KÍXNUU 19
Testigos de Jeobá ni̱ndxu̱ún cristianos bi̱ gajkhun ráʼ.
Bi̱ ni̱ndxu̱xu̱ʼ testigos de Jeobá ndu̱ya̱a̱xu kaʼwu rí ni̱ndxu̱xu̱ʼ cristianos bi̱ gajkhun. Náá numuu rá. Guʼyáá náa e̱ʼkha̱ rí nunimbuxuʼ ga̱jma̱a̱ mbiʼyuxu rí nasngájmaaʼ ma̱ngaa mbuʼyáá xú káʼnii eyuxuʼ kuyamijná.
1. Náá minaaʼ e̱ʼkha̱ rí nunimbún testigos de Jeobá rá.
Jesús niʼthúu̱n Dios: “Ajngáaʼ nindxu̱u̱ gajkhun” (Juan 17:17). Bi̱ ni̱ndxu̱xu̱ʼ testigos de Jeobá nunixu ikháá kayuuʼ xóo má niʼni Jesús: Rí nuni̱mbu̱xu̱ nindxu̱u̱ dí naʼthí náa Ajngá rawuunʼ Dios. Atayáá xú káʼnii nigi̱ʼdu̱u̱ nikúwá testigos de Jeobá bi̱ kúwá mbiʼi xúgi̱. Nákha mijngíí tsiguʼ 1870, mbá guéjmi̱i̱n bi̱ nunigajmaa Biblia nigi̱ʼdi̱i̱ ninigajmaa tsumáá Ajngá rawuunʼ Dios. Ikhiin nigími̱jna̱ munimbu̱ún rí na̱ʼkha̱ raʼthí náa Biblia, maski asndu rí ikhiin nunimbún tsembríguii ga̱jma̱a̱ rí nusngáa náa guʼwá ndxájkuun. Ga̱jma̱a̱ núkhu má ikhú nigi̱ʼdi̱i̱ nithúún eʼwíinʼ rí gajkhun dí ikhiin kúwá ruxkama. a
2. Náá numuu rí nagumbiʼyuxu testigos de Jeobá rá.
Jeobá naʼthí rí xa̱bu̱ bi̱ nduyamajkuíí ni̱ndxu̱ún testigiu̱u̱ numuu dí nuthi rí gajkhun ga̱jma̱a̱ numuu ikhaa (Hebreos 11:4-12:1). Mbá xkri̱da, nákha wajyúuʼ Dios niʼthúu̱n xuajñuu: “Ikháán ñajuanla testigiu” (atraxnuu Isaías 43:10). Ga̱jma̱a̱ Jesús nagumbiʼyuu “Testigo bi̱ jmbii” (Apocalipsis 1:5). Ikha jngóo nákha tsiguʼ 1931 niraʼwíxu rí magumbiʼyuxu testigos de Jeobá. Nadxuxu rí xúʼko̱ mbiʼyuxu.
3. Xú káʼnii esngajmá rí nandún kuyamijná testigos de Jeobá xó má eʼni Jesús rá.
Jesús ra̱ʼkhá tháán nindoo kaʼñún xa̱bi̱i̱, ikhaa ni̱jkha̱nú ndiʼñún xóo bi̱ kúwá náa goʼwóo (atraxnuu Marcos 3:35). Xúʼko̱ má bi̱ ni̱ndxu̱xu̱ʼ testigos de Jeobá kúwáanʼxu mbá kambáxuxu, náa mbájndi numbaaʼ kúwi̱i̱n a̱ngiu̱xu. Ikha jngóo nutamíjnaxu “ndxájuʼ” (Filemón 1, 2). Ma̱ngaa nunimbuxu xtángoo rígi̱: “Gaʼndala kuñu̱u̱n xúgíinʼ a̱ngiu̱lú” (1 Pedro 2:17). Bi̱ ni̱ndxu̱xu̱ʼ testigos de Jeobá mbaʼa xú káʼnii esngajmá rí nanduxu kuyamijná; mbá dí ikhaa ni̱ndxu̱u̱ rí numbáñun a̱ngiu̱xu bi̱ kúwá mbájndi numbaaʼ índo̱ nugíʼniin mbá gamiéjunʼ.
GAJMAÑAAʼ ITHÁAN
Guʼyáá itháán xú káʼnii ni̱jkha̱ ragiʼi rakúwi̱i̱n testigos de Jeobá ga̱jma̱a̱ guʼyáá itháán náa nasngajmáán rí ikháanʼ ni̱ndxu̱lú cristianos bi̱ gajkhun.
Náa Biblia e̱ʼkha̱ rí nunimbún cristianos bi̱ gajkhun ga̱jma̱a̱ nuthúún eʼwíinʼ rí ikhiin nunimbún.
4. Náa Biblia e̱ʼkha̱ rí nunimbuxuʼ
Jeobá niʼtáriyaʼ rí gajkhun dí na̱ʼkha̱ náa Biblia maʼga̱nú makru̱ʼu̱lú itháán kaʼwu. Guraxnuu Daniel 12:4 ga̱jma̱a̱ gutamíjnála rígi̱:
-
Ndiéjunʼ “gájoo” náa xa̱bi̱i̱ Dios índo̱ gunigajmaa tsumáá Biblia rá.
Atayáá xú káʼnii ninigajmaa tsumáá Ajngá rawuunʼ Dios mbá guéjmi̱i̱n bi̱ ninigajmaa Biblia, mbáa rí ikhaa ninindxu̱u̱ Charles Russell. Gu̱ya̱a̱ VIDEO ga̱jma̱a̱ gutamíjnála rígi̱:
-
Xó má ndiʼyáá náa video, xú káʼnii niʼnigajmaa Ajngá rawuunʼ Dios Charles Russell gajmíi̱n eʼwíinʼ bi̱ ninigajmaa Biblia rá.
Lá natayáá má ráʼ.
Nguáná nuriʼkhu̱u̱ tikhu rí nunimbuxu. Náá numuu rá. Numuu rí Dios naʼni makru̱ʼu̱xu mañu mañúú Ajngá rawuunʼ. Xó ma eʼni a̱jkha̱ʼ índo̱ najtsi mañu mañúú ejkha̱ rambiʼi gakhii ga̱jma̱a̱ ikhú nandoo nduʼyáá kaʼwu dí rígá (guraxnuu Proverbios 4:18). Ikha jngóo, maski asndu Biblia tsixtiʼkhu̱u̱, xó má ejkha̱ rajmañuxu xúʼko̱ nuriʼkhui̱i̱ rí nuʼnimbuxu.
5. Nduʼyamajkuíí rí egumbiʼyulú
Náá numuu niraʼwi̱i̱ rí magumbiʼyuxu testigos de Jeobá rá. Gu̱ya̱a̱ VIDEO ga̱jma̱a̱ gutamíjnála rígi̱:
-
Náá numuu rí májánʼ nindxu̱u̱ rí magumbiʼyuxu testigos de Jeobá rá.
Náá numuu rí Jeobá ndiñíinʼ xa̱bu̱ mu mani̱ndxu̱ún testigiuu rá. Ndíjkha rá. Numuu rí nijuiʼtá mbaʼa rí minduwaʼ ga̱jma̱a̱ numuu ikhaa. Ikha jngóo xa̱bu̱ bugi̱ muthi rí gajkhun ga̱jma̱a̱ numuu Jeobá, Dios gajkuwin. Guʼyáá káaʼ a̱jma̱ minduwaaʼ rígi̱.
Tikhu religión nuthi rí Dios nandoo rí majmiún xándú mu mbiʼyamajkuíí. Lá gajkhun rígi̱ ráʼ. Guraxnuu Levítico 26:1 ga̱jma̱a̱ gutamíjnála rígi̱:
-
Xó má eʼthí náa versículo rígi̱, ndiéjunʼ nindxu̱u̱ rí gajkhun rá. Xú káʼnii eʼñúún xándú Dios rá.
Tikhun xa̱bu̱ ede̱ bi̱ kúwá náa religión nusngáa rí Jesús nindxu̱u̱ Dios. Lá gajkhun rúʼko̱ ráʼ. Guraxnuu Juan 20:17 ga̱jma̱a̱ gutamíjnála rígi̱:
-
Xó má eʼthí náa versículo rígi̱, ndiéjunʼ nindxu̱u̱ dí gajkhun rá. Dios ga̱jma̱a̱ Jesús ni̱ndxu̱ún ikhiín má xa̱bu̱ ráʼ.
-
Xú káʼnii ku̱ma̱a̱ʼ ikháán índo̱ natayáá rí Jeobá nikuʼmiin testigiuu mu musngáa rí gajkhun ga̱jma̱a̱ numuu ikhaa ma̱ngaa numuu A̱ʼdióo rá.
6. Nanduxu kuyamijná
Náa Biblia naʼni mbríguíin cristianos xóo mixtiʼkhu enii dí rígá náa xuyuuʼ xa̱bu̱. Guraxnuu 1 Corintios 12:25, 26 ga̱jma̱a̱ gutamíjnála rígi̱:
-
Ndiéjunʼ gíʼmaa muni cristianos bi̱ gajkhun índo̱ eʼwíinʼ cristianos numíniiʼ rá.
-
Xú káʼnii esngajmá rí nandún kuyamijná testigos de Jeobá tayáá ikháán rá.
Índo̱ a̱ngiu̱ún bi̱ testigos de Jeobá numíniiʼ bi̱ kúwi̱i̱n náa mbájndi numbaaʼ mbá nacha̱ embañúúnʼ. Mu ma̱ta̱ya̱a̱ xú káʼnii eni̱, gu̱ya̱a̱ VIDEO. Ga̱jma̱a̱ gutamíjnála rígi̱:
-
Lá marata ikháán, ñajunʼ rí nini testigos de Jeobá mu mumbañún bi̱ numíniiʼ nasngajmá rí nandún kuyamijná xáʼ. Náá numuu rá.
Cristianos bi̱ gajkhun nusngajma rí nandún kuñún bi̱ nda̱ñúunʼ rí mixtambáñuun.
RÍ NUTHI TIKHUN: “Religión testigos de Jeobá ndiʼkhú nigi̱ʼdu̱u̱ nirígá”.
-
Nguáná nigíʼdúu Jeobá niʼthún “testigo” xa̱bu̱ bi̱ nduyamajkuíí rá.
RÍ NAGÁJNURIYO̱O̱ʼ
Testigos de Jeobá ni̱ndxu̱ún cristianos bi̱ gajkhun. Náa mbájndi numbaaʼ kúwíin a̱ngiu̱ún bi̱ nduyamajkuíí Dios, náa Biblia e̱ʼkha̱ xúgíʼ rí ikhiin enimbu̱ún ga̱jma̱a̱ nini majmaʼnuuʼ rí gajkhun ga̱jma̱a̱ numuu Jeobá.
Rí nijmañaaʼ
-
Náá numuu rí nagumbiʼyuxu testigos de Jeobá rá.
-
Xú káʼnii esngajmá rí nanduxu kuyamijná rá.
-
Lá naku̱ma̱ʼ ikháán rí testigos de Jeobá ni̱ndxu̱ún cristianos bi̱ gajkhun ráʼ.
ATAYÁÁ ITHÁAN
Atayáá májánʼ xú káʼnii nijkha ragiʼi rí nikúwáanʼxu.
Testigos de Jeobá: Xa̱bu̱ bi̱ niguaʼdáá fe. Níʼkhóo 1: Nagájniín náa mikrína (1:00:53)
Atayáá xú káʼnii testigo de Jehová nini makujmaa pa̱jnu̱ mbá kisngáa rí nduwaʼ.
Atayáá xú káʼnii nixtiʼña̱a̱ tikhu graxe̱ rí mbáa ikháán nitani̱ ga̱jma̱a̱ numún testigos de Jeobá.
“Graxe̱ rí naguma ga̱jma̱a̱ numún testigos de Jeobá” (Niʼkhóo dí rígá náa jw.org)
Rí tsíyoo gáʼñúnʼ xa̱bu̱ Stephen niʼni maʼni dí raʼkhí kayuʼ. Atayáá ndiéjunʼ ndiʼyoo náa testigos de Jeobá rí maxkajxi̱i̱ mu mariʼkuminaʼ.
“Raʼkhí kayuuʼ xóo nixtáá” (Bi̱ Nayejngoo, 1 ñajunʼ gu̱nʼ julio tsiguʼ 2015)
a I̱yi̱i̱ʼ Bi̱ Nayejngoo nindxu̱u̱ mbá i̱yi̱i̱ʼ dí itháan najmuxu rí nagájnuu nángi eʼni, nigi̱ʼdu̱u̱ nigájnuu nákha tsiguʼ 1879.
Puede que también le interese
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.
