KÍXNUU 18
Xú káʼnii gáta̱ya̱a̱ tsíin ni̱ndxu̱ún cristianos bi̱ gajkhun rá.
Mbaʼin wéñuuʼ xa̱bu̱ nuthi rí ni̱ndxu̱ún cristianos, mu raʼkháa ikháá rí enimbu̱ún ga̱jma̱a̱ tségimijna muni rí emajñún. Ikha jngóo, xú káʼnii gándoo guʼñún tsíin phú ni̱ndxu̱ún cristianos bi̱ gajkhun rá.
1. Tsíin ni̱ndxu̱ún cristianos bi̱ gajkhun rá.
Cristianos ni̱ndxu̱ún xa̱bi̱i̱ o bi̱ nagún kidxuuʼ Jesucristo (atraxnuu Hechos 11:26). Xú káʼnii esngajma rí gajkhun nagún kidxuuʼ xá. Jesús niʼthí: “Á mu nakuwáanʼ má xúʼko̱ náa rí nisngáa, musngajmá gajkhun rí nindxa̱la xa̱bi̱ʼ” (Juan 8:31). Rígi̱ nandoo gáʼthúu̱n rí cristianos bi̱ gajkhun, ndayóoʼ munimbu̱ún kiʼsngáa ndrígóo Jesús. Cristianos bi̱ gajkhun nunimbu̱ún rí naʼthí náa Biblia, xó ma nisngáa Jesús náa Escrituras (atraxnuu Lucas 24:27).
2. Xú káʼnii esngajma rí nandún kuyamijná bi̱ ni̱ndxu̱ún cristianos gajkhun rá.
Jesús niʼthún xa̱bi̱i̱: “Rí maʼndalá kuyamíjna̱ xó má ikhúúnʼ nandoʼ ka̱ya̱la” (Juan 15:12). Xú káʼnii nisngájma Jesús rí nindoo kaʼñún xa̱bi̱i̱ rá. Niríyaʼ mbiʼi mu maxtáa gajmíi̱n ga̱jma̱a̱ nixnúún tsiakii ma̱ngaa nimbáñun, asndu nixnáximinaʼ mu makhañúu ga̱jma̱a̱ numún (1 Juan 3:16). Xó má Jesús, cristianos bi̱ gajkhun raʼkháa i̱ndó nuthíí rí nandún kuyamijná, nusngajma gajkhun rí nandún kuñún eʼwíinʼ ga̱jma̱a̱ dí nuthi ma̱ngaa rí nuni.
3. Náa guaʼyaa ñajunʼ rí itháán gíʼdoo numuu eyáá cristianos bi̱ gajkhun rá.
Jesús nixnúún mbá ñajunʼ xa̱bi̱i̱, “nikuʼmiin mutaraʼa ga̱jma̱a̱ numuu Xa̱bu̱ Ñajunʼ ndrígóo Dios” (Lucas 9:2). Timbíin cristianos bi̱ nikúwá, raʼkháa i̱ndó nitaraʼa náa nduyamajkuíí Dios ma̱ngaa nigún rutaraʼa náa kúwi̱i̱n mbaʼin xa̱bu̱ ga̱jma̱a̱ náa mambá guʼwún (atraxnuu Hechos 5:42; 17:17). Rí mbiʼi xúgi̱, cristianos bi̱ gajkhun nutaraʼa kisngáa ndrígóo Biblia asndu náa má exkamiin xa̱bu̱. Numuu dí nandún kuñún xa̱bu̱, ikha jngóo nuriyaʼ mbiʼi ga̱jma̱a̱ tsiakii ndrígu̱ún mu mutaraʼa ajngáa rí májánʼ ga̱jma̱a̱ mu muni̱i̱ a̱jkiu̱ún xa̱bu̱ ga̱jma̱a̱ Biblia (Marcos 12:31).
GAJMAÑAAʼ ITHÁAN
Gúʼyáá ndiéjunʼ rí naʼni mixtiʼkuiin bi̱ ni̱ndxu̱ún cristianos gajkhun náa eʼwíinʼ xa̱bu̱ bi̱ tsenimbánii kiʼsngáa ndrígóo Jesús ni má tséyaridáá xkridoo.
4. Nduyáʼ gajkhun rí na̱ʼkha̱ náa Biblia
Cristianos bi̱ nikúwá nákha timbá siglo ndiyáá rí gíʼdoo wéñuʼ numuu Ajngá rawuunʼ Dios.
Raʼkháa xúgíinʼ xa̱bu̱ bi̱ nuthi rí ni̱ndxu̱ún cristianos nduyáá dí gíʼdoo numuu kisngáa ndrígóo Biblia. Gu̱ya̱a̱ VIDEO ga̱jma̱a̱ gutamíjnála rígi̱:
-
Tikhu guʼwá ndxajkun nigíʼ murikhún xa̱bu̱ mu xúniʼnu kiʼsngáa ndrígóo Jesús, xú káʼnii nini xá.
Jesús niʼsngáa rí gajkhun dí na̱ʼkha̱ náa Ajngá rawuunʼ Dios. Guraxnuu Juan 18:37 ga̱jma̱a̱ gutamíjnála rígi̱:
-
Xó má niʼthí Jesús, xú káʼnii gándoo guʼyáá tsíin ni̱ndxu̱ún cristianos “bi̱ kúwá náa gajkhun rá.”
5. Nusngáa gajkhun dí na̱ʼkha̱ náa Biblia
Cristianos bi̱ nikúwá nákha timbá siglo nitaraʼa.
Nákha xóó tséjkha̱a̱ mekhuíí Jesús, ikhaa nixnúún xa̱bi̱i̱ mbá ñajunʼ dí kaʼnííʼ xtáa raguma mbiʼi xúgi̱. Guraxnuu Mateo 28:19, 20 ma̱ngaa Hechos 1:8 ga̱jma̱a̱ gutamíjnála rígi̱:
-
Asndu nguáná ga̱jma̱a̱ asndu náá minaaʼ gáʼyóoʼ miʼtáraʼa rá.
6. Nutaraʼa ga̱jma̱a̱ xkri̱da rí nugíʼ
Náá numuu rí mbáa xa̱bu̱ bi̱ mbiʼyuu Tom ndiʼyoo kaʼwu rí nixkamiin cristianos bi̱ gajkhun rá. Gu̱ya̱a̱ VIDEO ga̱jma̱a̱ gutamíjnála rígi̱:
-
Xó má ndiʼyáá náa video, ndíjkha rí nigawúunʼ Tom eʼni religión rá.
-
Náá numuu ndiʼyoo kaʼwu Tom dí nixkamaa gajkhun xá.
Itháán má gíʼdoo numuu rí matani ki xóo marata. Guraxnuu Mateo 7:21 ga̱jma̱a̱ gutamíjnála rígi̱:
-
Ndiéjunʼ rí itháán gíʼdoo numuu eʼyoo Jesús: Rí nuʼthá dí nuʼnimbulú o rí nusngajmá ga̱jma̱a̱ rí nuʼnilú dxe̱ʼ.
7. Nandún kuyamijná
Cristianos bi̱ nikúwá nákha timbá siglo nindúún kuyamijná kanikiín.
Lá nikúwá xawii cristianos rí asndu makhañún ga̱jma̱a̱ numún a̱ngiu̱ún ráʼ. Gu̱ya̱a̱ VIDEO ga̱jma̱a̱ gutamíjnála rígi̱:
-
Ndiéjunʼ nixkaxi̱i̱ ndxájulú Lloyd mu maxnáximinaʼ makhañúu ga̱jma̱a̱ numuu ndxájulú Johansson rá.
-
Lá naku̱ma̱a̱ʼ ikháán dí nisngájma rí nindxu̱u̱ mbáa cristiano bi̱ gajkhun ráʼ.
Guraxnuu Juan 13:34, 35 ga̱jma̱a̱ gutamíjnála rígi̱:
-
Xú káʼnii gúniuu xa̱bi̱i̱ Jesús—o cristianos bi̱ gajkhun—xa̱bu̱ bi̱ i̱ʼwáʼ raza o bi̱ naguwaʼ i̱ʼwáʼ xuajen rá.
-
Xú káʼnii gándoo gárígá rígi̱, índo̱ marigá guerra rá.
RÍ NUTHI TIKHUN: “Cristianos nuni rí xkawiʼ. Xú káʼnii gándoo gánindxu̱ún religión gajkhun xá.”
-
Xú káʼnii texto gáraxnuu mu ma̱ta̱ya̱a̱ tsíin ni̱ndxu̱ún cristianos bi̱ gajkhun rá.
RÍ NAGÁJNURIYO̱O̱ʼ
Cristianos bi̱ gajkhun nunimbánii kiʼsngáa rí na̱ʼkha̱ náa Biblia, kúwá xawii munigínamíjná ga̱jma̱a̱ numuu rí nandún kuñún eʼwíinʼ ma̱ngaa nutaraʼa Ajngáa rí gajkhun dí na̱ʼkha̱ náa Biblia.
Rí nijmañaaʼ
-
Náa minaaʼ e̱ʼkha̱ rí nunimbún cristianos bi̱ gajkhun rá.
-
Xú káʼnii cualidad esngájmiin rí ni̱ndxu̱ún cristianos bi̱ gajkhun xá.
-
Xú káʼnii ñajunʼ eni̱ xá.
ATAYÁÁ ITHÁAN
Atatsinuuʼ májánʼ xa̱bu̱ bi̱ nuni tsiakimijna mu mbuyaridáá xkridoo ga̱jma̱a̱ rí niʼsngáa Jesucristo.
Atraxnuu mu ma̱ta̱ya̱a̱ xú káʼnii mbáa a̱ʼgu̱ bi̱ ninindxu̱u̱ monja nixkamiin bi̱ ni̱ndxu̱ún asndu “xóo bi̱ kúwá náa goʼwóoʼ”.
Atayáá xú káʼnii esngajma cristianos bi̱ gajkhun rí nandún kuñún a̱ngiu̱ún índo̱ nda̱ñúunʼ.
Numbañun a̱ngiu̱lú índo̱ narígá mbá gamiéjunʼ (mbá xuíʼtóo) (3:57)
Jesús niʼthí xú káʼnii gánindxu̱ún xa̱bi̱i̱. Atayáá xú káʼnii ninindxu̱ún cristianos bi̱ nikúwá nákha timbá siglo ga̱jma̱a̱ cristianos bi̱ kúwá mbiʼi xúgi̱ xóo má niʼthí Jesús mani̱ndxu̱ún.
“Ndiéjunʼ esngámiin cristianos bi̱ gajkhun rá.” (Bi̱ Nayejngoo, 1 ñajunʼ gu̱nʼ marzo tsiguʼ 2012)
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
