ nariʼña̱a̱ náa subtítulos dí skuniʼ.

• Á mu náa kíxnuu na̱ʼkha̱ mbá kúgumaʼá “Mu ma̱ta̱ya̱a̱ itháan”, guraxnuu ga̱jma̱a̱ aratháán bi̱ narasngáá dí magíʼ maʼni dí na̱ʼkha̱ ikhí.