KÍXNUU 16
Ndiéjunʼ niʼni Jesús índo̱ nixtáa náa tsu̱du̱u̱ Ku̱ba̱ʼ rá.
Índo̱ xa̱bu̱ nundxa̱ʼwa̱míjna̱ ga̱jma̱a̱ numuu Jesús, nduyáá xóo mbáa a̱ʼdá cháʼñaánʼ, mbáa profeta bi̱ ra̱ʼkhá tháán ejmañuu o mbáa xa̱bu̱ bi̱ inu makhañúu. Á mu nuʼnigajmaa itháan xú káʼnii nixtáa náa tsu̱du̱u̱ Ku̱ba̱ʼ ma̱ndoo muʼniilú itháan májánʼ. Náa kíxnuu rígi̱, mbuʼyáá tikhu rí gíʼdoo wéñuuʼ numuu dí niʼni Jesús ga̱jma̱a̱ xú káʼnii ma̱ndoo mambáyaaʼ ikháán.
1. Ndiéjuunʼ ñajunʼ rí itháan niʼni Jesús rá.
Ñajunʼ rí itháan niʼni Jesús ninindxu̱u̱ dí “maʼtáraʼa ajngáa rí májánʼ ga̱jma̱a̱ numuu Xa̱bu̱ Ñajunʼ ndrígóo Dios” náa xa̱bu̱ (atraxnuu Lucas 4:43). Niʼtáraʼaʼ ajngáa rí májánʼ dí Dios magíiʼ mbáa Xa̱bu̱ Ñajunʼ bi̱ maʼnimbánuu xúgíʼ xkujndu dí rígá náa tsu̱du̱u̱ Ku̱ba̱ʼ. a Ajtsú tsiguʼ tikhu, Jesús nixtáa niʼtáraʼaʼ ajngáa rígi̱ (Mateo 9:35).
2. Ndiéjunʼ niyambáá milagros rí niʼni Jesús rá.
Náa Biblia naʼthí “niʼni milagros dí itháan mba̱ʼu̱ rí Dios nijmiuu [Jesús] mu maʼni” (Hechos 2:22). Núma̱aʼ má tsiakii ndrígóo Dios, Jesús niʼngo̱o̱ nitsiji̱i̱ giñán mbiʼ, nixníʼtsún mbaʼin xa̱bu̱, niʼni thanún bi̱ naʼniún nandii ga̱jma̱a̱ asndu niʼnigabiín tikhun bi̱ nikháñun (Mateo 8:23-27; 14:15-21; Marcos 6:56; Lucas 7:11-17). Milagros dí niʼni Jesús nisngájma kaʼwu rí Dios nikungua̱a̱nʼ. Ma̱ngaa nisngájma rí Jeobá gíʼdoo tsiakii mu maʼnimbánuu xúgíʼ xkujndu ndrígúlú.
3. Ndiéjunʼ eʼsngúlú xóo nixtáa Jesús rá.
Jesús niʼnimbo̱o̱ kaʼyoo Jeobá xúgíʼ mbiʼi (atraxnuu Juan 8:29). Niwi̱ji̱ jmbu asndu índo̱ nikháñu ma̱ngaa niʼnimbánuu ñajunʼ rí nixnúu Anu̱u̱ maski asndu mbaʼin nigimijna̱ murikháá. Nisngájma, bi̱ ni̱ndxu̱lú xa̱bu̱ numbaaʼ ma̱ndoo mu̱ʼni̱ ñajuunʼ Dios maski asndu kuwáánʼ ranújngulú mbiʼi mingíjyúuʼ. Xígi̱ kaʼnii Jesús “nigíʼ mbá xkri̱da” mu mbuyáá xa̱bi̱i̱ “mu xúʼko̱ gúni̱ mangiin” (1 Pedro 2:21).
GAJMAÑAAʼ ITHÁAN
Guʼyáá xú káʼnii niʼtáraʼaʼ ajngáa rí májánʼ Jesús ga̱jma̱a̱ xú káʼnii niʼni mbaʼa milagros.
4. Jesús niʼtáráʼa ajngáa rí májánʼ
Jesús ni̱jkha̱ mitsínguánʼ wéñuʼ ga̱jma̱a̱ rajkúu náa kamba̱a̱ rí naʼni yujndaʼ mu maʼthúún ajngáa rí májánʼ xa̱bu̱ xóo má gáʼngo̱o̱. Guraxnuu Lucas 8:1 ga̱jma̱a̱ gutamíjnála rígi̱:
-
Jesús i̱ndó niʼthún ajngáa rí májánʼ xa̱bu̱ bi̱ nagún gúyáá mu mudxawíín ráʼ.
-
Ndiéjunʼ ndiyóoʼ maʼni Jesús mu maxkamiin xa̱bu̱ rá.
Dios niʼtáriyaʼ dí Mesías maʼtáraʼa ajngáa rí májánʼ. Guraxnuu Isaías 61:1, 2 ga̱jma̱a̱ gutamíjnála rígi̱:
-
Xú káʼnii niʼnimbánuu Jesús kiʼtáriyaʼ rígi̱ rá.
-
Lá marata̱ mangáánʼ dí xa̱bu̱ bi̱ kúwá mbiʼi xúgi̱ nda̱ñúunʼ mudxawíín ajngáa rí májánʼ rígi̱ ráʼ.
5. Jesús niʼsngáa ikha rí gíʼdoo wéñuuʼ numuu
Jesús raʼkháa i̱ndó niʼtáráʼa ajngáa rí májánʼ ga̱jma̱a̱ numuu Xa̱bu̱ Ñajunʼ ndrígióo Dios, ma̱ngaa niʼsngáa ikha rí nayambáá. Guʼyáá tikhu xkri̱da rí nijuiʼtá náa Discurso dí nixná náa Kúbá. Guraxnuu Mateo 6:14, 34 ma̱ngaa 7:12 ga̱jma̱a̱ gutamíjnála rígi̱:
-
Xú káʼni consejo májánʼ nixná Jesús náa versículos rígi̱ rá.
-
Lá naku̱ma̱a̱ʼ ikháán dí consejo rígi̱ ma̱ndoo mambáñún xa̱bu̱ mbiʼi xúgi̱ ráʼ.
6. Jesús niʼni mbaʼa milagros
Jeobá nixnúu tsiakii Jesús mu maʼni mbaʼa milagros. Mu mbu̱ya̱a̱la mbóoʼ, guraxnuu Marcos 5:25-34 o gu̱ya̱a̱ VIDEO. Ga̱jma̱a̱ nda̱wa̱á gutamíjnála rígi̱:
-
Xó má ndiʼyáá náa video, ndiéjunʼ rí ndiʼyoo má a̱ʼgu̱ bi̱ naʼniuu nandii rá.
-
Ndiéjunʼ rí itháan nanigua̱a̱ʼ náa milagro rígi̱ rá.
Guraxnuu Juan 5:36 ga̱jma̱a̱ gutamíjnála rígi̱:
-
Ndiéjunʼ “esngájma” milagros dí Jesús niʼni rá.
Lá natayáá má ráʼ.
Ítháan maʼni mbá xúgíʼ rí nduʼyáá má ga̱jma̱a̱ numuu Jesús dí na̱ʼkha̱ náa mbá nájkhu̱ libro ndrígóo Biblia rí nagumbiʼyuu Evangelios. Bi̱ niniraʼmáʼ mbá nájkhu̱ Evangelios rígi̱ ninindxu̱ún—Mateo, Marcos, Lucas ga̱jma̱a̱ Juan—ikhiin mixtiʼkhu xóo kaʼnii nithi ga̱jma̱a̱ numuu Jesús. Mbá xúgíʼ rígi̱ naʼni mbuʼyáá xóo kaʼnii nixtáa Jesús.
-
MATEO
ninindxu̱u̱ timbáa bi̱ niʼnirámáʼ Evangelios rígi̱. Náa i̱yi̱i̱ʼ dí niʼnirámáʼ na̱ʼkha̱ raʼthí xú káʼnii niʼsngáa Jesús, itháan índo̱ niʼthí ga̱jma̱a̱ numuu Xa̱bu̱ Ñajunʼ ndrígióo Dios.
-
MARCOS
ikhaa niʼnirámáʼ Evangelio rí na̱nguá mba̱a̱. Mbá na̱cha̱á ni̱jkha̱ raʼthí ga̱jma̱a̱ niʼthí xú káʼnii niʼni Jesús.
-
LUCAS
ikhaa niʼnirámáʼ rí gíʼdoo wéñuuʼ numuu dí muʼtájkáan ga̱jma̱a̱ xú káʼnii Jesús niʼniún rí májánʼ gu̱ʼu̱.
-
JUAN
ikhaa niʼthí itháan xú káʼnii xa̱bu̱ ninindxu̱u̱ Jesús, numuu dí ikhí na̱ʼkha̱ raʼthí xú káʼnii Jesús niʼtámíjná gajmíi̱n mígiu̱u̱ ga̱jma̱a̱ eʼwíinʼ xa̱bu̱.
RÍ NUTHI TIKHUN: “Jesús i̱ndó ninindxu̱u̱ mbáa májáanʼ xa̱bu̱ú”.
-
Dí rathá ikháán rá.
RÍ NAGÁJNURIYO̱O̱ʼ
Jesús niʼtáráʼa numuu Xa̱bu̱ Ñajunʼ ndrígióo Dios, niʼni milagros ga̱jma̱a̱ niʼnimbo̱o̱ má xúʼko̱ kaʼyoo Jeobá.
Rí nijmañaaʼ
-
Ndiéjunʼ ninindxu̱u̱ ñajunʼ rí itháan niʼni Jesús nákha nixtáa náa tsu̱du̱u̱ Ku̱ba̱ʼ rá.
-
Ndiéjunʼ nisngájma milagros rí niʼni Jesús rá.
-
Xú káʼnii ikha rí nayambáá niʼsngáa Jesús rá.
ATAYÁÁ ITHÁAN
Ndiéjunʼ nindxu̱u̱ ajngáa rí itháan niʼthí Jesús rá.
Atayáá, náá numuu nduʼyáá gajkhun nirígá milagros dí niʼni Jesús.
Atraxnuu mu ma̱ta̱ya̱a̱ xú káʼnii nixtiʼkhu̱u̱ rí nixtáa mbáa xa̱bu̱ índo̱ nijmañuu rí Jesús táxmiéjuunʼ kaʼyaminaʼ i̱ndó ikhaa.
Atayáá ndiéjunʼ ni̱jkha̱ ragi̱ʼi̱ rarígá índo̱ nixtáa raʼtáraʼa Jesús.
“Xóo nixtáa Jesús náa tsu̱du̱u̱ ku̱ba̱ʼ” (La Biblia. Traducción del Nuevo Mundo, apéndice A7)
a Náa kíxnuu 31 asndu 33 na̱ʼkha̱ raʼthí itháan xú káʼnii nindxu̱u̱ Xa̱bu̱ Ñajunʼ ndrígióo Dios.
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
