XÓO KUWÁANʼ BI̱ NI̱NDXU̱LÚ CRISTIANOS
Gajmañaaʼ marataráʼa májánʼ: Arasngáá mu maʼnirataminaʼ bi̱ narasngáá
NDÍJKHA RI GÍʼDOO NUMUU. Á mu bi̱ narasngáa naʼni rataminaʼ, maʼniún itháán guabaaʼ makro̱ʼo̱o̱ ga̱jma̱a̱ marmáʼáan a̱jkiu̱nʼ rí nuʼsngáa. Rúʼko̱ gaʼni rí maʼniún progresar itháan nacha̱. Nda̱wa̱á rí gajngu̱u̱n iyááʼ, ma̱ngaa mbaʼyoo maʼni rataminaʼ mu maʼgá reunión ga̱jma̱a̱ rí maʼgá gáʼtaraʼa maxtáa xawii (Mt 25:13). Rí majmañuu maʼnigajmaa mambáyúu náa xúgíʼ mbiʼi rí gaxtáa. Asndu nákha nugíʼdi̱i̱ nusngáá mbáa xa̱bu̱ gíʼmaa mumbayíí rí majmañuu maʼnirataminaʼ rí muʼnigajmaa gajmiúlú.
XÓO MUʼNI
-
Araxná mbá xkri̱da (Ro 2:21). Índo̱ gatanirataminaʼ atatsaʼwáminaʼ ga̱jma̱a̱ numuu bi̱ narasngáá (km 11/15 ináa 3). Atasngájmáá mbaʼyoo i̱yi̱i̱ʼ rí niraxníiʼ.
-
Aratháán rí maʼni rataminaʼ. Índo̱ gunigajmaa má xúʼko̱ aratháán rí nañambáá wéñuʼ á mu naʼni. Aratháán xóo ma̱ndoo mariya̱ʼ mbiʼi mu maʼni. Tikhun a̱ngiu̱lú i̱yi̱i̱ʼ ndrígu̱ún bi̱ nusngúún mú mbuyáá rí mixtiʼkhu nindxu̱u̱. Aratháán rí májánʼ niʼni á mu niʼnirataminaʼ.
-
Arasngáá maʼnirataminaʼ. Tikhun publicadores nuriyaʼ mbiʼi mu muthún bi̱ nusngúún xóo káʼnii muniratamijná ga̱jma̱a̱ mbá lección.