GÍʼDOO NUMUU RÍ NA̱ʼKHA̱ NÁA BIBLIA | MATEO 25
“Gajuhuala xahui”
Maski ajndu Jesús niʼthún xa̱bi̱i̱ bi̱ kaxtaʼwíin, parábola ndrígu̱ún gu̱wi̱nʼ wa̱ʼxa̱ʼ bi̱ xóó tsínuju̱nʼ, mú xúgínʼ bi̱ ni̱ndxu̱ún cristianos nambáñun kiʼsngáa rígi̱ (w15 1/3 ináa 13-17). “Gajuhuala xahui, tia tsiyala na mbiʼi jame ni na hora gaʼka Ade Xabo” (Mt 25:13). Lá majmáanʼ maratha parábola ndrígóo Jesús ikháánʼ rá.
-
Bi̱ manigúnʼ (v. 1): Jesús.
-
Wa̱ʼxa̱ʼ bi̱ xóó tsínuju̱nʼ bi̱ májánʼ endxa̱ʼwa̱a̱ edxu̱ún o bi̱ kuwa xawii (v. 2): Cristianos bi̱ kaxtaʼwíin bi̱ kuwa xawii mu munimbánii ñajunʼ ndrígu̱ún ga̱jma̱a̱ rí mambíʼin má xúʼko̱ asndu índo̱ gaʼni iwáá mbiʼi (Flp 2:15).
-
Índo̱ nijuiʼthá: “¡Gi̱i̱ xtáa bi̱ manigúnʼ!” (v. 6): Mbiʼi ndrígóo Jesús.
-
Wa̱ʼxa̱ʼ bi̱ xóó tsínuju̱nʼ bi̱ tséndxa̱ʼwa̱a̱ májánʼ edxu̱ún (v. 8): Cristianos bi̱ kaxtaʼwíin bi̱ nagajnún guraʼníí bi̱ manigúnʼ, mu na̱nguá kuwa xawii ga̱jma̱a̱ rúʼko̱ naʼni rí xáguajun jmbu.
-
Wa̱ʼxa̱ʼ bi̱ xóó tsínuju̱nʼ bi̱ májánʼ endxa̱ʼwa̱a̱ edxu̱ún tsíñún gúxná aceite ndrígu̱ún (v. 9): Índo̱ rí gundrigú rí kaʼñún bi̱ ni̱ndxu̱ún jmbiin, ní xándoo mumbañún bi̱ taguájun jmbu.
-
Niʼkanú bi̱ manigúnʼ (v. 10): Jesús na̱ʼkha̱ mu maʼni rí jmbu nda̱wa̱á rí majphú mba̱a̱ gaʼkhu.
-
Wa̱ʼxa̱ʼ bi̱ xóó tsínuju̱nʼ bi̱ májánʼ endxa̱ʼwa̱a̱ edxu̱ún natu̱ʼu̱u̱n náa ndxa̱a̱ gajmiún bi̱ manigúnʼ ga̱jma̱a̱ nigugua xkrugua (v. 10): Jesús nagímbíin bi̱ kixtaʼwíín bi̱ niguájun jmbu náa mekhuíí, mú bi̱ tagua̱júnʼ jmbu natígu̱u̱n rí magún mekhuíí.
