28 ñajunʼ gu̱nʼ abril asndu 4 ñajunʼ gu̱nʼ mayo
PROVERBIOS 11
Ajmúú 90 ga̱jma̱a̱ muʼtájkáan | Najuiʼthá índo̱ nagi̱ʼdu̱u̱ (1 min.)
1. ¡Xárata̱!
(10 min.)
Xárata̱ nimbá dí gamíi maʼni gawúnʼ “ndxájuaaʼ” (Pr 11:9; w02 15/5 26 kutriga̱ 4).
Xárata̱ nimbá rí gamíi maʼni dí ní xákuwáanʼ mbá jnduʼ (Pr 11:11; w02 15/5 27 kutriga̱ 2, 3).
Xárata̱ nimbá dí rakáʼyoo mudxawíín xúgíinʼ (Pr 11:12, 13; w20.03 22 kutriga̱ 12, 13).
ATATSAʼWÁMINAʼ: Xó ma niʼthí Jesús náa Lucas 6:45, ndiéjunʼ gámbáyulú mu xuʼnigawúún eʼwíinʼ ga̱jma̱a̱ ajngáa dí nuʼthá rá.
2. Guʼyáʼ rí gíʼdoo numuu
(10 min.)
-
Pr 11:17. Ndíjkha dí májánʼ rí manindxu̱lú májáanʼ xa̱bu̱ rá. (g20.1 11, kúgumaʼá.)
-
Náa nitraxnuu Biblia xmáná rígi̱, ndiéjunʼ rí gíʼdoo numuu nanigua̱a̱ʼ marata rá.
3. Migixnuu Biblia
(4 min.) Pr 11:1-20 (th kíxnuu 5).
4. Atagíʼdi̱i̱ marata̱
(4 min.) ASNDU NÁA. Atayáʼ xóo maratha̱a̱n xa̱bu̱ rí nijmañaaʼ xíjkhoo náa reunión (lmd kíxnuu 2 punto 4).
5. Atanga̱án gátayaa xa̱bu̱
(4 min.) ASNDU NÁA. Atagrígu ga̱jma̱a̱ arathá rí na̱ʼkha̱ náa mbá video dí rígá náa caja ndrígóo herramientas mu muʼsngáa, mú xátagrígu (lmd kíxnuu 8 punto 3).
6. Gusngún xa̱bu̱
(4 min.) NÁA KUWA MBA’IN XA̱BU̱. Aratháán xa̱bu̱ marasngáa ga̱jma̱a̱ numuu Biblia ma̱ngaa atasngájmaa xóo nindxu̱u̱ dí nuʼsngáa (lmd kíxnuu 10 punto 3).
Ajmúú 157
7. Xúʼthá nimbá rí maʼni dí xákuwáanʼ tsímáá
(15 min.) Arathá gajmiáanʼ bi̱ kúwá ikhí.
Numuu dí nindxu̱lú xa̱bu̱ aʼkhá, mbáa nguáná nuʼthá dí rakáʼyoo (Snt 3:8). Mú, á mu ginii nundxaʼwamíjna̱ náa nakiéʼkulu índo̱ nuʼtámíjná gajmiúlú eʼwíinʼ, rígi̱ gámbáyulú mu xúʼthá mbá dí nda̱wa̱á maʼni magawíinʼ a̱jkiu̱lú. Tikhu rí gamíi maʼni dí xákuwáanʼ tsímáá náa congregación nindxu̱u̱:
-
Rí mu̱ʼni̱ mbaʼumíjnalú náa dí rakáʼyulú. Rí mu̱ʼni̱ mbaʼumíjnalú gamíi maʼni dí magi̱ʼdu̱lú gajmiúlú eʼwíinʼ a̱ngiu̱lú ga̱jma̱a̱ maʼni dí maxigúun kuyulú (Pr 27:2).
-
Rí muʼni nduwalú. Ra̱ʼkhá i̱ndó nandoo gáʼthúún dí muʼni nduwaʼ, ma̱ngaa nindxu̱u̱ dí marathu̱u̱n mbá dí ragájkhun eʼwíinʼ. Mbá chiʼgíiʼ nduwaʼ dí guʼthá gamíi maʼni dí eʼwíinʼ ní xákumu̱ún kuyulú ga̱jma̱a̱ maʼni gachúu mbiʼyulú (Ec 10:1).
-
Rí mu̱ʼni̱ xtujtaa. Nindxu̱u̱ dí marata dí ragájkhun ga̱jma̱a̱ numún eʼwíinʼ o dí marata dí rakáʼyoo mbuyáá xúgíinʼ (1Ti 5:13). Gamíi maʼni rí xákuwáanʼ jnduʼ ga̱jma̱a̱ dí magi̱ʼdu̱lú.
-
Rí marata mijkoo. Nindxu̱u̱ dí xátie̱wa̱a̱n dí gáratha̱a̱n ga̱jma̱a̱ makiʼná xtayáá bi̱ niʼniaaʼ dí raʼkhí (Ef 4:26). Á mu nuʼni xúʼko̱, gamíi muʼni gawúunʼ eʼwíinʼ (Pr 29:22).
Atagrígu VIDEO Guʼni gaʼduunʼ xúgíʼ dí tséniñulú makuwáánʼ tsímáá (mbá xuíʼtóo). Nda̱wa̱á atani̱ grajxe̱ rígi̱:
-
Ndiéjunʼ ejmañulúʼ náa video rígi̱, dí ga̱jma̱a̱ numuu dí nuʼthá mbégu̱ʼ xígi̱ ma̱ndoo maʼni rí náa congregación xákuwáanʼlú tsímáá rá.
Mu matayaa xóo a̱ngiu̱l nitangiín nikúwá mbu̱júu̱ tsímáá, atayáá video “Gayáʼ dí tsímáá ga̱jma̱a̱ gaʼga kidxuuʼ”.
8. Najmañulúʼ ga̱jma̱a̱ numuu Biblia náa congregación
(30 min.) bt cap. 25, kutriga̱ 14-21.
