KÍXNUU 17
Xú káʼnii nindxu̱u̱ Jesús rá.
Xóo má ejkha̱ rajmañulu ga̱jma̱a̱ numuu Jesús dí niʼni ga̱jma̱a̱ rí niʼthí índo̱ nixtáa náa tsu̱du̱u̱ Ku̱ba̱ʼ, na̱jkua̱nú nduʼyáá cualidad rí na̱jkha̱ kaguánlu itháan mijngii náa ikhaa ga̱jma̱a̱ náa Anu̱u̱, Jeobá. Ndiéjunʼ nindxu̱u̱ tikhu cualidad rí mitsaanʼ rúʼko̱ rá. Ga̱jma̱a̱ ndiéjunʼ gámbáyulú mu makujmáán xóo Jesús rá.
1. Xú káʼnii kujmaa rí Jesús nindxu̱u̱ xó má Anu̱u̱ rá.
Jesús nixtáa mbayuuʼ tsiguʼ mekhuíí raʼyoo ga̱jma̱a̱ najmañuu xóo e̱ʼni̱ Anu̱u̱. Ikha jngóo nandxa̱ʼwáminaʼ, naku̱mu̱u̱ ga̱jma̱a̱ naʼni xó má eʼni ikhaa (atraxnuu Juan 5:19). Jesús nasngájma májánʼ xóo xa̱bu̱ nindxu̱u̱ Anu̱u̱ rí asndu ikhaa má niʼthí: “Bi̱ ndiʼyoʼ ikhúún ndiʼyoo má Anu̱ʼ ma̱ngaa” (Juan 14:9). Ikha jngóo á mu natatsiʼnii májánʼ Jesús, matatsiʼniiʼ májánʼ Anu̱u̱ ma̱ngaa. Mbá xkri̱da, nagáwíin a̱jkiu̱u̱n kaʼñúún xa̱bu̱, rúʼko̱ nasngájma rí Jeobá nagáwíin a̱jkiu̱u̱n kaʼyaaʼ mangáánʼ.
2. Xú káʼnii nisngájma Jesús rí nandoo kaʼyoo Anu̱u̱ rá.
Jesús niʼthí: “Mu xa̱bu̱ mbuyáá rí ikhúúnʼ nandoʼ ka̱yo̱o̱ Anu̱ʼ, na̱ni̱ xó má rí naʼthúnʼ Anu̱ʼ ma̱ni̱” (Juan 14:31). Índo̱ Jesús nixtáa náa tsu̱du̱u̱ ku̱ba̱ʼ, nisngájma dí ra̱ʼkhá tháán eyoo kaʼyoo Anu̱u̱ numuu rí niʼnimbo̱o̱ asndu índo̱ nixtáa ramínúuʼ. Ma̱ngaa Jesús naniguuʼ wéñuuʼ maʼthí ga̱jma̱a̱ numuu Anu̱u̱ ma̱ngaa rí mambáñun eʼwíinʼ mu mambájxuun gajmiún Dios (Juan 14:23).
3. Xú káʼnii nisngájma Jesús rí nindoo kaʼñún xa̱bu̱ rá.
Náa Biblia naʼthí dí Jesús ra̱ʼkhá tháán “eyoo kaʼñún xa̱bu̱ numbaaʼ” (Proverbios 8:31). Nisngájma rí nindoo kaʼñún xa̱bu̱ índo̱ nixnúún tsiakii ga̱jma̱a̱ nimbañúún ma̱ngaa tágíʼthu̱u̱n rí xúʼko̱ gúníi ma̱ngaa. Milagro rí niʼni, raʼkháa i̱ndó nasngájma tsiakii rí gíʼdoo ma̱ngaa nasngájma rí nagáwíin a̱jkiu̱u̱n (Marcos 1:40-42). Májáanʼ xa̱bu̱ ninindxu̱u̱ ma̱ngaa niʼniún májánʼ mbá xúgíinʼ. Ajngáa rí niʼthí nimbáñun ga̱jma̱a̱ niʼni maʼni̱i̱ a̱jkiu̱ún mbá xúgíinʼ xa̱bu̱ bi̱ nidxawíín rí nisngáa. Asndu nixtáa xawii mu mamínuʼ ga̱jma̱a̱ makhañúu, numuu dí ra̱ʼkhá tháán nindoo kaʼñún xa̱bu̱ numbaaʼ. Mú, itháan eyoo kaʼñún bi̱ nunimbún dí ikhaa naʼsngáa (atraxnuu Juan 15:13, 14).
GAJMAÑAAʼ ITHÁAN
Guʼyáá itháán xú káʼnii xa̱bu̱ nindxu̱u̱ Jesús ga̱jma̱a̱ guʼyáá xú káʼnii gándoo guʼyaridáá xkri̱doo rí nandoo kaʼñún xa̱bu̱ ga̱jma̱a̱ naxná dí gíʼdoo.
4. Jesús nindoo kaʼyoo Anu̱u̱
Jesús nigíʼ xkri̱da xú káʼnii gándoo musngajmáá Dios rí nandulú kuʼyáá. Guraxnuu Lucas 6:12 ma̱ngaa Juan 15:10 ga̱jma̱a̱ 17:26. Índo̱ gámbála ruraxnuu mambá texto, gutamíjnála rígi̱:
-
Xó má niʼni Jesús, xú káʼnii gándoo musngajmáá Jeobá rí nandulú kuʼyáá rá.
Jesús nindoo kaʼyoo Anu̱u̱ ga̱jma̱a̱ nángi eʼni eʼtákháñu.
5. Jesús naxmiéjuunʼ káʼñún bi̱ nda̱ñúunʼ
Jesús na̱nguá nixmiéjuunʼ kaʼyaminaʼ i̱ndó ikhaa. Itháan nixmiéjuunʼ kaʼñún eʼwíinʼ asndu mbiʼi rí néʼngo̱o̱, nijmuu mbiʼi ga̱jma̱a̱ tsiakii ndrígóo mu mambáñun eʼwíinʼ. Guraxnuu Marcos 6:30-44 ga̱jma̱a̱ gutamíjnála rígi̱:
-
Xó má naʼthí náa relato rígi̱, xú káʼnii nisngájma Jesús rí nixmiéjuunʼ kaʼñún eʼwíinʼ rá. (Gu̱ya̱a̱ versículo 31, 34, 41 ga̱jma̱a̱ 42.)
-
Náá numuu nimbáñun xa̱bu̱ buʼko̱ Jesús rá. (Gu̱ya̱a̱ versículo 34.)
-
Xó má niʼni Jesús nisngájma xóo xa̱bu̱ nindxu̱u̱ Anu̱u̱, ndiéjunʼ eʼsngáaʼ xúgíʼ rígi̱ ikháán ga̱jma̱a̱ numuu Jeobá rá.
-
Xú káʼnii gándoo gaxmiéjunlú kuʼñúún eʼwíinʼ, xó má niʼni Jesús rá.
6. Jesús naxná rí gíʼdoo
Maski asndu Jesús na̱nguá nigiʼdoo wéñuuʼ, mú ikhaa nixná rí gíʼdoo ga̱jma̱a̱ naʼthúlú rí xúʼko̱ guʼni mangáanʼ. Guraxnuu Hechos 20:35 ga̱jma̱a̱ gutamíjnála rígi̱:
-
Xó má niʼthí Jesús, ndiéjunʼ rí naʼni makuwáanʼlu gagi rá.
Gu̱ya̱a̱ VIDEO ga̱jma̱a̱ gutamíjnála rígi̱:
-
Xú káʼnii gándoo gúxná maski asndu rakuáʼdáá wéñuuʼ rá.
Lá natayáá má ráʼ.
Náa Biblia naʼthí rí gíʼmaa majmulú mbiʼyuu Jesús índo̱ nuʼtákáñii Jeobá (guraxnuu Juan 16:23, 24). Xúʼko̱ nusngajmáá rí nduʼyamajkuíí dí Jesús niʼni mu ma̱ndoo mambáxulu gajmiúlú Jeobá.
RÍ NUTHI TIKHUN: “Dios tsixmiéjuunʼ kaʼñún xa̱bu̱ índo̱ numíniiʼ”.
-
Jesús nasngájma xóo nindxu̱u̱ Anu̱u̱. Xú káʼnii esngájma xkridoo dí naxmiéjuunʼ eʼnilú Jeobá rá.
RÍ NAGÁJNURIYO̱O̱ʼ
Jesús nandoo kaʼyoo Jeobá ga̱jma̱a̱ nandoo kaʼñún xa̱bu̱. Ikhaa nindxu̱u̱ xó má káʼnii Anu̱u̱, índo̱ gátatsiʼnii májánʼ Jesús, itháán gátatsiʼnii Jeobá.
Rí nijmañaaʼ
-
Xú káʼnii gándoo musngajmá rí nandulú kuʼyáá Jeobá xó má niʼni Jesús rá.
-
Xú káʼnii gusngajmá rí nandulú kuʼñúún xa̱bu̱ xó má niʼni Jesús rá.
-
Ndiéjunʼ rí itháan nanigua̱a̱ʼ ikháán rí xóo xa̱bu̱ nindxu̱u̱ Jesús rá.
ATAYÁÁ ITHÁAN
Atayáá tikhu cualidad ndrígóo Jesús rí ma̱ndoo mbuʼyaridáá.
“Guʼyaridáá xkridoo Jesús”. (Jesús: el camino, la verdad y la vida, ináá 317)
Atayáá nguáthá gíʼdoo numuu Jesús náa nuʼtájkáan.
Lá naʼthí náa Biblia xú káʼnii kiejxu̱u̱ Jesús ráʼ.
“Xú káʼnii kiejxu̱u̱ Jesús rá.” (Artículo dí rígá náa jw.org)
Ndiéjunʼ ejmañuluʼ náa rí xóo Jesús niʼniún gu̱ʼu̱ rá.
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
