KÍXNUU 06
Xú káʼnii nigi̱ʼdu̱u̱ nikúwá xa̱bu̱ ga̱jma̱a̱ xúgíʼ rí ndaʼya rá.
“Náa ikháán [Dios] na̱ʼkha̱ rí nduya” (Salmo 36:9). Lá natatsimbaaʼ ikháán rúʼko̱ ráʼ. Tikhuin xa̱bu̱ naku̱mu̱ún rí niguma ikháá dí rígá, rí nda̱wa̱a̱ tsáa niʼni. Á mu dí xúʼko̱, ¡Nda̱a̱ má numuu kuwáánʼ xúʼko̱ rá! Á mu rí Jeobá niʼniánʼlú gíʼmaa dí magiʼdoo mbá numuu. Lá ragájkhun ráʼ. a Atayáá rí na̱ʼkha̱ raʼthí náa Biblia ga̱jma̱a̱ numuu rí xóo nigi̱ʼdu̱u̱ nikuwáánʼlu ga̱jma̱a̱ atayáá náá numuu rí gajkhun nindxu̱u̱.
1. Tsáá niʼni mekhu ga̱jma̱a̱ ku̱ba̱ʼ rá.
Náa Biblia naʼthí: “Nákha nigi̱ʼdu̱u̱, Dios niʼni mekhu ga̱jma̱a̱ ku̱ba̱ʼ” (Génesis 1:1). Mbaʼin científicos naku̱mu̱ún rí mekhu ga̱jma̱a̱ ku̱ba̱ʼ nirígá mbóoʼ mbiʼi rí niguma. Xú káʼnii niʼni Dios rá. Ikhaa nijmuu “tsiakii ndrígóo” ga̱jma̱a̱ espíritu santo ndrígóo mu maʼni xúgíʼ dí rígá mekhuíí, xóo galaxias, a̱ʼgua̱a̱n, planeta ga̱jma̱a̱ i̱ʼwáʼ (Génesis 1:2).
2. Náá numuu niʼni ku̱ba̱ʼ Dios rá.
Jeobá “táʼni mbaʼ maʼníí, niʼni mu makuwá xa̱bu̱” (Isaías 45:18). Ikhaa niʼni ku̱ba̱ʼ náa dí xa̱bu̱ ma̱ndoo makuwá (atraxnuu Isaías 40:28; 42:5). Científico nuthi rí ku̱ba̱ʼ nindxu̱u̱ kiejuunʼ, numuu rí ndaa i̱mba̱ ku̱ba̱ʼ náa rí ma̱ndoo makuwá xa̱bu̱.
3. Ndiéjunʼ eʼni maʼni mixtiʼkuiin xa̱bu̱ numbaaʼ náa xujkhúʼ rá.
Índo̱ Jeobá niguámbóo niʼni ku̱ba̱ʼ, ikhú niʼniin bi̱ kúwá ikhí. Ginii niʼni xúgíʼ ixi̱, iná ga̱jma̱a̱ xujkhúʼ, nda̱wa̱á “Dios niʼni̱i̱ xa̱bu̱ numbaaʼ xó má kiejxu̱u̱” (atraxnuu Génesis 1:27). Ndiéjunʼ rí naʼni mixtiʼkhuánʼ náa xujkhúʼ rá. Numuu rí Dios niʼniáanʼlú xó má kiejxu̱u̱, ikha jngóo ma̱ndoo musngajmálú xú káʼnii nindxu̱u̱, xóo musngajmá ngajua ga̱jma̱a̱ rí mu̱ʼni̱ dí májánʼ. Ikhaa niʼniáanʼlú mu ma̱ndoo majmañulú mbaʼa ajngáa, rí manigulú xúgíʼ rí mitsaanʼ dí rígá ga̱jma̱a̱ manigulú ajmúú. Ikháánʼlu nindxu̱lú mixtiʼkhuánʼ xóo xujkhúʼ, numuu rí ikháánʼlu ma̱ndoo mbuʼyamajkuíí bi̱ Niʼniáanʼlú.
GAJMAÑAAʼ ITHÁAN
Guʼyáálú xúgíʼ dí nasngájma rí Dios ni’ni mbá xúgíʼ rí ndaʼya dí rígá ga̱jma̱a̱ guʼyáá dí na̱ʼkha̱ raʼthí náa Biblia ga̱jma̱a̱ numuu rí nigumawíi nindxu̱u̱ gajkhun. Ma̱ngaa gajmañulú rí xóo nindxu̱ún xa̱bu̱ numbaaʼ nasngájma xóo nindxu̱u̱ Dios.
4. Xúgíinʼ bi̱ nduya xtáa tsáa niʼniwíin
Xa̱bu̱ numbaaʼ nakhánún gamajkhu numuu rí najmiin nduyaridáá dí nigumawíi. Mú tsáá ekhanáá gamajkhu ga̱jma̱a̱ numuu xúgíʼ rí phú nigumawíi rá. Gu̱ya̱a̱ VIDEO ga̱jma̱a̱ gutamíjnála rígi̱:
-
Ndiéjunʼ rí nigumawíi ndiyaridáá xa̱bu̱ rá.
Xúgíʼ guʼwá dí rígá xtáa tsáa niʼni, mú tsáá niʼni xúgíʼ dí rígá náa numbaaʼ rá. Guraxnuu Hebreos 3:4 ga̱jma̱a̱ gutamíjnála rígi̱:
-
Ndiéjunʼ rí nigumawíi nanigua̱a̱ʼ itháan rá.
-
Lá ma̱ndoo muʼnimbulú dí rígá mekhuíí ga̱jma̱a̱ dí rígá náa tsu̱du̱u̱ ku̱ba̱ʼ xtáa tsáa niʼni ráʼ. Náá numuu rá.
Lá natayáá má rá’.
Mataxkamaa itháan i̱yi̱i̱ʼ náa naʼthí ga̱jma̱a̱ numuu rígi̱ ma̱ngaa video dí rígá náa jw.org. Atayáʼ náa naʼthí “Xtáa tsáa niʼni ráʼ.” Ma̱ngaa “Rí nuthi xóo nikumu̱u̱ vida”.
“Xúgíʼ guʼwá xtáa tsáa niʼni, mú Dios niʼni xúgíʼ dí rígá”
5. Lá gajkhun nindxu̱u̱ rí naʼthí náa Biblia ga̱jma̱a̱ numuu rí nigumawíi ráʼ.
Náa capítulo 1 ndrígóo Génesis, ikhí naʼthí xú káʼnii niguma ku̱ba̱ʼ ga̱jma̱a̱ xúgíʼ rí ndaʼya dí rígá ikhí. Lá gajkhun rúʼko̱ o nindxu̱u̱ i̱ndó dí nuthi̱ xa̱bu̱ che̱ʼ. Gu̱ya̱a̱ VIDEO ga̱jma̱a̱ gutamíjnála rígi̱:
-
Lá naʼsngáa náa Biblia rí ku̱ba̱ʼ ga̱jma̱a̱ xúgíʼ rí ndaʼya dí rígá ikhí, niguma káaʼ majun mbiʼi ráʼ.
-
Lá naku̱ma̱a̱ʼ ikháán dí na̱ʼkha̱ raʼthí náa Biblia ga̱jma̱a̱ numuu rí nigumawíi nindxu̱u̱ gajkhun ráʼ. Náá numuu rá.
Guraxnuu Génesis 1:1 ga̱jma̱a̱ gutamíjnála rígi̱:
-
Mbaʼin científico nuthi rí mekhu ga̱jma̱a̱ ku̱ba̱ʼ xtáa tsáa niʼni. Lá nambánii rí ikhiin nundxaʼwamíjna̱ ga̱jma̱a̱ rí niguámbaaʼ nitraxnuu náa Biblia ráʼ.
Tikhuun xa̱bu̱ nurajximíjna̱ á mu rí Dios niʼni mbóó rí ndaʼya ga̱jma̱a̱ niniñuuʼ rí ikháá maʼga ragiʼi rariʼkuminaʼ. Guraxnuu Génesis 1:21, 25, 27 ga̱jma̱a̱ gutamíjnála rígi̱:
-
Lá naʼsngáa náa Biblia rí Dios niʼnii káaʼ mbáwíí bi̱ ndaʼya ga̱jma̱a̱ niniñuuʼ rí ikháá maʼgá ragiʼi rariʼkuminaʼ asndu mani̱ndxu̱u̱ xujkhú iyaʼ, xujkhúʼ bi̱ kúwá náa tsu̱du̱u̱ ku̱ba̱ʼ ga̱jma̱a̱ xa̱bu̱ numbaaʼ ráʼ. O ikhaa mínaaʼ niʼniin “xúgíinʼ enii” bi̱ nduya che̱ʼ.
6. Bi̱ nindxu̱lú xa̱bu̱ numbaaʼ nindxu̱lú mixtiʼkhuánʼ náa i̱ʼwáʼ rí Dios niʼniwíi.
Ikháánʼlu ni̱ndxu̱lú mixtiʼkhuánʼ ki xóo xujkhúʼ. Guraxnuu Génesis 1:26 ga̱jma̱a̱ gutamíjnála rígi̱:
-
Ikháánʼlu bi̱ nindxu̱lú xa̱bu̱ numbaaʼ ma̱ndoo musngajmá rí nandulú kuʼñúún eʼwíinʼ ga̱jma̱a̱ rí magáwíinʼ a̱jkiu̱lú numuu rí nigumáanʼ xó má kiejxu̱u̱ Dios. Ndiéjunʼ eʼsngáaʼ rígi̱ ga̱jma̱a̱ numuu rí xóo nindxu̱u̱ Jeobá rá.
RÍ NUTHI TIKHUN: “Rí naʼthí náa Biblia ga̱jma̱a̱ numuu dí nigumawíi nindxu̱u̱ rí nuthi xa̱bu̱ú”
-
Xú káʼnii rathá ikháán rá. Náá numuu rá.
RÍ NAGÁJNURIYO̱O̱ʼ
Jeobá niʼni mekhu, ku̱ba̱ʼ ga̱jma̱a̱ xúgíinʼ bi̱ nduya bi̱ kúwi̱i̱n ikhí.
Rí nijmañaaʼ
-
Ndiéjunʼ eʼsngáa náa Biblia ga̱jma̱a̱ numuu xóo niguma mekhu ga̱jma̱a̱ ku̱ba̱ʼ rá.
-
Lá Dios niniñuuʼ rí mbawíí bi̱ ndaʼya maʼga ragi̱ʼi̱ rariʼkuminaʼ asndu maʼga̱nú mani̱ndxu̱ún eʼwíinʼ bi̱ nduya ráʼ. O ikhaa niʼniwíin xúgíinʼ che̱ʼ.
-
Náá numuu rí mixtiʼkhuánʼ kayuuʼ bi̱ nindxu̱lú xa̱bu̱ numbaaʼ rá.
ATAYÁÁ ITHÁAN
Atayáá tikhuʼ rí nigumawíi náa nasngájma rí xtáa tsáa niʼni.
“Ndiéjunʼ eʼsngúlú rí nigumawíi rá.” (¡Awaxunʼ!, septiembre tsiguʼ 2006)
Atayáá xú káʼnii mbáa xa̱bu̱ nikhi̱i̱ naʼthúu̱n aʼdióo ga̱jma̱a̱ numuu rí nigumawíi.
Atayáá á mu evolución nambánii ga̱jma̱a̱ rí naʼthí náa Biblia.
“Lá Dios nijmuu evolución mu maʼniwíin xúgíinʼ enii bi̱ nduya ráʼ.” (Artículo dí rígá náa jw.org)
Atayáá i̱yi̱i̱ʼ náa naʼthí ga̱jma̱a̱ numuu itsu̱ rí nixkama̱a̱ científico náa nindii, á mu dí niguma ikháá dí rígá o xtáa tsáa niʼni.
Xóo nigi̱ʼdu̱u̱ nirígá vida. Mbá witsu graxe̱ rí gíʼdoo numuu ma̱ta̱ya̱a̱ (folleto)
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
