KÍXNUU 14
Ndiéjunʼ eyóoʼ mu̱ʼni̱ mu manigu̱u̱ʼ Dios rí nduʼyamajkuíí rá.
Xó má ndiʼyáá náa kíxnuu rí ninújngoo, raʼkháa xúgíʼ religión nanigu̱u̱ʼ Dios. Mú, ma̱ndoo mbuʼyamajkuíí bi̱ Niʼniánlú xóo má ikhaa maʼdxuu. Xú káʼnii “guyamajkuíí” o xú káʼnii “religión” nanigu̱u̱ʼ ikhaa xá. (Santiago 1:27; nota.) Guʼyáá rí naʼthí náa Biblia.
1. Náá mínaaʼ eʼthí xóo gíʼmaa mbiʼyamajkuíí Dios rá.
Ikhí má náa Biblia naʼthí xú káʼnii gíʼma mbiʼyamajkuíí Dios. Jesús niʼthúu̱n Dios: “Ajngáaʼ nindxu̱u̱ gajkhun” (Juan 17:17). Tikhu religión nánguá eyáá ndiéjunʼ nindxu̱u̱ gajkhun dí nuxkamaa náa Ajngá rawuunʼ Dios, xóo muʼthá Biblia; ikhiin nusngáa ga̱jma̱a̱ nuni xó má eñún ikhiin. Mú Jeobá nditháan tsénigu̱u̱ʼ muniñaaʼ runimbáníí kiʼtáñajunʼ ndrígóo (atraxnuu Marcos 7:9). Mú, ikháanʼlu nuʼni rí maʼdxuu a̱jkiu̱u̱n Dios índo̱ nduʼyáá rí naʼthí náa Biblia ga̱jma̱a̱ nuʼnimbulú consejo dí na̱ʼkha̱ ikhí.
2. Xú káʼnii gíʼmaa mbuʼyamajkuíí Jeobá rá.
Numuu rí Jeobá nindxu̱u̱ bi̱ Niʼniánʼlu, ikhaa mbáwíi kaʼyoo rí mbuʼyamajkuíí (Apocalipsis 4:11). Rígi̱ nandoo gáʼthúu̱n rí ndayóoʼ maʼndulú kuʼyáá ga̱jma̱a̱ rí mbuʼyamajkuíí mbáwíi ikhaa, xáʼyóoʼ majmiulúʼ nimbáa xándú, xtiʼkhu o símbolo (atraxnuu Isaías 42:8).
Rí mbuyamajkuíí Jeobá gíʼmaa mani̱ndxu̱u̱ “kaʼwu, mbá rí ndaʼya rí manigu̱u̱ʼ Dios” (Romanos 12:1). Rígi̱ nandoo gáʼthúu̱n rí gíʼmaa makuwáanʼlu xó má eʼthí xtángoo ndrígóo Dios. Mbá xkri̱da bi̱ nandún kuyáá Jeobá nangajuun ga̱jma̱a̱ nunimbu̱ún xtángoo ndrígóo náa naʼthí ga̱jma̱a̱ numún bi̱ nudamijná. Ma̱ngaa tséni gachimijná ga̱jma̱a̱ droga, cigarro ni má iya najnga̱a̱. a
3. Náá numuu rí gíʼmaa mbuʼyamajkuíí Jeobá gajmiúlú xa̱bu̱ bi̱ nandún munimbu̱u̱n kuyáá xá.
Reunión dí narígá mambá xmáná naniñulú rí “mu̱ʼni̱ mba̱a̱ Jeobá gajmiúlú eʼwíinʼ” (Salmo 111:1, 2). Mbá xóo ma̱ndoo mu̱ʼni̱ mba̱a̱ Dios nindxu̱u̱ rí muʼni ajmúú (atraxnuu Salmo 104:33). Á mu Jeobá na̱ndu̱ʼu̱lú rí magimbáanʼ naʼthúlúʼ numuu rí nandoo kaʼyulú ga̱jma̱a̱ ndaʼyoo, á mu nagimbáanʼlú xúʼko̱ mambáyulú mu makuwáánʼ gagi kámuu mbiʼi. Índo̱ nagimbáanʼlú nuxnamíjnálú tsiakii.
GAJMAÑAAʼ ITHÁAN
Guʼyáá náa numuu rí Jeobá tsíyoo majmiulúʼ xándú mu mbuʼyamajkuíí. Guʼyáá tikhu xú káʼnii gándoo muʼni mba̱a̱ Dios.
4. Lá ra̱májánʼ majmiulúʼ xándú rí mbuʼyamajkuíí Dios ráʼ.
Xú káʼnii eʼyáá rí tsénigu̱u̱ʼ Dios rúʼko̱ rá. Gu̱ya̱a̱ VIDEO ga̱jma̱a̱ gutamíjnála rígi̱:
-
Ndiéjunʼ nirígá nákha wajyúuʼ índo̱ tikhun bi̱ nikúwá náa xuajñuu Dios nijmiún xándú mu mbuyamajkuíí Jeobá rá.
Tikhun xa̱bu̱ nakumu̱ún rí makuwá mijngii náa Dios á mu najmiún xándú mu mbuyamajkuíí. Lá na̱nguá kúwá rugíi̱ʼ níjníí Dios índo̱ nu̱ni̱ xúʼko̱ xáʼ. Guraxnuu Éxodo 20:4-6 ma̱ngaa Salmo 106:35, 36 ga̱jma̱a̱ gutamíjnála rígi̱:
-
Ndiéjunʼ o xú káʼnii xándú ejmiún xa̱bu̱ tayáá ikháán rá.
-
Xú káʼnii eʼyoo Jeobá rí najmiún xándú xá.
-
Xú káʼnii ku̱ma̱a̱ʼ ikháán rí najmiún xándú xá.
5. Rí mbuʼyamajkuíí mbáwíi Jeobá nakáwáanʼ náa kisngáa rí mindu̱wa̱ʼ
Guʼyáá xú káʼnii rí mbuʼyamajkuíí Jeobá xó má eyoo ikhaa, naʼni káwáanʼ náa kisngáa nduwaʼ. Gu̱ya̱a̱ VIDEO.
Guraxnuu Salmo 91:14 ga̱jma̱a̱ gutamíjnála rígi̱:
-
Á mu nusngajmáá Jeobá rí nandulú kuʼyáá ga̱jma̱a̱ rí mbáwíi eʼyamajkuíí. Ndiéjunʼ rí kudaminaʼ ikhaa maʼni ga̱jma̱á numulú xá.
6. Nduʼyamajkuíí Dios náa reunión dí narígá náa congregación
Índo̱ nuʼni ajmúú ga̱jma̱a̱ nuxná comentario náa reunión dí narígá náa congregación, nu̱ʼni̱ mba̱a̱ Jeobá ga̱jma̱a̱ nuxnamíjnalú tsiakii. Guraxnuu Salmo 22:22 ga̱jma̱a̱ gutamíjnála rígi̱:
-
Lá nanigua̱a̱ʼ comentario rí nuxna náa reunión xáʼ.
-
Lá nanigua̱a̱ʼ matani rathá mbá comentario mu maraxna náa reunión ráʼ.
7. Jeobá nanigu̱u̱ʼ muʼthúún eʼwíinʼ rí kúwáanʼ rajmañulu
Rígá mbaʼa xó ma̱ndoo marathu̱u̱n eʼwíinʼ rí naʼthí náa Biblia. Guraxnuu Salmo 9:1 ma̱ngaa 34:1 ga̱jma̱a̱ gutamíjnála rígi̱:
-
Náa mbá xúgíʼ rí nijmañaaʼ dí naʼthí náa Biblia. Ndiéjunʼ nanigua̱a̱ʼ marathu̱u̱n eʼwíinʼ rá.
RÍ NUTHI TIKHUN: “Á mu ni̱ndxu̱lú xa̱bu̱ májáanʼ, tséʼniuu má xóo guʼyamajkuíí Dios”
-
Ndiéjunʼ ratá ikháán rá.
RÍ NAGÁJNURIYO̱O̱ʼ
Nu̱ʼni̱ rí maʼdxuu a̱jkiu̱u̱n bi̱ Niʼniánlu índo̱ nduʼyamajkuíí mbáwíi ikhaa, índo̱ nuʼni mba̱a̱ náa reunión dí narígá náa congregación ga̱jma̱a̱ índo̱ nuʼthúún eʼwíinʼ rí nijmañulú.
Rí nijmañaaʼ
-
Náá mínaʼ eʼthí xú káʼnii gíʼmaa mbuʼyamajkuíí Dios xó má eyoo ikhaa rá.
-
Ndíjkha gíʼmaa mbuʼyamajkuíí mbáwíi Jeobá rá.
-
Náá numuu gíʼmaa mbuʼyamajkuíí Dios gajmiúlú xa̱bu̱ bi̱ nandún munimbu̱ún kuyáá rá.
ATAYÁÁ ITHÁAN
Atraxnuu mu ma̱ta̱ya̱a̱ náá numuu rí mbáa a̱ʼgu̱ naku̱mu̱u̱ rí niʼni̱i̱ a̱jkiu̱u̱n ga̱jma̱a̱ rí xtáa tsímáá índo̱ niniñúúnʼ xándú.
“Biblia niriʼkhu̱u̱ rí xóo makuwá” (Bi̱ Nayejngoo, 1 ñajunʼ gu̱nʼ julio tsiguʼ 2011)
Atayáá tikhu rí ma̱ndoo mambáyaaʼ mu maraxna comentario náa reunión.
“Guʼyamajkuíí Jeobá náa guʼwá nagimbáanʼ” (Bi̱ Nayejngoo, enero tsiguʼ 2019)
Guʼyáá xú káʼnii nimbáyúu rí maʼga̱ reunión mbáa dxámá maski niʼniuu gakhii maʼga̱.
Mbiʼin xa̱bu̱ nuthi dí cruzi nasngájmiin rí nindxúu̱n cristiano, lá gíʼmaa majmiulú cruzi mu mbuʼyamajkuíí Dios ráʼ.
“Ndijkhá rí tséjmiún cruzi testigos de Jeobá rá. (Artículo dí rígá náa jw.org)
a Rígi̱ mbuʼyáá náa kíxnuu rí ma̱ʼkha̱.
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
