KÍXNUU 07
Xú káʼnii nindxu̱u̱ Jeobá rá.
Índo̱ ikháán natatsaʼwáminaʼ ga̱jma̱a̱ numuu Jeobá, xú káʼnii ku̱ma̱a̱ʼ dí nindxu̱u̱ xá. Lá nakuma̱a̱ʼ dí gíʼdoo wéñuuʼ numuu, mú xtáa mitsínguánʼ náa ikháán, xóo a̱ʼgua̱a̱n bi̱ tri̱gi̱i̱n mitsidanʼ náa mekhuíí ráʼ. O lá naku̱ma̱a̱ʼ dí nindxu̱u̱ mbáa bi̱ gíʼdoo tsiakii xóo agiuuʼ a̱jkhu̱u̱n dí na̱nguá nindxu̱u̱ mbáa xa̱bu̱ gajkhun ráʼ. Xú káʼnii phú nindxu̱u̱ Jeobá rá. Náa Ajngá rawuunʼ dí nindxu̱u̱ Biblia, ikhí nasngájma xóo phú nindxu̱u̱ Jeobá ga̱jma̱a̱ ikhaa naxmiéjuunʼ kaʼyaaʼ.
1. Náá numuu rí xándoo mbuʼyáá Dios rá.
Numuu rí “Dios nindxu̱u̱ espíritu” (Juan 4:24). Jeobá na̱nguá gíʼdoo xuyuuʼ ni má itsu̱u̱. Ikhaa nindxu̱u̱ espíritu dí rígá mekhuíí náa ikháánʼlu xándoo mbuʼyáá.
2. Tikhuu rí xóo nindxu̱u̱ Jeobá
Maski ajndu ikháanʼlu xándoo mbuʼyáá Jeobá, mú índo̱ ikháanʼlu nuʼninuʼwiinʼ naʼni dí maʼndulú kuʼyáá numuu dí xtáa ga̱jma̱a̱ mitsaanʼ xóo nindxu̱u̱. Náa Biblia naʼthí: “Jeobá nanigu̱u̱ʼ índo̱ naguma rí májánʼ ga̱jma̱a̱ xániñúún bi̱ mbóó a̱jkiu̱ún náa ikhaa” (Salmo 37:28). Ma̱ngaa “ra̱ʼkhá tháán eyoo kaʼñún xa̱bu̱ ga̱jma̱a̱ nagáwiinʼ a̱jkiu̱u̱n kaʼñún”, itháan ga̱jma̱a̱ numún xa̱bu̱ bi̱ kúwá rumíniinʼ (Santiago 5:11). “Jeobá xtáa mijngii náa xa̱bu̱ bi̱ nagawúunʼ a̱jkiu̱ún ga̱jma̱a̱ naʼnikáwíin bi̱ nakáguabiinʼ” (Salmo 34:18). Lá natayáá dí ga̱jma̱a̱ numuu rí natani ma̱ndoo maʼni maxtáa gagi o gíná Jeobá ráʼ. Xa̱bu̱ bi̱ nuni̱ dí ra̱májánʼ nunigawíínʼ Jeobá (Salmo 78:40, 41). Mú, índo̱ xa̱bu̱ nuni̱ rí májánʼ ikhaa nadxuu a̱jkiu̱u̱n (atraxnuu Proverbios 27:11).
3. Xú káʼnii esngájma dí nandoo kaʼyulú Jeobá rá.
Mbá rí itháan gíʼdoo numuu náa Jeobá ikhaa nindxu̱u̱ ngajua, xóo muʼthá “Dios nindxu̱u̱ ngajua” (1 Juan 4:8). Jeobá nasngájma dí nandoo kaʼyulú índo̱ ikháanʼlu nuraxnulú Biblia ga̱jma̱a̱ náa xúgíʼ dí niʼniwíi (atraxnuu Hechos 14:17). Atatsaʼwáminaʼ ga̱jma̱a̱ numuu xóo niʼniwáánʼlú, ikhaa niʼni dí ma̱ndoo mbuʼyáá mbaʼa color mitsaanʼ, rí manigulú ajmúú ga̱jma̱a̱ mbaʼa ganitsu rí ndasku̱ʼ. Ikhaa nandoo rí manigulú dí makuwáánʼ.
GAJMAÑAAʼ ITHÁAN
Guʼyáá ndiéjunʼ ejmuu Jeobá mu maʼni mbaʼa dí mitsaanʼ, nda̱wa̱á mbuʼyáá xú káʼnii esngájma cualidad ndrígóo dí mitsaanʼ.
4. Tsiakii ndrígóo Dios dí najmuu: Espíritu santo
Ikháánʼ najmulú ñawúnlú muñajunʼ, mú Jeobá najmuu espíritu santo ndrígóo. Náa Biblia tséʼthí dí espíritu santo nindxu̱u̱ mbáa xa̱bu̱, nindxu̱u̱ tsiakii ndrígóo Dios dí ikhaa najmuu mu maʼni xúgíʼ. Guraxnuu Lucas 11:13 ma̱ngaa Hechos 2:17 ga̱jma̱a̱ gutamíjnála rígi̱:
-
Dios naxnún espíritu santo bi̱ nunda̱ʼa̱a̱. Ikha jngóo, lá natatsaʼwáminaʼ dí espíritu santo nindxu̱u̱ mbáa xa̱bu̱ ráʼ. O nindxu̱u̱ tsiakii ndrígóo Dios dí ikhaa najmuu che̱ʼ. Náá numuu tatsaʼwáminaʼ xúʼko̱ rá.
Jeobá najmuu espíritu santo ndrígóo mu maʼni mbaʼa dí mitsaanʼ. Guraxnuu Salmo 33:6 ma̱ngaa 2 Pedro 1:20, 21 ga̱jma̱a̱ gutamíjnála rígi̱:
-
Xú káʼnii nijmuu espíritu santo ndrígóo Jeobá rá.
5. Jeobá gíʼdoo cualidad dí naʼni muʼgua̱ kanuu náa ikhaa
Moisés niʼni ñajuunʼ Dios, maski ajndu xúʼko̱ ikhaa nindoo maʼninuwiinʼ itháan bi̱ niʼniánʼlu. Ikha jngóo Moisés niʼthúu̱n: “Arasngóʼ mba̱yo̱o̱ xú káʼnii nindxu̱u̱ kamba̱a̱ʼ mu ma̱ndoo maniʼníínʼ” (Éxodo 33:13). Jeobá niʼthúu̱n Moisés xú kaʼnii xa̱bu̱ nindxu̱u̱. Guraxnuu Éxodo 34:4-6 ga̱jma̱a̱ gutamíjnála rígi̱:
-
Ndiéjunʼ cualidad ndrígóo Jeobá dí niʼthúu̱n Moisés rá.
-
Ndiéjunʼ cualidad ndrígóo Jeobá dí itháan nanigua̱a̱ʼ ikháán rá.
6. Jeobá naxmiéjuunʼ kaʼñún xa̱bu̱
Xuajñuu Dios dí nirígá nákha wájyúuʼ bi̱ ninindxu̱ún xa̱bu̱ hebreos, ninindxu̱ún ñumbáá náa Egipto. Xú kaʼnii nikumu̱u̱ Jeobá índo̱ ndiʼyoo rí nimínuuʼ xuajñuu rá. Gudxawíín AʼWÁ ga̱jma̱a̱ gaʼgua ruya̱a̱ náa guxnuu o i̱ndó guraxnuu Éxodo 3:1-10. Nda̱wa̱á gutamíjnála rígi̱:
-
Ndiéjunʼ eʼsngáaʼ dí Jeobá nagawúunʼ índo̱ ndaʼyoo numíniiʼ xa̱bu̱ rá. (Gu̱ya̱a̱ náa versículo 7 ga̱jma̱a̱ 8).
-
Lá naku̱ma̱a̱ʼ dí Jeobá gajkhun nandoo mambáñún xa̱bu̱ ráʼ. Lá maʼngo̱o̱ maʼni xáʼ. Náá numuu dí natatsaʼwáminaʼ xúʼko̱ rá.
7. Náa xúgíʼ dí nigumawíi nduʼyáá cualidad ndrígóo Jeobá
Jeobá nasngájma xú káʼnii nindxu̱u̱ náa xúgíʼ dí niʼniwíi. Gu̱ya̱a̱ VIDEO. Nda̱wa̱á guraxnuu Romanos 1:20 ga̱jma̱a̱ gutamíjnála rígi̱:
-
Xkáʼnii cualidad ndrígóo Jeobá natayáá ikháán náa dí nigumawíi rá.
RÍ NUTHI TIKHUN: “Xtáa Dios, mú na̱nguá xóo mbuʼyáá”.
-
Ndiéjunʼ rathá ikháán rá.
-
Náá numuu dí xúʼko̱ tatsaʼwáminaʼ rá.
RÍ NAGÁJNURIYO̱O̱ʼ
Jeobá nindxu̱u̱ espíritu, ikha jngóo xándoo mbuʼyáá. Ikhaa gíʼdoo cualidad dí mitsaanʼ, rí itháan nagájnuriyo̱o̱ʼ ikhaa nindxu̱u̱ dí nandoo kaʼyulú.
Rí nijmañaaʼ
-
Ndíjkha jngóo xándoo mbuʼyáá Jeobá rá.
-
Ndiéjunʼ nindxu̱u̱ espíritu santo rá.
-
Ndiéjunʼ nindxu̱u̱ tikhu cualidad dí gíʼdoo Jeobá rá.
ATAYÁÁ ITHÁAN
Mu ma̱ndoo ma̱ta̱ya̱a̱ itháan xóo nindxu̱u̱ Jeobá, atayáá mbá a̱jkhu̱ cualidad ndrígóo dí itháan nagájnuriyo̱o̱ʼ.
“Xú kaʼnii nindxu̱u̱ Dios rá.” (Bi̱ Nayejngoo núm. 1 tsiguʼ 2019)
Ndiéjunʼ esngájma rí Dios nda̱wa̱a̱ asndu náá má.
“Lá asndu náá má xtáa Dios ráʼ.” (Artículo dí rígá náa jw.org)
Atayáá náá numuu rí náa Biblia naʼnimbrígíi espíritu santo ga̱jma̱a̱ “ñawúunʼ” Dios.
“Ndiéjunʼ nindxu̱u̱ espíritu santo rá.” (Artículo dí rígá náa jw.org)
Mbáa xa̱bu̱ bi̱ tsékrui̱go̱o̱ niʼniuu mingíjyúuʼ maʼnimbo̱o̱ rí Dios naxmiéjuunʼ kaʼyoo. Atayáá ndiéjunʼ nimbáyuu mu mariʼkhu̱u̱ xóo ekumu̱u̱.
“Rí xúgi̱ nakumu̱ʼ dí majmún mambáñún eʼwíinʼ” (Bi̱ Nayejngoo, 1 ñajunʼ gu̱nʼ octubre tsiguʼ 2015)
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
