KÍXNUU 15
Tsáá nindxu̱u̱ Jesús rá.
Jesús ninindxu̱u̱ mbáa xa̱bu̱ bi̱ itháan nijmaʼniiʼ bi̱ nixtáa nákha wájyúuʼ. Mbaʼin nuniʼnuuʼ mbiʼyuu, mú káaʼ nguéjmíin bi̱ phú nuniʼniiʼ májánʼ. Ga̱jma̱a̱ mbaʼin xa̱bu̱ mixtiʼkhu xóo endxaʼwamíjna̱ ga̱jma̱a̱ numuu Jesús. Ndiéjunʼ eʼsngáa náa Biblia ga̱jma̱a̱ numuu ikhaa xá.
1. Tsáá nindxu̱u̱ Jesús rá.
Jesús nindxu̱u̱ mbáa espíritu bi̱ gíʼdoo tsiakii bi̱ xtáa mekhuíí. Jeobá niʼnii ginii kayuuʼ nákha xóo tséʼni i̱ʼwáʼ. Ikha jngóo rí nagumbiʼyuu “bi̱ nigumaa ginii kayuuʼ náa xúgíʼ dí nigumawíi” (Colosenses 1:15). Náa Biblia naxná mbiʼyuu Jesús rí nindxu̱u̱ “A̱ʼdióo bi̱ mbáwíi”, numuu dí mbáwíi ikhaa nindxu̱u̱ bi̱ mínaaʼ Jeobá niʼnii (Juan 3:16). Jesús niñajunʼ mbóó ga̱jma̱a̱ Anu̱u̱ Jeobá, nimbáyúu mu maʼniwíi xúgíʼ dí rígá (atraxnuu Proverbios 8:30). Ga̱jma̱a̱ mbá nájmi̱i̱n ra̱ʼkhá tháán májánʼ embájxu̱u̱n. Jesús ñajuunʼ “Ajngáa”, xóo muʼthá, bi̱ najngrui̱go̱o̱ kagu̱u̱ ajngóo Dios, ikhaa najngrui̱go̱o̱ kagu̱u̱ ikha ga̱jma̱a̱ ajngóo Anu̱u̱ (Juan 1:14).
2. Náá numuu ni̱ʼkha̱ Jesús náa tsu̱du̱u̱ Ku̱ba̱ʼ rá.
Naʼni a̱jma̱ míí tsiguʼ rí Jeobá nijmuu espíritu santo ndrígóo mu maʼni mbá milagro: Asndu mekhuíí niʼni rí Jesús, bi̱ nindxu̱u̱ mbáa ángel bi̱ gíʼdoo tsiakii, mu magiwa̱nʼ náa awúu̱n mbáa dxáʼgú bi̱ xóó tsébóoʼ ga̱jma̱a̱ xa̱bu̱ bi̱ mbiʼyuu María. Núma̱a̱ má rúʼko̱, Jesús nindoo nixtáa xóo mbáa xa̱bu̱ numbaaʼ (atraxnuu Lucas 1:34, 35). Jesús ni̱ʼkha̱ náa tsu̱du̱u̱ Ku̱ba̱ʼ mu mani̱ndxu̱u̱ Cristo o Mesías bi̱ nijuiʼtá ma̱ʼkha̱, mu maʼnikáwíin xa̱bu̱ numbaaʼ. a Xúgíʼ kiʼtáriyaʼ rí na̱ʼkha̱ raʼthí náa Biblia ga̱jma̱a̱ numuu Mesías nimbánúu náa ikhaa. Rúʼko̱ niʼni rí xa̱bu̱ nindoo ndiyáá rí ikhaa nindxu̱u̱ “Cristo, A̱ʼdióo Dios bi̱ ndaʼya” (Mateo 16:16).
3. Náá xtáa Jesús xúgi̱ rá.
Índo̱ Jesús nikháñuu náa tsu̱du̱u̱ ku̱ba̱ʼ, ikhú nigabi̱i̱ xóo mbáa espíritu ga̱jma̱a̱ ni̱jkha̱a̱ mekhuíí. Ikhí “Dios nixnúu mbá ñajunʼ rí itháan gíʼdoo numuu maʼni” (Filipenses 2:9). Rí xúgi̱, Jesús nikhánáá rí maʼtáñajunʼ, mú Jeobá nindxu̱u̱ bi̱ gíʼdoo itháan tsiakii ki xóo ikhaa.
GAJMAÑAAʼ ITHÁAN
Guʼyáá itháan, tsáá phú nindxu̱u̱ Jesús ga̱jma̱a̱ ndíjkha rí gíʼdoo wéñuuʼ numuu muniʼníiʼlú.
4. Jesús na̱nguá nindxu̱u̱ Dios bi̱ gíʼdoo Xúgíʼ tsiakii
Maski ajndu Jesús nindxu̱u̱ mbáa ángel bi̱ gíʼdoo tsiakii náa mekhuíí, mu náa Biblia naʼthí dí naʼnimbo̱o̱ kaʼyoo Jeobá bi̱ nindxu̱u̱ Dios ndrígóo ga̱jma̱a̱ Anu̱u̱. Ndíjkha eʼthálú rígi̱ rá. Gu̱ya̱a̱ VIDEO mu makru̱ʼu̱lú rí naʼthí náa Biblia ga̱jma̱a̱ numuu ñajunʼ dí gíʼdoo Jesús náa Dios bi̱ gíʼdoo Xúgíʼ tsiakii.
Texto rígi̱ nambáyulú makru̱ʼu̱lú dí Jeobá ga̱jma̱a̱ Jesús ni̱ndxu̱ún mixtiʼkuiin. Guraxnuu mámbá texto ga̱jma̱a̱ gutamíjnála rígi̱:
Guraxnuu Lucas 1:30-32.
-
Xú káʼnii nisngájma rí niʼthí ángel dí Jesús ga̱jma̱a̱ Jeobá, bi̱ “Xtáa mitsidanʼ” ni̱ndxu̱ún mixtiʼkuiin rá.
Guraxnuu Mateo 3:16, 17.
-
Ndiéjunʼ niʼthí aʼwá rí niwán asndu mekhuíí índo̱ Jesús nijngúun iyááʼ rá.
-
Tsáá aʼwóo rí niwán ku̱ma̱a̱ʼ ikháán rá.
Guraxnuu Juan 14:28.
-
Tsáá itháan nikhi̱i̱ ga̱jma̱a̱ bi̱ gíʼdoo itháan ñajunʼ: Xa̱bu̱ nikhi̱i̱ o a̱ʼdióo che̱ʼ.
-
Ndiéjunʼ nindoo gáʼthí Jesús índo̱ niʼthúu̱n Jeobá “Anu̱ʼ” rá.
Guraxnuu Juan 12:49.
-
Lá nikumu̱u̱ Jesús dí ikhaa ga̱jma̱a̱ Anu̱u̱ ni̱ndxu̱ún mbíʼthán ráʼ. Ndiéjunʼ ku̱ma̱a̱ʼ ikháán rá.
5. Jesús ninindxu̱u̱ Mesías
Náa Biblia na̱ʼkha̱ mbaʼa kiʼtáriyaʼ rí mambáñún xa̱bu̱ mbuyáá tsáa nindxu̱u̱ Mesías, xóo muʼthá, bi̱ Dios ndiyáaʼ mu maʼnikáwíin xúgíinʼ xa̱bu̱ numbaaʼ. Gu̱ya̱a̱ VIDEO, ikhí muxkamaa náa na̱ʼkha̱ raʼthí ga̱jma̱a̱ numuu tikhu rí kiʼtáriyaʼ dí nimbánuu náa Jesús índo̱ nixtáa náa tsu̱du̱u̱ Ku̱ba̱ʼ.
Guraxnuu kiʼtáriyaʼ dí na̱ʼkha̱ náa Biblia ga̱jma̱a̱ gutamíjnála rígi̱:
Guraxnuu Miqueas 5:2 mu mbuʼyáá náá mínaaʼ gágumaa Mesías. b
-
Lá nimbánuu kiʼtáriyaʼ rígi̱ índo̱ nixtáa Jesús ráʼ. (Mateo 2:1.)
Guraxnuu Salmo 34:20 ma̱ngaa Zacarías 12:10 mu mbu̱ya̱a̱ tikhu rí nijuiʼtáriyaʼ ga̱jma̱a̱ numuu xóo makhañúu Mesías.
-
Lá nimbánuu kiʼtáriyaʼ rígi̱ ráʼ. (Juan 19:33-37.)
-
Lá naku̱ma̱a̱ʼ rí Jesús niʼni xó má eyoo mu mambanúu tikhu kiʼtáriyaʼ rígi̱ ráʼ.
-
Ndiéjunʼ eʼsngáaʼ ikháán ga̱jma̱a̱ numuu Jesús xúgíʼ rígi̱ rá.
6. Rí muniʼniiʼ Jesús nambáyulú
Náa Biblia na̱ʼkha̱ raʼthí dí gíʼdoo wéñuuʼ numuu mbuʼyáá ga̱jma̱a̱ numuu Jesús ma̱ngaa ñajunʼ rí Dios nixnúu. Guraxnuu Juan 14:6 ma̱ngaa 17:3 ga̱jma̱a̱ gutamíjnála rígi̱:
-
Ndíjkha rí gíʼdoo wéñuuʼ numuu muniʼniiʼ Jesús rá.
Jesús niríyaʼ mbá kamba̱a̱ mu ma̱ndoo mambajxulú gajmiúlú Dios, ma̱ngaa niʼsngáa rí gajkhun ga̱jma̱a̱ numuu Jeobá. Ma̱ngaa ma̱ndoo muxkamaa rí makuwáánʼlu kámuu mbiʼi ga̱jma̱a̱ numuu ikhaa.
RÍ NUTHI TIKHUN: “Testigos de Jeobá nditháan tsékumu̱ún kuyáá Jesucristo”.
-
Ndiéjunʼ gatriʼña̱a̱ rá.
RÍ NAGÁJNURIYO̱O̱ʼ
Jesús nindxu̱u̱ mbáa espíritu bi̱ gíʼdoo tsiakii, nindxu̱u̱ A̱ʼdióo Dios ma̱ngaa Mesías.
Rí nijmañaaʼ
-
Náá numuu rí Jesús nagumbiʼyuu “bi̱ nigumaa ginii kayuuʼ náa xúgíʼ dí nigumawíi rá.”
-
Ndiéjunʼ eʼni Jesús nákha xóó tséʼkha̱ náa tsu̱du̱u̱ Ku̱ba̱ʼ rá.
-
Xú káʼnii eʼyáá rí Jesús nindxu̱u̱ Mesías rá.
ATAYÁÁ ITHÁAN
Atayáá itháan náa nasngájma rí Jesús nindxu̱u̱ Mesías.
“Nasngájma rí kiʼtáriyaʼ náa Biblia dí Jesús ninindxu̱u̱ Mesías ráʼ.” (Artículo dí rígá náa jw.org)
Atayáá á mu náa Biblia naʼthí rí Dios ni̱jkha̱nú ninindxu̱u̱ Anu̱u̱ Jesús xó má guáʼdiin e̱jñún xa̱bu̱ numbaaʼ.
“Náá numuu rí Jesús nagumbiʼyuu A̱ʼdióo Dios rá.” (Artículo dí rígá náa jw.org)
Atayáá náá numuu rí trinidad na̱nguá nindxu̱u̱ kiʼsngáa rí na̱ʼkha̱ náa Biblia.
“Jesús: Nindxu̱u̱ Dios ráʼ.” (Bi̱ Nayejngoo, 1 ñajunʼ gu̱nʼ abril tsiguʼ 2009)
Atayáá xú káʼnii nixtiʼkhu̱u̱ xóo xtáa mbáa a̱ʼgu̱ índo̱ niguámbóo ndiyáʼ rí naʼthí náa Biblia ga̱jma̱a̱ numuu Jesús.
“Mbáa judía naʼthí náá numuu niriʼkhu̱u̱ rí naʼnimbo̱o̱” (¡Awaxunʼ!, mayo tsiguʼ 2013)
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
